قصيدة للشاعر فالح بن قشعم الهاجري في عتيبه وتركي بن حميد
 

قصيدة للشاعر فالح بن قشعم الهاجري احد المشاركين في شاعر المليون في قبيلة عتيبه

بيوت الشعر ما توفي شعورٍ حرّك الوجدان
وفاض به الصدر عقب الوساعه وامتلا شعيبه

كلامْ يوقّف المعنى على رِجلْ ويهزّ آذان
يِشيب اله الولد ويردّ حِلْم العمر للشيبه

وليه اكتم وانا ما الله بجابرني على الكتمان
بغتاب العرب لو فالشريعه تَحْرَم الغِيبه

سلام الله على روس العرب ولاّ على العتبان
صناديد الفخر والمستريب يموت في ريبه

لو التاريخ ينطق ما ترك لاهل اللسان لسان
ولا له غير برقا وروق تاريخٍ يهذري به

لو ان العزّ كان حصان لا يِعسَف ولا ينهان
لقيت أدنى صبي فعتيبه يودّيه ويجيبه

تساميّ يا بيوت الشعر عمّا يجرح العنوان
وهاتي كلّ مضمونه من عتيبه إلى عتيبه

على الشيخ الكبير اللّي صهيله يِفزع الفرسان
سلام الله ، عسى الله يحسن لمثواه ويثيبه

بكى له نجد واهتزّ الجنوب وصاحت الصمّان
على موت الكبير اللّي بقى مجده يماري به

قريته لين قلت الشان عقبه ما بقى له شان
حفظته لين قلت الشعر عقبه من يغنّي به

مواقف تركي بن حميد تقصر دونها الشيخان
لو ان المجد هيّن شفت كلٍ في مراقيبه

عتيبه قبل تركي شامخه وتزلزل الوديان
ومع تركي تلبّسها الفخر والمجد والهيبه

اليا منها اسكنت ماكنّ في مرباعها سكّان
لولا صوت النجر يكفي بصوته عن معازيبه

سلام لمن بغى السلم وتعوّذ من قذى الشيطان
وملجا لمن هموم الوقت تومي به وترمي به

وايلا من حركّوها ياقف المارد ويصحى الجان
تصلّي شرق واللي ما تصلّي به تصلّي به

وايلا من ثار بارود البنادق واحتمى الميدان
تجرّع خصمها مرّ الهزايم واشهب الخيبه

ولازالت على راس الشرف يرجح بها الميزان
من السيف المصقّل فالوغى لللجود والطيبه

حقايق واضحه والجاهل اللي يطلب البرهان
هذاك اللي الحسد خلاّه يسبح في عذاريبه

يجوز إنّه يبيع الما على اللي يحتضر ظميان
ولكن لا يبيع اللي يتصدّق من مشاريبه

هواي عتيبي وساسي يعنّز بي على قحطان
ولا باصله يشكّ إلاّ الوضيع اللي كشف عيبه

ليا من فاخرك من قال كنّا في زمانٍ كان
يكفّي يا العتيبي لو تقول إنّك من عتيبه

فالح بن قشعم الهاجري
http://up.eqla3.com/up/get-1-2008-dt3ojc3o.jpg

صح لسان بن قشعم وبيض الله وجه

وهل القصيده قديمه ولا جديده يالذيب

لاهنتوا على المرور
والقصيدة قديمة

صح لسانالشاعر

وبيض الله وجهه

صح لسان قايلها وناقلها

صح الله لسانك وبارك الله فيك على نقل القصيده



وإن شاء الله يتأهل ابن قشعم



يستاهل والله

صح لسان بن قشعم

صح لسان الشاعر بن قشعم ومشكور على النقل الرائع يا عتيبي للأبد

صح لسان الشاعر
فالح بن قشعم الهاجري
شاعر فذ ونتمنى له التوفيق ان شاء الله..
..
شكرا على النقل الرائع..

السلام عليكم وصح لسان الشاعر وماعليكم زود يالهواجر

تكفون ركزوا على هالبيتين تسوى الاف القصايد :

لو التاريخ ينطق ما ترك لاهل اللسان لسان
ولا له غير برقا وروق تاريخٍ يهذري به

لو ان العزّ كان حصان لا يِعسَف ولا ينهان
لقيت أدنى صبي فعتيبه يودّيه ويجيبه

صح السان الشاعر/فالح الهاجري وبيض الله وجهك

بسم الله الرحمن الرحيم


السلام عليكم ورحمة الله وبركاتة



صح السان فالح ابن قشعم وسلمت اناملك ياخوي



وفالة التوفيق ان شاء الله


وتقبلوا تحياتي

صح لسان الشاعر

تركي بن حميد امير وفارس ويستاهل مثل هالمدح عسى الله يغفرله ويدخله الجنه

صح لسان الشاعر

فالح بن قشعم الهاجري

شاعر كبير على الساحة في دولة الكويت


واتمنى له التوفيق ان شاء الله


شكرا على النقل الرائع

صح لسانه

وفاله التوفيق

ومشكور على نقل القصيده

تحياااااتي

ونعم والله فولد هاجر

والله اني عارف انه شاعر جزل ويستاهل البيرق

وشكرا...

صح لسانك يابن قشعم

صح لسانك يابن قشعم