من شاف حالي قال يـا سلطـان حالك وش بـلاه=و أمرر أسئلة الفضوليـه وأصـك أبوابهـا
وانا إليا من جاء العصير وذعذع الغربي هواه=أون ونـات (ن) كبيـر الحـظ مايبـلا بهـا
والغالي اللي كل شريانٍ تغـذى مـن غـلاه=يلعب على كيفه و أهل مكة تعرف أشعابهـا
والحال نفس الحال ما يخفاه طيبـه مـن رداه=والعين ماتبغى تشوف أحباب غيـر احبابهـا
روض الحشا قد له ثمان شهور ما طقطق سماه=في غيبة الفرحة عساهـا مايطـول غيابهـا
اثر المحبة تبحـث الرجـال وتبيـح خفـاه=اليا سطت بين الضلـوع وعلقـت مخلابهـا
انا قريت كتاب حبٍ ما احد قبلـي قـراه=وغنيت فيـه معلقـات واحـدٍ غنـا بهـا
حب ترعرع من ورى حدب الضلوع ومبتداه=ماهو لاجل شهرة لابو الشهرة ولابو من جابها
عسى الجريدة والمجلـه والإذاعـه والقنـاة=فدا عنود الصيد وإفدا شوقهـا واعجابهـا
الجـادل اللـي مامنهـا يشـد الانتـبـاه=حتى الكلام يحيـر بيـن شفاههـا وعذابهـا
لا قلت يا سمح المحيا ماتعـرف تقـول هـاه=ماتعرف الا يا نظر عيـن الغـلا واهدابهـا
احيان احس انها طفل و ازعله وادرك رضاه=حتى ليا قامت تعاتبنـي يـا زيـن عتابهـا
احبها حـب الفقـارى للتشبـث بالغنـاه=حتى لو ان الفقـر بيـن جلودهـا وثيابهـا

المشاركة الأصلية كتبت بواسطة عبدالرحمن الهيلوم (المشاركة 710168) صح السام شاعر الوزن الثقيل والسانك

المشاركة الأصلية كتبت بواسطة عبدالله الجـــذع (المشاركة 710174) نص فااخر جدا للعلم الشاعر الكبير سلطان الهاجري الف شكر لك يافواز على الانتقاء الجميل محبك .,

يعطيك العافيه

على القصيده الجميله لشاعر الرائع سلطان الهاجري

تحياتي لك

المشاركة الأصلية كتبت بواسطة الدعجاني 090 (المشاركة 742656) يعطيك العافيه على القصيده الجميله لشاعر الرائع سلطان الهاجري تحياتي لك