إلــى عكــــــــــــــاش مع التحيه
هـذه القصــــــــــيده لهـا قصـة ظريفـة جــداً يـرويهـا لنـا صديـق صـاحب القصيدة
وصاحبها هو ( ناصر بن فهد الرويبع )
المهم .. يقـول صـاحبنـا :
في نهاية سنـة1999 وتحـديداً بتـاريخ 31/12/1999 وقبل منتصف الليل كان حديث الساعة
( عـام 2000 ) وماذا سيحدث عندما ندخل العام الجديد
حيث تحدثت وسائل الإعلام عن إحتمـال حدوث خلل في أجهزة الكمبيوتر قد تؤدي
إلى خلل في الطاقة وإنقطاع للكهربـاء وتصادم للطائرات......( سوالف الأمريكان )
المهم ( ربعنا ) و ( شيباتا ) ما صدقوا خبر وإستعدوا آخر إستعداد ( حالة طواري )
اللي جاب ( تريك ) واللي حضر ( شمع ) واللي ( إنحاش ) للبر
واللي طلّع الرادو القديم ( اللي جلده كنه لزقة ظهر ) وجهز ( الباتري )
بالعربــــــــــــي .......صـارت دربكه
عاد صـاحبنـا تفـاعل مع القضية من وجهة نظـــــره.
والقصيدة في نظري تعبر عن أمور كثيـــــــــــرة
ممكن تصور حال البدو كيـف كانـوا وأيـن أصبحوا
وممكن تصور حال المسلمين وماذا فعــلت بهم الأيام
وممكن تصور حال بعض الحكام اللي عششوا في كراسيهم ( الشايب اللي منه الموت عايف )
** تظـام الجمهوريات يقول ( 8 سنين ) أي دورتين للرئاسة
** وربعنا على 80 سنة ويعطيها ولده ( ويقول ديموقراطية ) ...طيه
خلــونا مع القصيدة :
هايــف قبـل 2000 واليـوم هايـف=في صفحـة التـاريخ .. حق.. وحقيقه
راسـي كمـا ضلـعٍ عن البحـر نايـف=يلجــي به المضيـوم لا حـس ضيقه
يـوم إنها بالسيـف. .غـازي وحايـف=لـه صـولةً بالعـز ماهـي سـريقه
يـوم القبـايل .. والعلــوم الطرايف=شـيٍ علـى وضــح النقـا والطريقه
واليـوم صارت مثل فرقـى الولايف=كلٍ لحـاله مـا يهمـه رفيقـه
كلٍ يقـول 2000 والكل خـايف=وكلٍ ينـاظر سـاعته بالدقيـقه
أحدٍ يشـوف المـوت حوله مضايف=وأحـدٍ يقـول الهـرج مابه وثيـقه
والشـايب اللي منّـه الوقـت عايف=قـام يتجـود بالحبــال الوثيقه
لا قلتله هـوّن تــرى الأمر هايف=قال البــلا من مـا يشرق بريقه
حـالة طـواري وأصبـح العلم زايف=وبانت علــوم أهل البـلاد العريقه
نـاسٍ تطـوّفنـا على كل طــايف=تحلق شـواربنـا ... ولوهي حليقه
نسكـت عن الشيـشان والكل شايف=ما ودّنـا نخسـر بـلادٍ صديقه
مسلم يمـوت اليـوم ماهو حسايف=يجـي مكـانه من يكمـل فريقه
ثم يستمـر اللعـب لو مات هايف=ولا يموت الحق ... وهايف حقيقه