[وصل العطياني؟؟؟]

السلام علاكم

المحبة ما على خطـّها لوحة رجوع=كود لإسرائيل لوحة على خطّ ضرما
إنشد اللي لاعه العشق وأعلن بالخضوع=وإنشد اللي بايع الروح بالما والهما
كنت من زود الشقاوة ومن شين الطبوع=أنهض الجنحان واحوم من حول الحمى
لين وقـّعــْـت بمتاهات ما منها طلوع=الوكاد إنّ أقرب الأمثلة مسكة عمى
احمد الله يوم ما رحت في سيل الربوع=وآخرتها رايح "ن" في هوى عذب اللمى
ما شلع قلبي وطيــّر معه خمسة ضلوع=غير عين"ن" تطرح الطير من سابع سما
كلّ ما ناظرتها قلت يا حظّ الدموع=الدموع اللي تبختر على خدّ طخما
يا غناتي والله إنـّي عليك أظما وأجوع=لين أشوفك ثمّ لا عاد جوع ولا ظما
ودّي أولّع لك أصابع كفوفي شموع=وودّي أنـزّهــْـك عن كلّ مخلوق , إنما
الصلاة اللي ما فيها سجود ولا ركوع=أتذكّرها وينشب لساني فالجما
بس لي مطلوب واحد وأنا رجل"ن" قنوع=طهــّريني من غثا الأرض واخذيني سما

تحياااااااااااااااتي.

التوقيع

na111na@hotmail.com