الشاعر الكبير والعلم / عيد العااازمي
هلا وغلا
تبقا يامرحب
ارحب يابو طايل يابن عم البحر مستور !!
محيط الشعر والجزاله
لاننكر استفادة اغلب الشعار منك بهذا القسم وانا اولهم
سعود العصيمي المشرف !!
بعد ان اصبح سعود مشرفاً قل تواجده؟ قل التزامه باكمال الطواريق؟ لماذا
صحيح ماتفضلت به والسبب هو قلة الواهس وقلة تواجد الشعراء الذين
يمكن الاستفادة منهم والارتياح للعب معهم شرواك ،، بالاضافة الى الانشغااال باعمال الحياه الاخرى
سعود الشاعر النخبوي
انت من شعار المعنى الاصيلين
ماذا تفسر غياب المعنى وانعدامه من الساحه الا ماندر فالفتره الحاليه !
المعنى هو الروح الآساسي في شعر المحاورة فاذا
انعدم وجوده انعدمت نكهتها واصبحت مشلولة
معاني المنتديات هل تروق لسعود حالياً!!
المعنى هو هو سواءّ في ساحة او في نت لكن ماكل معنى
يروق لي فاذا كان المعنى سامي فهذا هو المطلوب
طاروق لسعود راضي عنه تمام الرضا ؟ وطاروق ندم عليه سعود!
لا اقولك اني راضي عن جميع محاوراتي ولكن الاغلب منها خاصة محاوراتي
معك ،،ومع علي فلاح ،، ومع سلطان بن دحيم،، ومع النشمي ،، وسلطان الجذع ،، ومع حمود برجس،، وابن سرحان.
واما طاروق ندمت عليه لااذكر طاروق معين وربما فيه كذا طاروق
ولكن فيه طاروقين راضي عنهما بقووة واحد مع ابو لمار والثاني مع زياد الشطيطي وهما:
سعود العصيمي =
اقرب يابو لمار واسمعني وهات .... والملعبه بيني وبينك حد سيـف=من طب في سوق الغلا باع وشرا.... واللي عقد روس الحبال يحلها.
فوقك نجوم في سماها مرقبات....تذري قبايـل نجـد واولهـم ثقيـف=رح علم ابها كل واحد مادرا.... واللي عقـد روس الحبـال يحلهـا.
ابو لمار=
دامك تدوّر للحمول الكايدات 0 0 الحمل ياثلـب البـدو ماهـو خفيـف=في البيع هات الغاليه والمشترى 0 0 واللي عقد روس الحبـال يحلهـا
فوقك طيور(ن) يالعصيمي حايمات 0 0 واظن مرسوله عليك من القطيف=والسرب قايده الطوير الاخضرى 0 0 واللي عقد روس الحبـال يحلهـا
سعود العصيمي =
حنا نوجب كل راعي موجبات....وان أدّب الطاغي ونرحـم للضعيـف=واليااحتمى الميقاف ردينا البرا .... واللي عقدروس الحبال يحلهـا.
مافوقي الا الله من كل الجهات ....والجيش قاده مودع الصعبه عسيف=يامصاحبٍ من صايبه منا الزرا .... واللي عقد روس الحبال يحلهـا.
ابو لمار=
الاوّله يمكن علومك صايبات 0 0 والثانيه وش لون جات وجات كيـف=ماقول غير الله عليكم اكبرى 0 0 واللـي عقـد روس الحبـال يحلهـا
مالي ومال اهل الصدور الضيّقات 0 0 مايلتفت للعلم ابو قلب(ن) نظيف=اللي سمع واللي كتب واللي قرى 0 0 واللي عقد روس الحبال يحلهـا
سعود العصيمي =
حنا مانهرج غير بالعلم الثبات .... لاتعترض قدام ضابـط ياعريـف=ايلزقك في جدر تلزيقة غرا .... واللي عقد روس الحبـال يحلهـا .
لو ان جايك من رفاقتنا شمات .... ماقلت الك ياحيف في علمك ياحيف=لكن غرربك بليس الاعورا ..... واللي عقـد روس الحبـال يحلهـا.
ابو لمار=
ياسعود لاتنسى الليالي الماضيات 0 0 يوم ان جرحك وقتها ينزف نزيف=وانته ليا ذلحين جرحك مابرى 0 0 واللي عقـد روس الحبـال يحلهـا
الله يعلم بالعلوم الخافيات 0 0 ان قلت غش ان قلت كذب ان قلت زيف=يانعلبو هذا الزمان الاغبرى 0 0 واللـي عقـد روس الحبـال يحلهـا
سعود العصيمي =
فاللي مضى حطيت قي فمك الحصات .... واليوم طرفك يابيض الشارب كفيف=هذا الصحيح اللي حصل واللي جرا .... واللي عقـد روس الحبـال يحلهـا.
انكان تطلبنـا ديـونٍ موكـدات .... قـدم لنـا الحجـه وعجـل ياشريـف=ترا الدروب اثنينه ايمن وايسرا ..... واللـي عقـد روس الحبـال يحلهـا .
ابو لمار=
المشكله كل العلوم امسجّلات 0 0 في صفحة الهيلا وكل العلم شيـف=حيله قديمه يالحصين الازهرى 0 0 واللي عقد روس الحبـال يحلهـا
القاضي اللي مختفي سدّ العبات 0 0 ماخذ حقوقي منه بالسيف الرهيف=نمشي على قدّام مانرجع ورى 0 0 واللي عقد روس الحبـال يحلهـا.
سعود العصيمي =
كل الحقايق عندنا وموثقات .... فالصيف والا فالشتاء والا الخريف=صفق الهبايب مايزعزع في كرا... واللي عقد روس الحبال يحلها.
مايتقي سد العباه الا البنات ..... وانكان هذا فعلكم ربـك لطيـف=مانت بقارب زيد والا عنترا .... واللي عقد روس الحبال يحلهـا.
ابو لمار=
ضحكتني يابو العلوم المضحكات 0 0 حسبي على اللي قال لك دمك خفيف=اثرك عمى تبغى تغش المبصرى 0 0 واللي عقـد روس الحبـال يحلهـا
وصفتها ياصاحبي باحلى صفات 0 0 العالم اللي مالقيـت الهـا وصيـف=اصفات مضبوطه عليها تشكرى 0 0 واللـي عقـد روس الحبـال يحلهـا
زياد الشطيطي=
فكّكنا حزب البعث ماباقي سوا واحد شريد=يا عزة ابراهيم قرّب من حبـال المشنقـه
لو ان من ذبحتك ما والله بواحـد مستفيـد=لاكن قرار القاضي اللي دق راس المطرقه
سعود العصيمي =
انته تقوله مار انا ماشفت لك فعلٍ وكيد=وانا لياحصلت لي راسٍ يعاندنـا احلقـه
انكان طامع تكسر السيف المهند بالجريد=تراك مثل اللي يثوّر في خباه إببندقـه.
زياد الشطيطي=
ماهي غريبه من سعود انه يقـول النـا جحيـد=لـو انـي قـدام الله وخلقـه يانـاس معلقـه
ضرب السعف يكفيك عن ضرب المهند والحديد=ما تحتمل رمحي يابو طايل لـو انـي بزرقـه
سعود العصيمي =
نهرج بهرج الحق عن درب الحقيقه مانحيد=وانواجه الرجال وجه لوجه وانته تدرقـه.
احذر تزعلني واحط بيدك والرجليـن قيـد=حلوك ومرك يالشطيطي كان ماذقته ذقـه.
زياد الشطيطي=
رحنا وجينـا مالقينـا راس يطحنـا عنيـد=واثر معاندنا عظيم الشان مـا بعـد اخلقـه
اليا زعلت ازعل ولا انته بعد مزعالك سعيد=رضاوتك مشعابنـا بيـن الاذانـي نطبقـه
سعودالعصيمي =
ماني بخابر لي مطاري على الهيلا يزيد=ان قلت وان ماقلت حنا اللي ندقك دقدقه.
ماهوب مفتكك من عتيبه قريب ولابعيـد=الهرج طيب والفعول معاكسة وامبندقه.
زياد الشطيطي=
ماني بزايد في علومٍ عندكم نهج رصيـد=يا مطيب سعود العصيمي لوّ مامعه سلقه
تفتكني يمناي وقت اللازمه والله شهيـد=لاكنّ ليت صويحبي يلقى كريـمٍ يعتقـه
سعود العصيمي =
علومنا بافعالنا مبنـى علـى سـاس جويـد=ياراعي البيضه وصاحبها اقل بيضك واسلقه.
نبا نسوقك سوق لين انك عن الزلـة تهيـد=لين المطاري مايحصل حرف واحد ينطقـه.
زياد الشطيطي=
البيض كلٍ ياكله يا سعود ما تعـرف تصيـد=يا ماكل العرجون جعله في بطينك محرقـه
ما هوب سايق له حدا ماهوب جايب له جديد=يا ليت حبله من رجلوله يـا عتيبـه يطلقـه
سعود العصيمي =
بيضك خصوصي غير عن بيض الاوادم يافريد = يالشاعر اللي من سمعك ايقول معه معلقه.
اللي يناحينا يبا يبرك بزاره فوق حيد = لكن ريح لاتنوش لك جمل ماتلحقه
زياد الشطيطي=
هاذي تراها ما تمشى شوفلك طالب بليـد=ياللي قنعت بمقسمك هاذي علاك مصدقه
من بعد ما حظك رماك وحطك باسٍ شديد=ريح الهوا ما تطمع انك يالعصيمي تنشقه
سعود العصيمي =
مانته مرجعها لنا من عقب جاتك فالبريد=البينه ماهي خفيـة والعلـوم امحققـه.
انا عتيبيٍ بكفه شايـلٍ سيـف الوليـد=واللي سواتك كل ماواجهله ايروح امرقه.
هل يتوقف الابداع عند حد معين فالساحه او النت ؟
الابدااع لايتوقف عند حد معين ابدآ .
شاعر اجبر سعود العصيمي على السير خلف ابياته ولايعطيه مجال للفتل !
لم يقابلني هذا الشاعر اطلاقآ .
من الشعار الجدد بالمنتدى من يعجب سعود ويرى فيه شاعر مبدع!!
والله الحقيقة ماني متابع لهم المتابعة المطلوبة
ولكن هنالك الشاعر/الدجيما.
والشاعر/علي الشهراني وغيرهم شعراء لكن مثل ماقلت
ماابي اتنقد مع احد لاني ماتابعت بشكل صحيح
شاعر لاتامن جانبه؟ ؟
اذا كان قصدك التدقيق على بيوته فهو
الشاعر/ علي الثبيتي خطير جدآ
شاعر لاتعجبك اساليبه؟
صاحب الاسم المستعاااار / الذي يتهجم
على الشعراء والمشرفين والادارة.
لقب الشاعر الراقي يستحقه احد الشعار الجدد معنا على من تطلقه!!
الشاعر/ الشهراني.
عن الساحه
تقييمك لعبدالله الميزاني
شاعر كبير وخطير جدآ
شعار عتيبه الشباب اغلبهم مبدعين . من تتوقع بروزه سريعاً عن البقيه
الشاعر العملاق / حمدان العصيمي
شاعر تحرص على متابعته فالساحه من غير العتبان !!
كثيرآ من الشعراء لكن ليس بالحرص مثل ماتقول ولكن اتابعك غالبآ
هناك / بخيت السناني . ومصلح بن عياد . صقر سليم يعجبوني كثيرآ
ولك فائق التحية والتقدير
يابو طلال