ابن المحايا .... كلامك ونقدك تاج على راسي .... لكن ارجو ان تسأل السناني والزلامي بما انهما شعراء معنى عن شاعرية ابن ثايب ورأيهم فيه وسترى الجواب ... وبما انك تقول المحاوره تعتمد على المعنى ...
فلن اسالك عن معنى بيت ابن ثايب مع المورقي والذي فهمه كبار الشعراء وخفي على الكثير والذي يقول فيه :
السيف سيف اللي يفيده ليا جا ليل الاثنين
يالله لعله من نصيبك وترقابه سنودي
ولكنني سأسألك عن معنى احد ابياته امام شاهر العنزي والذي يقول فيه
عفا الله عنكم يا امة الصاد والضاد
سمعنا وشفنا والله موحدينه
( يعني هل مثل هذه الابيات ليس فيها معنى ؟؟؟ )
وارجو منك ان تفسر بيته لفلاح المورقي والذي يقول فيه :
بغيت تطير ذيك الحين ياعباس بن فرناس لكن الحظ حولك والعزاوي جرت الهايب ؟؟
ان كان شعر المحاوره يعتمد على المعنى فشعر العرضه كذلك وبما ان بن ثايب احد اكبر شعراء العرضه وله ابيات في شعر العرضه لم تفهم الا بعد سنوات ..فبامكانه ان يبرز بالمحاوره ومحاوراته في السنوات الاخيره لا تتعدى 7 او 8 محاورات ولكن صارت محل نقاشات وجدل فكيف لو انه نشأ في ساحة المحاوره فماذا سيحدث؟؟؟.. وابن ثايب لم يتحدى شعراء المحاوره الا لانه يرى بنفسه الكفايه وكما قال عنه الزلامي في احد المحاورات :
يامحمد كثر حبك للمشاكل والطلايب هي صلابة راس ولا عالم هذا عملها
لكن ابن ثايب يتعمد في اكثر الاحيان لاظهار المعنى للجمهور ليستوعبوا مايدور بينه وبين الشاعر الاخر ...
واليكم محاوره من محاورات ابن ثايب مع الزلامي وجدتها في منتدى الحفاه من عتيبه ..... وهي محاوره يغلب عليها الطابع الفكاهي ..
]رشـــيــــد الــــزلامــــي)
*
في العـرف قبلـي ماعقلهـا غيـر شايـب
مستعد أشبهـا لوتحتـرق بيشـة و هلهـا
بيض الله و جه من جاب الهديه لبـن ثايـب
قلت عطني نصفهـا لكـن جمعهـا وكلهـا
(بــــن ثــايــب الـشـهـرانـي)
*
لا تصول وآخـر الليـل حولكـم يبالحلايـب
يمنع الله بيشـة الغينـاء و تسلـم يانخلهـا
حقكم مرفوع يامالك و ماله مـن العجايب
لك ثمان أرزاق حتى تشحذ اللقمـة و ملهـا
*
(رشـــيــــد الــــزلامــــي)
*
والله إنك محتـرم أقولهـا حاضـر وغايب
مير لاتنسى ترى مـال الحملـه إلا جملهـأ
ودي أمزح معك لكن خايف تجيب لنا مصايب
أنت رجـل تجيـب السالفـة علـى عدلهـا
*
(بــــن ثــايــب الـشـهـرانـي)
*
تعرف ويـن الزلامـي وويـن ابـن ثايـب
لاتجي تنصر بنـي عمـك فتلحقهـا بطلهـا
الله يغنينا و يغنيكـم مـن أرزاق الغصائـب
تبغي الحشمة فخلك يالزلامـي فـي جبلهـا
*
(رشـــيــــد الــــزلامــــي)
*
المطر سرى عليكم من غزيـرات السحائـب
يالله أومر فوق رأسـه مزنـة يمطـر هللها
يامحمد كثـر حبـك للمشاكـل و الطلائـب
هي صلابـة رأس و لاعالـم هـذا عملهـا
*
(بــــن ثــايــب الـشـهـرانـي)
*
تشرب التمباك شرب حط مكنونـك شبايـب
ولا أنا بدوي ما غير أحمل عصاتي و اشتغلها
ماوراكم ياعتيبة مـن العلـوم إلا الغرائـب
كل يـوم ناقليـن حملـة مـا أحـد نقلهـا
*
(رشـــيــــد الــــزلامــــي)
*
اشرب الدخان لكـن اعتبرنـي عنـه تايـب
وأنت توب عن العلـوم الثانيـة دور بدلهـا
أنت يوم تعصى بالعصا و يش أنـت جايـب
روح لليابان وازرع قلب ذيـب وكبـد لهـا
*
(بــــن ثــايــب الـشـهـرانـي)
*
شيخكم منـا وحنـا منـه نطـاح الحرايـب
لا يموت ابن العلا صبت على ضوك رمدها
كم على الشيبان غيرك من مسددة النوايـب
والأسبوع الجاي زورنا خاف بيشة تعتزلهـا