احسن الله عزاكم
وتقبلوا هذه المتواضعة التي اتمنى ان تعبر عن القليل من مابي
من حزن بفقد والدنا الملك فهد رحمه الله
يالله انا طالبينك يالملاذ ويالاله=الصبر ياربنا من بعد ماجانا النذير
مؤمنينٍ بالقدر لكنّ وش عاد السواة=معتلي صوت الصياح ويذرف الدمع الغزير
بعد مااصبحنا يتامى من مقادير الحياة=مات ابونا كلبونا صبح الاثنين العسير
صبح مظلم واظلم العالم من ارضه لا سماه=صابني حزن وذهول وصرت في حالٍ خطير
كله الشعب السعودي طاله الحزن وغشاه=يبكي الطفل الصغير00ويبكي الرجل الكبير
يبكي طويق وهضابه وايضاً جبال السراة=والحجاز ونجد تبكي والشماليّ وعسير
مات عز العُرب والاسلام والعالم نعاه=خادم البيتين ابونا راعي القلب الكبير
يالله انك ترحمه يالله وتطيب ثراه=واجعل القبر اله روضة واجعل الجنة مصير
وابو متعب هو عزانا يالله تسدد خطاه=خادم البيتين من بعده على نفس المسير
اخوكم
خلف مرزوق