[ابراهيم الزراقي]

السلام عليكم ورحمة الله وبركاته



مساء /صباح /الخير والاحساس والطيبة





هذي ابيات جديدة اتمنى انها تعجبكم


واعتبروهااا مدااعبة

ياسعود أثر طفرة المخبى لها قصه=والقصة ألها بطل والناس ماتدري
لقيت أنا له أثر لابد نقتصه=فكر معي قبل اجيب العيد في فكري
حنا تعبنا وذاب من الصبر فصه=والناس ماترحم ألي طفرته بدري
شفنا التطور نصانا وأللتوى عصه=مابه تطور وحال اسواقنا مزري
دام الرويتب غلا التجار يمتصه=متى نبا نركب البي أم ؟ لايطري
كلن فقد عشرته ورياله ونصه=وخذت كذا من يدينا طوعاً وجبري
وشلون وخذت هْذي يبغالها حُصَه=تعلم الغافلين المكسب الجذري
والله ماخاشر المظهود في حَصِه=غير الحناشل وبعض العالم البطري
رحنا ضحايا زمانن ينتفع لصه=وهبايب الوقت في مرباعنا تذري
لكن تبغى خلاصة علمي ونصة=يستاهل ألي فتح رجليه للكبري
حنا السبب والحلوق ألي بها غصة=ماتفرق الببسي عن الشاهي الجمري
شوف الحضارم تصر المال وترصه=وأنته وأنا حالنا من وقتنا مبري
ياسعود هذي سوالف ناس مختصه=ضيقت صدرك وبقعا ضيقت صدري
لكن هات الورق مادامك تحصه=قابل خويك نبا نلعب قبل تسري
وأنا بأوزع وإذا بتقص لك قصه=انصحك قص الورق تراني ابا اشري
من شان ماتعترض وتقول ذي رصه=لاشفت الاربع ميه فاللعب من بدري

وسلامتكم



شعر ,,ابراهيم الزراقي

آخر تعديل ابراهيم الزراقي يوم 14-Mar-2010 في 08:51 PM.