ياسلام الله على كل الرجال الحاضرينا = من هوجسآ تنحت المعنى مثل نحت الحجاره
ودنا بالشاعر اللي فالمواقف مايلينا = شاعر شاطر وانا شاعر وضاريٍ بالشطاره.

مرحبابك ياالمسلم كل وقت وكل حينا = مالفيت إلا كريم ٍ للطراقي شب ناره
شدٌ حيلك لا يطيح الحيل ياذرب اليمينا = خلها فالظل واحذر لاتميعها الحراره

ياعسى فيك البقا والطيب سلم الطيبينا = افرش المجلس وشب النارة ياراع المناره
للوفاء والطيب والا للحرابه محتسينا = من على الجدان راعي خيل ويعسف مهاره.

لن قلطتو مالقيتو عندنا غير السمينا = والشحم يدهن يمين الرجل مايدهن يساره
احسب حساب البحر والموج ياراع السفينا = السفينه مالها لوحه ورخصه واستماره

مايشار الضيف فالواجب بسلم الغانمينا=قدم الواجب بعد جيناك ياراع النماره
فالحروب العالمية يالصحيب مشاركينا = وانوانا علم يارجال صدرنا قراره.

والله إنا في وجوب الضيف ماتقصر يدينا = مانضيق من الضيوف الي تكرر فالزياره
لا يكون انك مع الي حاربوا في حرب سينا = ماجنوا من حربهم غير الهزيمه والخساره

انته اتقوله وحنا يوم ضفنا ماليقينا = لابعير ولا خروف ولاش بن ولا بهاره.
كل ماجاء حرب شاركنا وجينا فايزينا = ماخذينا الطيب يارجال سلفة واستعاره.

وش نسوي وانتم الي يوم جيتوا حالفينا = تحلفون ايمان مايكلف وحنا فــقتداره
ياعساها ياعميلي فوز في دنيا ودينا = مير اظنك ما ربحت إلا من السوق وعقاره

يامقهوي روغتك هذه كما روغت حصينا = مار ابا اسامح مقهوي بعد ماشفنا اعتذاره.
يشهد الله والله الله خير كل الشاهدينا = انها من حر مالي اخذ علمٍ ماش غاره.

اكتشفت ان الجماعه مشتكلتهم جايعينا = كل ماشافوا معزب سنتروا في وسط داره
الله أنه يرزقك ياصاحبي والمسلمينا = الوفا والطيب مكسب للعرب واكبر وتجاره

الذريب =

ياسلام الله على كـل الرجـال الحاضرينـا=من هوجسآ تنحت المعنى مثل نحت الحجاره
ودنا بالشاعـر اللـي فالمواقـف مايلينـا=شاعر شاطر وانا شاعر وضاريٍ بالشطاره.

مقهوي =

مرحبابك ياالمسلم كل وقت وكل حينـا=مالفيت إلا كريم ٍ للطراقي شب نـاره
شدٌ حيلك لا يطيح الحيل ياذرب اليمينا=خلها فالظل واحذر لاتميعها الحـراره

الذريب =

ياعسى فيك البقا والطيـب سلـم الطيبينـا=افرش المجلس وشب النارة ياراع المناره
للوفـاء والطيـب والا للحرابـه محتسينـا=من على الجدان راعي خيل ويعسف مهاره. .

مقهوي =

لن قلطتو مالقيتو عندنـا غيـر السمينـا=والشحم يدهن يمين الرجل مايدهن يساره
احسب حساب البحر والموج ياراع السفينا=السفينه مالها لوحه ورخصـه واستمـاره.

الذريب =

مايشار الضيف فالواجب بسلم الغانمينا=قدم الواجب بعد جيناك ياراع النماره
فالحروب العالمية يالصحيب مشاركينا=وانوانا علم يارجال صدرنـا قـراره. .

مقهوي =

والله إنا في وجوب الضيف ماتقصر يدينا=مانضيق من الضيوف الي تكرر فالزيـاره
لا يكون انك مع الي حاربوا في حرب سينا=ماجنوا من حربهم غير الهزيمه والخساره

الذريب =

انته اتقوله وحنا يوم ضفنـا ماليقينـا=لابعير ولا خروف ولاش بن ولا بهاره.
كل ماجاء حرب شاركنا وجينا فايزينـا=ماخذينا الطيب يارجال سلفة واستعاره. .

مقهوي =

وش نسوي وانتم الي يوم جيتوا حالفينـا=تحلفون ايمان مايكلـف وحنـا فقتـداره
ياعساها ياعميلي فوز فـي دنيـا ودينـا=مير اظنك ما ربحت إلا من السوق وعقاره.

الذريب =

يامقهوي روغتك هذه كما روغت حصينـا=مار ابا اسامح مقهوي بعد ماشفنا اعتذاره.
يشهد الله والله الله خيـر كـل الشاهدينـا=انها من حر مالي اخذ علمٍ مـاش غـاره. .

مقهوي =

اكتشفت ان الجماعه مشتكلتهم جايعينـا=كل ماشافوا معزب سنتروا في وسط داره
الله أنه يرزقـك ياصاحبـي والمسلمينـا=الوفا والطيب مكسب للعرب واكبر وتجاره .