الفال خير ودايم عتيبه معاها الفال خير = وليل ٍ تجمع به هل المعروف هو عزّ الطلب
ابومخاليب يحفر وابو جناحين ٍ يطير = واللي معه قرشين لايدخل بها سوق الذهب

ياللي تسولف قبل لا نبدا بخطوات المسير=حدد لنا وجهه ونكتبها ويقراها العرب
اللي كفخ واللي حفر كلٍ يبا العيش القرير=واللي بدون فلوس في سوق الذهب يلقى التعب

هالحين طاب الكيف واهدر طول ليلك يابعير = قدمك مسافات ٍ تروّع قلب من لا يحتسب
الجامعه قسم القبول اللي به علوم ٍ تحير = لاصار ماهو من حواليهم يبعّد بالطلب

المشاركة الأصلية كتبت بواسطة معجب العتيبي (المشاركة 717654) ياللي تسولف قبل لا نبدا بخطوات المسير=حدد لنا وجهه ونكتبها ويقراها العرب اللي كفخ واللي حفر كلٍ يبا العيش القرير=واللي بدون فلوس في سوق الذهب يلقى التعب

لامن هدرنا قدم عينك لاتفكر بالمنير=يالقشعمي خلك على الحروه معي والا انسحب
اللي ماهو كفو العلوم الجامعيه يستخير=لا لا يفكر في مناصب عاليه والا رتب

اللي رفع ضغطي وزعّلني سكرتير المدير = أحد ٍ يقدّم له حشف وأحد ٍ يقدّم له رطب
قد قيل يامعجب ترى العاقل يشير ويستشير = واللي يدوّر للخطا تبّت يداه ابولهب

وضع الوكاله والوزاره والسفاره والسفير=دايم تطاردها الوشايه والدعايه والعتب
الراي في راس الرجال اهل المعرفه يستدير=واما بغوها بالطرب والا بغوها بالنشب

ما يبرد كبود الظمايا راعي الحبل القصير = والمسأله بالمعرفه ماوصلت لفتل الشنب
امعدّلي ميّه على ميّه وانا فيها جدير = كم نار نطفيها وكم نار ٍ نزوّدها حطب