ابيات متواضعه ارجو أن تنال استحسانكم
تعال اسمع كلامي يالقريب الطيّب المحبوب = وفسّرها على ماتشتهي ولكلٍ اسلوبه
ترى ماعاد عندي صبر أخلّي حقّي المسلوب = انا وشلون ابرضى عيشتي والحال مغلوبه؟
ثلاث سنين ياغالّي وانا في دولتك مغلوب = بدون ادناة ذنب ، وصادرٍ في حقّي إعقوبه
وانا ماني مثل موسى ولا عيسى ولا أيوب = علشان اصبر الصبر القوي وابعد عن الحَوْبه
وعلى شرع الاله اللي شرع للمسلمين دروب = سألت ابوك : وش يبغى وهو يبشر بماجوبه؟
وقال : إن ابن عمّك قد سبقني والزمن محسوب = طلب يدها خلاص ، وبنتنا في حكم مخطوبه
وانا مابي قُصُور ولاعلى وجهي خُتوم ذنوب = ابيّض وجه من يدخل بوجهي وافرج إكروبه
ماعاد اقدر على بعدك ولا اقدر عن هواك اتوب = ولا باقي لي الا حلّ واحد بتّجه صوبه
نويت اخطفك واصبح في بلادي مجرمٍ مطلوب = ولاني طالبٍ رحمه ولاني معلنٍ توبه