|
حبيب العازمي ووصل العطياني ... طاروق عابر للقارات
السلام عليكم ورحمة الله وبركاته
محاوره بين حبيب العازمي ووصل العطياني والحفله كانت في الجموم يمكن قبل تسع شهور او عشر شهور تقريبا وكان معهم صقر والقرقاح وجبت لكم هالطاروق النااااري .... ارجو ان يحوز ع رضاكم حبيب يامفسر الاحلام وش رجل مجنون ... مجنون ويصلي بصف الجماعه شفته وشفت اللي خلافه يصلون ... منهم وصل صلى معه نص ساعه وصل ماهو صحيح وقولوا اللي تقولون ... تراك قبلي قلت سمعن وطاعه لحيتك مدهونه وشاربك مدهون ... وافضل كنوز الكون كنز القناعه حبيب طافت على هامان تمشي يافرعون ... والله كشفها في خبيث البضاعه امن الشحم والا انتم بزيت زيتون ... كل ن دهن وجهه ودهن ذراعه وصل ماتكشف الاسرار والسر مدفون ... عيب الولد ينسى حليب الرضاعه فيما مضى واليوم غسل بصابون ... واليا بغيتوها لكاعه لكاعه حبيب قرش البحر دايم تراه اسود اللون ... واللي ينوشه يلتوي في كراعه كل اليتامى للعطاء يستحقون ... مير امهم ماعاد تلقى طماعه وصل يامعذربين اللون وش تستفيدون ... عنتر تحداكم عزوم وشجاعه لا تنفخون الذرب ياحزب شارون ... في ذمتي ماعندكم غير ضاعه حبيب اهم شي اللون والفعل ما لون ... والوجه يعرف عقب يكشف قناعه ياجعلكم من دون في دون في دون ... في ذمتي ماعاد فيكم شفاعه وصل حنا على كبدك من العام طاعون ... تدري ولا يدري طبيب الاشاعه اخر زمن ماعندكم غير تدعون ... يازينكم بين الرجاء والقطاعه حبيب اللي يبى يظهر حفيلي من يكون ؟؟ ... وانا من الطاعون عندي مناعه الله مكرمنا وحنا غنيون ... ياللي طلعتو في زمان المجاعه وصل مافيكم المضمون ونقول مضمون ... لو نزرع المعروف فيكم زراعه عاشت زبيده كله بفضل هارون ... والا مايطلع صوتها فالاذاعه حبيب معروفنا قبلك غدى وسط ماعون ... واثر البلا الماعون مشقوق قاعه يمين والا يسار لف الدركسون ... هارون عاش بعز ماهي دناعه وصل لو ان لك معروف يمداه مصيون ... النور مايمديك تحجب شعاعه اتخربون اكثر من اللي تسوون ... راحت سرايعكم سراعه سراعه |
صحت السنتهم
|
الحفله كانت قبل سنه وأكثر وكانت في الحويه وكان هذا الطاروق طاروق الحفل
ولاهي غريبه عليهم دائماً طواريقهم مستواها راقي أعجبني هذي البيتين حبيب قرش البحر دايم تراه أشقر اللون .. واللي ينوشه يلتوي في كراعه وصل يامعذربين اللون وش تستفيدون .. عنتر تحداكم عزوم وشجاعه لله دركم شكرًا لك يامحمد المرشدي والحقيقه انك سبقتني على الطاروق هذا كنت أبا انزله قبل وانت سباق للعلوم الغانمه * |
حبيب شاعر عني عن التعريف
بالنسبه للشعار الشباب وصل غير عنهم يرضا اللي يرضا ويزعل اللي يزعل اقسم باللله مايقند راسي غير وصل سوء نظم ولا محاوره واذكركم يامعذربين اللون وش تستفيدون ... عنتر تحداكم عزوم وشجاعه ههههههههههه ايه ياوصل انصف العبيد من هالبدوان لا تنفخون الذرب ياحزب شارون ... في ذمتي ماعندكم غير ضاعه ههههههههه ايه مجرمين مايعترفون بحد اتخربون اكثر من اللي تسوون ... راحت سرايعكم سراعه سراعه خخخخخخخ وصل شايش فالطاروق حبيب ياجعلكم من دون في دون في دون ... في ذمتي ماعاد فيكم شفاعه رد وصل اخر زمن ماعندكم غير تدعون ... يازينكم بين الرجاء والقطاعه هههههههههه والله لولا الحيا كان نسخا اغلب بيوته انتم توحوني يالربع وصل اشعر الشباب علي مستوي القبايل |
مشي حالك ياسعيد العتيبي لاتلحفه الا بطيب ولاسريناك للنياق
|
اقتباس:
انت الظاهر ماتعرف تقرا تلحقت من وضح لو سمحت |
وصل العطياني فالنظم
قصيدة رحنا على أفواه المهبـّـل مساويك ..!! خوّة عزيز الأصل تبقى كما الشيك حتى لو أنه عـن ديـارك تنحّـى وخوّة خبيثين الطبوع الصعاليـك أقْصر من مفلّى الغنم فالمضحّـى واللي على شأن المصالح يخاويـك ليا انتهى منها ؛ بصحبتْك ضحّـى واللي يبيعـك لا تحـرّاه يشريـك والمزن لن جات العواصيف صحّى وياللي ابليس مفشّخٍ بيـن أذانيـك قلبك عليه ستـار مـا ينتصحّـى بالهرج تقفانـي وتنفـخ علابيـك هذي رجولة نعنبوا ذا الملحّـى ؟ أنا ليا منّي بغيـت الحكـي فيـك هرجت باللي فيك وأذنـك توحّـى ألقاك قـدام الرياجيـل وأعطيـك كلمـة بسبّتْهـا نسمْـك يتفـحّـى رحنا على افواه المهبّل مساويـك وحلوقهم من وسعها مـا تسحّـى قصيدة أقوى من البيرة..!! العام قلبي معذّبنـي يبـى الدّيـرة واليوم ما يعشق الديـرة ولا همّـه قلبي ما غير أشغله عقلي بتفكيـره وأنا ضحيّة ثنيـنٍ مـا لهـم ذمـة خلوني أقعد وراحـوا يالله الخيـرة مع بنت شيخٍ يصرّ العلم في كمـه بنتٍ صغيرة وعندي ما هي صغيرة أشوفها عندي أروع بنت في الأمـة لو شافها اللي مايعرف للهوى سيرة يلزم شعر رأسه ويخطيـه ويخمّـه من زينها خلّت العقّال فـي حيـرة أطيب ولد عمّ يحْسدها ولـد عمـه الزين ما يستطيع العقـل تصويـره بس الأكيد إنّها ترقص على القمّـة أخذ عليها القمـر لفـة وتدويـرة قالت وش المشكلة قال أنتي مهمـة والشمس قدّام تغرب جاتها مغيـرة وفلّت شعرها الطويل وقامت تلمّـه والورد الأحمر بهيج اللون ما غيره من حينما شمّته والشمـة الشمـة راح يتثنى على بعضه من الغيـرة وعلى شفاها تكسّـر وانتثـر دمـه وترياقها للمزاج أقوى مـن البيـرة رشفة منه تِنْسِي الواحد حليب أمه والباقي من الوصايف تمّ تشفيـره لو أتمادى شويّـة جيـت بمطمـة الحبّ أبا أموت وأنا أدفع فواتيـره ماهو برايح وباقي شي في الذمـة قصيدة مـيّـت دماغيـاً غرقت في الحب من رأسي إلى ساسي وما زلت في بحـره الغـدّار حاليّـاً الظاهر إنّي غشيم وما اعرف قياسي حتى تجرّعت كـأس المـوت فعليـاًّ وأصبحت منحاس والتفكير منحاسـي والخدّ يروى مـن العبـرات يوميـاًّ إن ناموا الناس رحت وجبت كراسي وترجمت مشاعر الأشـواق شعريـاًّ أطلق عنان القصيد ودقّ هوجاسـي هذي علومي علـى هالحـال ليليـاًّ من غيبتك يالغلا يا عقـد الألماسـي لا والله أغلى مـن الألمـاس دوليـاًّ راحت علومي بَعَدك أخماس وأسداسي ما غير أترجم لك أشواقـي غيابيـاًّ وسوالفي لوّ في موضـوعٍ سياسـي أجيـب سيرتـك فيهـا لا شعوريـاًّ القُرب نعمة لا صار القلب حسّاسـي والبعد يثّـر علـى العشّـاق سلبيـاًّ وإن طوّل البعد أبا آكلها على رأسـي هذي هـي نهايـة العشّـاق حرفيـاًّ لو ما تشوفك عيوني يا بعـد ناسـي والله لتلقيـنّـي مـيّـت دماغـيـاًّ بس إجبري خاطري قبل ألفظ أنفاسي وأروح وأفـارق الدنـيـا نهائـيـاً رسالتي وصلتك من صادق إحساسي وأنا غريقٍ في بحـر الحـبّ حاليـاّ |
وصل العطياني
يالله ياللي ليا منـّـا ترجّانا=نرجيك من طيب قلب ونرفع يدانا نسألك بأسمائك الحسنى وبصفاتك=وندعي ومن زود فضلك تقبل دعانا يارب نطلبك تجمعنا على الطاعة= وتجـمـّع قلوبنا وتشتـّـت أعدانا يارب نشكرك ولك الفضل والمنـّة=يا من جعلت السعد والحظّ وإيـّانا يشهد لنا من حضر في ملتقى الهيلا=يا ما فعلنا وسوّانا وسوّانا دين وثقافة وأدب وإخلاص للدولة=في كل موضوع كفانا ووفانا وهذي تراها طبيعة من طبايعنا=حنا رجــّالٍ على الطالة تربــّانا من دون حقران للقاصي وللداني=كل القبايل على راسي والاعيانا والله مافي القبايل كلها قاصر=والخير في كل من في قلبه إيمانا لكن ابا امدح عتيبه بالشيء الواقع = كلام من غير زور وغير بهتانا حنا عتيبه وكلٍ يعرف عتيبة=إسمٍ ينومس ليا منــّـا تعزوانا ما اقول يشهد لنا التاريخ لو يشهد=أقول وش حضرة التاريخ لولانا إن كان يبغى الفخر والعزّ والهيبة=أكبر فخر يوم يكتبنا ويقرانا فينا مزايا تحيـّر من يعدّدها=ما أظن فالكون من يحصي مزايانا على سبيل المثال أذكر لكم بعضاً=مما يزيد الفخر يوم الله أعطانا حنا جنود الوطن من يوم تأسيسه=على ثراه المطهـّر ننثر دمانا لأجل الوطن لو ندوس الجمر بالأرجل=يصبح كما الورد تحت بطون رجلانا أجدادنا حنـّكونا بالولاء الدائم=وحنا لزمنا الوصاية واستمرّانا الله عطانا العقل والعرف والحكمة=لن كان عمسنّ الإريا دوّر إريانا وفينا الكرم والكرامة والكريم الله=يا ما انشرح خاطـر الخاطر ليا جانا ويأمن بنا الجار والأصحاب تأمنــّـا=ومن حدّه الوقت يزبنـّا ويلقانا الله عطانا حميـّا ما نضيـّعها=أفضل حميـّا بهالدنيا حميـّــانا إن دقّ زير القتال ودارت الهيجا=ما يرتكي للمهمـّـة غير شروانا فرسان من قوّ سطوتنا وهيبتنا=الجنّ وهيّ جنّ ما تقدر تحدانا أخير فارس نهار الحرب فارسنا=وأخير شلفا تفجّ الصدر شلفانا يا كم مقطوع لا قوة ولا ناصر= تردّ عنه الأعادي هيبة لحانا عدوّنا مستحيل يعيش في راحة=إلاّ إذا قدر يذهبنا عن أتلانا هذي سلوم الجدود اللي ورثناها=وحنـّا على سلمهم كان الله أحيانا ربعي ومن حقـّي أمدحهم وأمجـّدهم=لو إن ما عاد يبقى شاعر الاّ آنا عساي لن كان ما اسخـّر لهم شعري=أروّح أنا وشِــعري في خبر كانا |
ياعقوبة القصير منكم ياهالشعار
مايسلم من شركم احد مشكور يامحمد المرشدي على نقل هذا الطاروق الكايف |
طارووق رائع ومن الشعرااء الشباب على مستوى القبايل وصل العطياني وفواز العازمي فقط لاغير
|
| الساعة الآن »03:10 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd