ابو فاااايح
يامرحبا مليووون في أي وقت
ابو طايل الهرش اسم اقترن بالأبداع والجبروت الشعري
عدة أسئله ربما أعود بعدها إن سمحت لي
كونت ثنائيه مع (العوني) كيف تراها ؟؟؟
عادية بعضها جيد وبعضها لي عليه ملاحظات
وكيف ترى شاعرية العوني ؟؟؟
آراه شاعر عادي وصاحب مقالب فقط
وأيهما أقوى زياد الشطيطي أم العوني ؟؟؟
العوني اقوى من زياد
وزياد افضل من العوني بتعامله واخلاقه
ولماذا لقاءات مع العوني خاليه
من المعنى ومكشوفه للجميع من السبب أنت ام هو ؟؟؟
انا لم اطلب العوني ولافي محاورة هو فقط من يأتي ويطلبني
والسبب ضغطي على زياد في اول محاورة لي معه
فان كان فيه سبب فهو منه لاني انا مجبور على الرد على
البيت الذي امامي.
في أحد لقاءاتك مع الأسطوره
يقول لك في منتصف المحاوره
ابا اكتب لك الخطة بما قلناه وارسمها***على أخوك الفقر معك الله يسلمك فزاعي
فقلت
اخوك التوم ماهو ب الي اخو لكن دمدمهـا***وهذه كلمتك وتعود الك فالشكل والناعـي.
من أي قاموس جئت بكلمة (الناعي ) ؟؟؟
ألا ترى أنك عسرت أبوها ؟؟؟
ههههه
من قاموس بندر بن سرور
الا يانديبي فوق دوج عليه شراع
ماقال انفخ التشريق جاء في مواصيره
ليا هبت العليا وقام العجاج وراع
يهيظك مع السكه تزاوغ معاصيره
صنايع يهود لايبدل ولا ينباع
يقربك من دار ويبعدك عن ديره
بعد ماطلعوه مشيك مايبي المرجاع
سمع من وراه الفوج غنت مواطيره
ليا دق سلفه قام صوته يرج القاع
ماجاه المعاون يشتغل في مساميره
عطاه اثنين وداس بلأبنص وفاع
رزيمه رعد مزن تهلع دناقيره
خرط له بثالث عقب نشه بعزم وزاع
شتله برابع مايضيع تغاييره
ليا شال عزمه ريحه آمن مارتاع
مسك مع يمين الخط ويلد لأنبيره
نص جو سمنه مايبطنج مع الأرواع
منصيه شيخ ماتبطل جزازيره
على سلم جده مايشاور ضعيف الناع
يدلك بفعله كاثرات دواويره
وهل ترى العسر مسموح به فابيات الشاعر ( بمعنى ياتي بكلمه ويغير حروف بإختراع عجيب لتتوافق مع القافيه ) ؟؟؟
لا غير مسموح بها
وما رايك في الشاعر الذي يكثر من مثل هذا ؟؟؟
انا مارأيت احد يتعامل بمثل ماتقول يابو فايح .
مما سبق من أسئله الأعضاء وجدتهم يسألونك عن أقوى محاوراتك
ومن أجاباتك رايت أنك تقول أن اقوى محاوراتك مع فلان وفلان وعندما
قرأتها وجدتها ( مكشوفه وخزى نوعا ما ) هل تفضل هذا النوع من الشعر ؟؟؟
لكنها تحتوي على قوة فتل ونقض والفتل والنقض
عنصرين اساسيين فالمحاورة وانالاافضل مثل النوع
اللي تقول عليه الااذا اجبرت فهو من السهل لدي
لعبت مع الشاعر حمود السمي لماذا بدأت
بالتفاخر بالقبيله مثل شعراء ( حنا وحنا ) ؟؟؟ وهل ترى أن هذا ضروري
عندما يكون اللقاء اول مره مع الخصم لكي يكون تعريف بالنفس ؟؟؟
ماهو ضروري يابو فايح لكن يمكن يكون افضل
اذا كان اللقاء لاول مرة يجب ان تلفت انظار الجميع
لان الشاعر لايعرفك وانت ماتعرف عنه شي او ماتعرف غير باسمه.