سلام يامنتدى الهيلا والاعضاء والجماهير =تسليمة(ن)من بحر جده يقدمها هديه
نبغى لنا شاعر(ن) لاقام ياقف ماقف الزير=ياخذ ويعطي معي والنار في الميدان حيه

الك البقا يا بحر جده عدد ما رفرف الطير=نبا نرسي على ميناك والنيه مطيه
جيناك حسب الطلب يا صاحبي من دون تا خير=ابحربنا في بحور الارض رحله عالميه

حياك ياصاحبي واهلا هلا مسيت بالخير=وميناي فدوه لعينك فالصباح وفالعشيه
السير ياقف ويدهن ياوسيع العرف ويسير=وابشر برحله سياحيه وجوله داخليه

يا بحر جيناك صيادين بشباك وسنانير=وشوف الامواج تضحك من هناك ومن هنيه
لاكن عطني علومك قبل نبدا با المشاوير=انته تباها قوية باس ولاعايديه

جيت البحر والبحر ياصاحبي ماهو كما البير=الله يستر لا تغرق ثم توافيك المنيه
خصمك يامال البقا راسي مثل مايرسي النير=ماهمني ماتجيبه وانته انت اللي ضحيه

يا بحر حنا على شاطيك دقانا مسامير=وحبالنا عانها يا بحر ليه فوق ليه
والبحر بين الجذر والمد دايم فيه تغيير=ولا الجبال المنيفه في مواقعها مديه

ترى المسامير ماتقدر على صد البواتير=سيوفنا القاطعه في الدين ولا الجاهليه
منت بجبل منت بحر ولانت حماي المضاهير=خلك على اسمك يابو بندر وميز فالقضيه

يا بحر ياللي على سطحك يسيرون البوابير=السيف لهله ونا اعرف الرباع من الثنيه
اسمي يكفيني افخر به وقود ابه الطوابير=من دون حلقي من العيات تنقذني يديه