ياوجودي وجد عودٍ ما تمـتع في شبابه = يحسب الدنيا غبيـنه واثرها ما هي غبينه
يحسب ان العمر باقي والعمر قفت ركابه = ما صحى لين اغربت شمسه على ماضي حنينه
ان تكلم في المجالس قيل من حضرت جنابه = شايبٍ يقضي حياة العمر في أخر سنينه
وان سكت ما أحد يجيه ولا أحد يـدق بابه = جالسن في حكم خلاقه عسا ربي يعينه
راحت أيام السعادة واصبح الحاضر كأبـه = بين هم وبين غم وبين دينن مستدينه
همه أكبر من جبال طويق وأكبر من هضابه = واضع(ن) كفه على جفه بعد بيّح كنينه
أو وجود اللي حداه الوقت ما حسّب حسابه = صار همه سوق الأسهم والبنوك مدينينه
ما أنتبه لين النمور أقفت على مال الذئابه = واصبح الداين مدين ولايصدق شوف عينه
ضاع ما بين المحاكم والدعاوي والطلابه = كل يوم من التعاسه والجنود محضرينه
والبـلا انه ما تعـلم لا قراءه ولا كـتابه = كل كلمه لا نطقها من ردى حظه تدينه
لو ما رده حياه من القهر شقق ثيـابه = بدوي(ن) حظه العاثر رمى به في مدينه
أو وجود اللي زمانه جود العضه بنابه = مات أبوه وماتت أمه واليتم يا شين شينه
راحة أيام السعادة كنها غيم السحابه = ثم تبين له زمانه وانكشف شينه وزينه
من سعادة وانشراح وحلة(ن)تزهو مهابه = ووالدين(ن) من خطايا الناس كانا محتمينه
صار في دنيا كئيبة من همومه وعـذابه = ما أحد(ن) يهتم فيه ولا أحد يقول وينه
في ديار(ن) لاعمام ولا خوال ولا قرابه = جرة الدمعه على خده مثل درب السفينه
من هموم(ن) في خفوقي لا نشاز ولا تشابه = مثل عمدان الجراد وكل ليل مداهمينه
لا ضوى ليل العباد وكل باب أغلق أضبابه = والبشر كل(ن) تهناء في هدؤ وفي سكينه
حضرت مثل الوحوش وصدري المسكين غابه = حطته ميدان رالي من شماله في يمينه
كل هم(ن) لا ضواني درك القلب وسرابه = ما يفكه لين يلقى له هموم(ن) محتريـنه
لأدلهم الليل وأظلم صابه اللي قبل صـابه = كل ليل هموم قلبي حايله بيني وبينه
تارة(ن) تاتي فراد وتارة(ن) تاتي عصابه = وتارة(ن) ما أحصي عددها صادرين ورادينه
سبة اللي في الضلوع العوج جودني صوابه = كني اللي ذاق طعم الموت ودموعه ثمينه

هوشان النفيعي صح بدنك

تحياتي

شكراً جزيل وتحية وتقدير

أخوي: السميري يسعدني

مرورك الله لايهينك تحية.

عبد الله الجذع

مشكووور أخوي الله لايهينك

مرورك يسعدني تحياتي وتقديري

شكراً أخوي: عبد العزيز الجذع

الله يعطيك العافية تحياتي وتقديري

صح بدنك أخوي الفراهيدي

روعة القصيدة بوجودكم الله يطول عمرك

يسعدني مرورك .... الله لايهينك

مرحبا فيك أخوي هيض القصيد

الله يحييك مرورك المميز يسعدني جداً

تحياتي وتقديري الله لايهينك

ابراهيم الزراقي

صح بدنك أخوي ودام وجودك

وصح ذوقك الرفيع..تقبل اصدق التحيات

أبو نجر النفيعي

صح بدنك وطال عمرك

مرورك يشرفني ويسعدني


لاهنت .. تحياتي وتقديري أخوي دام وجودك

مشكووووور أخوي: فنجال وهن عجال

تحياتي وتقديري لاهنت..

أبو فايح صح بدنك

مشكووور على المرور

لاهنت تقبل صادق تحياتي

مشكووور أخوي سعيد العتيبي



على حسن المرور وطيب الاخلاق


الله لايهينك ............... تحياتي وتقديري

محمد السميري

تسلم وتدوم ويدوم وجودك

مرورك يشرف وسوف ياتي الجديد

ان شاء الله تعالى تحياتي أخوي وتقديري