عرض مشاركة واحدة
غير مقروء 18-Mar-2010, 01:52 PM رقم المشاركة : 28
معلومات العضو
معجب العتيبي

مشرف منتدى المحاوره

المحاولات الشعرية

إحصائية العضو






معجب العتيبي غير متواجد حالياً

افتراضي

الدجيماء

ابا ابدا بالسلام اللي تخلّى عنه ابن شهران = سلام الله عليكم قبل معجب تنقز عيونه
من اول لاشريت كتاب اراعي حبكة العنوان = وهالحينه ليا مني شريته شفت مضمونه


معجب العتيبي

هلا يامرحبا ترحيبةٍ يرجحبها الميزان= لو انك يوم سلمت التحايا جات مجنونه
على قولك كذا ياشين حظ اللي فتح دكان=تصير بضاعته بمشابه الاذواق مركونه



الدجيماء

يدوم الك البقا ياشاعرٍ طيبه من الجدّان = يعرفه من سمع به وأكّده منهم يعرفونه
ليا جا التاجر فربح التجاره ميت وطمعان = يعوّد ميّسٍ منها كسير ويشكي ديونه


معجب العتيبي

ولا فيكم قصور ولاعليكم زود يالعضيان=رجالٍ فعلكم بيّن..وحقوق الناس مصيونه
ترا سوق الغلا يحتاج فكر ومزودٍ مليان=مايبغا واحدٍ من كثر نومه كبرت لجونه


الدجيماء

بعد "صدام" هاجم "جابر" اللي ظنتي غلطان = علام الكنق ماحل الصراع احسن على هونه
هاعان امريكيا ترمي قمايمها على العربان = هذا يسرق وذا ياكل وكل الشر بفنونه



معجب العتيبي

سياسات العراق اللي مشت ويقودها برزان=ماضني راي راع الراي لو قاله يطيعونه
ترا لو كان نظرة صاحبي سودا بدون الوان=ترا لازال فيه الخيـر والعربـان يلقونـه

الدجيماء

هذا هو حال واقعنا ولايحتاج للبرهان = ليا صارحت ريّسنا تلخبط وانقلب لونه
اجل وش فايدة مجلس كبار القوم واهل الشان = ليا جا الحكم ضد الحق محدٍ واقفٍ دونه


معجب العتيبي

علينا ياجب النصح وعليهم ياجب التبيان=وبعدها ياجب انّا مانكذب مايقولونه
والا يا اصحابنا زيدوا ثقه فيهم . ومهما كان=مانبغا يكبر التأثير من هرجٍ توحّونه



الدجيماء

علينا الامتثال لشوركم ياجملة الشيخان = بعدها ياجب انا مانخالف ماتعدّونه
عليم الله مال الكنق غير الشكر والعرفان = عسا ربي يديم الدار ويعززْه بأركانه















التوقيع
اضغط على الصورة لرؤيتها بالحجم الطبيعي
رد مع اقتباس