[أحمد المويعزي]

ابن شايق

ياسلامـي علـى بيـت الكـرم والضيـافـهوالكـرامـه لاهـلـهـا والضـيـافـه لاهـلـهـا

من سمع صوت راشد تالي الوقت شافهوالحـمـول الثقـيـلـه مـالـهـا الا جمـلـهـا

راشد

مرحبا عد ما سرتو لنا مـن مسافـهمن يقـدم علـوم جـزال ياخـد بدلهـا

ذاك قصر الامير وذاك قصر الخلافهكـل واحـد يبـرك فـاطـره ويعقلـهـا

ابن شايق

عقب لعب الهوايه جاك لعب الحرافهالحصـاه الكبيـره باقـيـه فــي جبلـهـا

المجاعـه تـرى مابعدهـا الا المخـافـهماضلمنا الرجـال وكلمـة الحـق قلهـا

راشد

واضح انك معك هقوه وعندك ثقافهكلـمـة مالـهـا تبـريـر مــا نحتملـهـا

لا يجي فيك لوطال الطريق انحرافهما يسمي بيده الرجـل ليـن يغسلهـا

ابن شايق

المخرف مخرف ويش طب الخرافهيالله انك عقب ميل الزمـان تعدلهـا

لعنبو من رضـا بالمهزلـه والضعافـهناس ما عاد نعرف علمها من جهلهـا

راشد

المخرف كبر والعيب شغـل اللقافـهليـش يابـن الحـلال تلمـهـا وتعقلـهـا

لعنبـو مـن يخـرب حجتـه باعتـرافـهما تعرف الكواكب وانت عدك تصلها

ابن شايق

نــام أبـوزيـد بفـراشـه وكـثـر لـحـافـهوكل نفـس نهـار الحشـر تلقـى عملهـا

جبت الاسم الرباعي قال ابي زود وافهتمـرة أهـل المدينـه ناشبـه فـي نخلـهـا

راشد

انشد اللي ترك كل المشاكل عيافهماينوش الخليـه ليـن يسـرح نحلهـا

عاقل المره اللي تخبره في كتافـهمابقـي قريـة مـطـوره مــا نزلـهـا

ابن شايق

انشد اللـي لقينـا صورتـه بالصحافـهكل ما جيب ابرد لقمتـي جـا واكلهـا

لا اقفت المقفيه مالي عليها حسافهوالله اللـي تكـفـل بالعـبـاد وكفلـهـا

راشد

لا يصيبك على لقمه بسيطه كسافهابشر انه ورط بالعمله اللـي عملهـا

مايطلع بياض الثـوب غيـر النظافـهخلهـا كلمـة تمشـي وتطـلـع قبلـهـا

ابن شايق

بشر اللي مايعرف جمرته من طوافهجعلهـا مـا تكـبـت ضـدنـا مــن حللها