هيض عليّه خيـال صبـح جانـا يقـود=خيل على مجر لا خيـل عليـه الغمـام
قلنا من القـوم يومنـه زهـم بالرعـود=مير القفوا له مع السمان والـدرب شـام
ثم احتزمنا واخذنـا كـل سـردا عنـود=ومنومـل فـي مكاليهـا نبـا الاغتنـام
وبعد وصلنا حجار واليا اصطفاق الجرود=واليا انهم من ورى ضرعى سوات القدام
قلت امنعوها نخيـت معربيـن الجـدود=واليا انها قـد تعاقبـت الشفايـا شمـام
قلنا علام العرب قالـوا عيـال القـرود=جاء هيّة صبح جروهـا عيـال الحـرام
قد ناشعوهـا الهـزالا بارديـن الخـدود=وخلوا مواقيفها فـوق الرجـال الحشـام
خلوا شقاها على الظفـران وهـم قعـود=ومقابليـن الجنايـز باعـة مـا تسـام
ياليتها مـن عشيـرة والليالـي سعـود=حتى يقر القريـر ويفطـرون الصيـام
حتى نشوف المشاري يا زعل والشـرود=ونشوف مروين عطشان الرصاص الحيام
يوم الدحية يقول الحيـد الأيمـن ونـود=والحيد الأيمن بلاه من الرحل كـل عـام
انشد حميد الذيابـي ثـم سايـل سعـود=يوم التحقنا بهم فـي الهضبـة ام البشـام
يومن حس النهيلي مثـل حـس الرعـود=نضرب مثانية كنه عيـد مـدري مقـام