سلام والليل بعده ماسرا=القاف مضبوط والمعنى نظيف
يشره على اللي كتبها من قرا=وشعاد لو تكثر بروق الخريف

يامرحبا عد من باع وشرى =واعداد ماتكرم العتبان ضيف
احسن به الظن يمكن مادرى= والعود طرقي ومشواره كليف

ابك البقا عد ماسال وجرا=واعداد دورة شتاها والمصيف
علمن ياهايل على بالي طرا=والحمل ياصاحبي ماهو خفيف

العازمي حارس(ن) باب القرى=قبل وبعد جيت حسين الشريف
والمزن يردم وخيل وامطرى=والبرق يبرق وجايله رفيف

العازمي قدم مايرجع ورا=حنا حديناه لين ادبر معيف
والا انت تنزل وتطلع مع كرا=مبصر بعينك لكن قلبك كفيف

الذيب ماعاد هو ذيب اقشرى=بعد تحول الى حيوان اليف
لحبيب وقيس وايضا عيد ارى=يالعازمي ذيب ماتصلح وصيف

الفرق بين الثريا والثرا=الذيب ماهوب اليف الا عنيف
كلن على حقه برد البرا=خلك ياهايل على حيد الرصيف

الخوف كانه عليكم سيطرا=اصبحت تسمع لخطواتك وحيف
البيت واحد وخلك في الذرا=وصلي على ناشر الدين الحنيف

ياهايل ارفق على حالك ترا=منته بقايد لكن خلك رديف
الذيب وسط المذاري ماظرا=صلاة ربي له وآله لفيف

ضع تحت بعض الجمل خط احمرا=تكتب ماتقرا وتنقص لو تضيف
وانكان حران والقلب أخضرا=غير وسافر وصيف في جنيف

بعد مابانت عناوين الزرا=دور ياهايل وتلقالك حليف
القلب الابيض يحب الاسمرا=والاسمراني مصيفه في عفيف

لوني ارسلك العلم جهرا=يعبر مجالك كذا ويمر طيف
ياذيب ياذيب ماهذا الهرا=فصلتها فوق راسك ياظريف

يالشاعر اللي طلع ثم دحدرا=ماينقص البحر لو زاد الغريف
خيلن تبارى ولاهيب اخشرا=يشره على اهل الحسا راعي القطيف