في سوق ماحدن يفتح (السوم) بريال = والأرض (عُمله) والاوادم (عموله)
ناديت لـ(إثنينه وعشرين) دلاّل = من عالم إثنينه وعشرين دوله
معي بضاعه للعرب تُضرب امثال = لأوّل سلاح إستخدموه بسهوله
عقب السلاح المزدوج سيئ الفال = هذا (برخصة) ثابتة وامحموله
راعيه الأول من مشاهير الابطال = فايز على (بوش الولد) بالبطوله
يوم الامريكي قام يزهى ويختال = سدّد لخدّه وحدة(ن) من نعوله
وشفت العرب من كثر ماذاقوا إذلال = سمّوا على اسمه وارقصوا واهتفوله
(أمحق) عرب وامحق طموحات وآمال = ان كان هذا نصرنا اللي سعوا له
وش عاد اقول؟ وما بقى شيء ينقال! = الهرج يقصر والقوافي خجوله
والحال مايل والعرب ليلهم طال = والوضع مزري والامور إمعفوله !
وحنا نقول انّا طحاطيح وارجال = (حسَب) ، مقاييس العرب للرجوله
تثبت رجولتنا:(بطاقات)الاحوال = والدّم راهي فيه : ( جين ) الفحوله
وكل(ن) على ليلاه يسري بموّال = وكل(ن) على عمياه يشعب ذلوله
متى تصير اوضاعنا عالي العال ؟ = ومتى الكلام اللي نقوله نطوله ؟
نحتاج حلّ ولو حصل بألف حلال = من راس (عبدالله) ترى الحل حوله
قايد بطل صنديد شغموم رجّال = جعلي فداء قلبه وراسه وزوله
و وليّ عهده دام عزّه ولا زال = (سلطان) سيف(ن) ماضياتٍ فعوله
ان قام قمنا له خفيفين وإثقال = ناخذ على العدوان صوله وجوله
معه مثل سيل(ن) من الجال للجال = من ماه وديان الكبود مغسوله
أمّا انطلق منّا الوجع (طلقة إعقال) = وما نرجع الاّ والأمور إمحلوله
ولاّ تصير اقوالنا دون الافعال = ونبقى عن العالم شعوب امعزوله
رجّالنا: ماعاد يشرب بفنجال = يصبح ويمسي عورة(ن) في هموله
قلته وعندي حل واضح وفعّال = نتبع كتاب الله وسنة رسوله
وانزيّن النياّت وإتزين الاعمال = ويصير يوم بقوّة الله وحوله !
والمسألة لو هي على فردة إنعال = تلقى العرب كل(ن) مضيّع نعوله !!

المشاركة الأصلية كتبت بواسطة راعي البلهـا (المشاركة 842261) صــــــــح السانك الله يعافيك ولو اني ارى كما قال عمر نحن قوم.................

المشاركة الأصلية كتبت بواسطة محمد غازي النخيش (المشاركة 843210) قسم انها قصيدة جزله جدا جدا وبيض الله وجهك يابو طلال صح لسانك لين انك ترضى ولاتحرمنا من هالدرر

المشاركة الأصلية كتبت بواسطة عبد الله@العتيبي@@ (المشاركة 844189) صح السانك ويسلم بنانك ابداع لا ينتمي ألا للمبدعين تقبل مروري اخوك عبدالله العتيبي

المشاركة الأصلية كتبت بواسطة سعود العصيمي (المشاركة 844907) عبدالله بن طلالال بيض الله وجهك وصح لسااااانك مليوووون واعتلا شأنك ملياااار قصيدة رااائعه بكل ماتعنيه هذه الكلمه.

المشاركة الأصلية كتبت بواسطة حاكم الغنامي (المشاركة 846367) قصيدة قمه في المعنى والمبنى من النوع الفاخر عالي الجوده لاهنت ابن طلال وصح لسانكـ وننتظر جديدكـــ

المشاركة الأصلية كتبت بواسطة فهد مطلق العتيبي (المشاركة 849711) بيض الله وجهك يالشامخ علي هالقصيده

المشاركة الأصلية كتبت بواسطة ابن سرحان الثبيتي (المشاركة 850303) للتثبيت ثم اعتذر عن التأخير في قراءة القصيدة ونحن الخاسرون ان لم نطلع على هكذا ابداع لا يوجد ما اقوله عبد الله بن طلال لله درك لله درك اتيت على الجرح باقوى عبارات الشعر

المشاركة الأصلية كتبت بواسطة أبو فيصل الدلبحي (المشاركة 854201) عبدالله بن طلال الله الله الله من اجمل ماشافت عيني صح لسانك يامحيط الشعر وياقارة المعنى تقبل مروري وسجلني في اول قائمة المعجبين

المشاركة الأصلية كتبت بواسطة نايف الحميدي (المشاركة 855771) عبدالله طلال لافض فوك على هاكــــــــــذا شعر لغه لايجيدها الاالكبااااااااااااار صح لساااااااااااااااااانك مليون تقبل تحياتي