يالفالح اللي تواعدنا وتنحاش = طبيعتك ذي وشهي من طبيعه
خابرك راعي صمايل مانت ابلاش = والطيّب اليا شريته ما تبيعه

ما انحشت واللي يغطّ الحق لاعاش=يا سعود وش بك تسوّي هالصنيعه
ماني مداينك اخذها يا اجودي كاش=حنّا رجالٍ مواقفنا شجيعه

انكنت غشاش انا ماني بغشاش = لكن علم تقوله سد ريعه
العين وشلونها من دون الارماش = ياللي شريت الذهب مدري تبيعه

يا سعود شفتوا مسلسل طاش ما طاش=كل القنوات للعالم تذيعه
تفكير بعض العرب تفكير حشاش=ما اقول له غير يا مال القطيعه

بعض الرياجيل يحسب ضمن الادباش = رباه عمه وغيّر فالطبيعه
اضعيف الناع للاقراب خماش = والا وسيع البنايد فالرفيعه

عزّي لمن طالت ايامه على ماش=يوم الرياجيل دايم فالطليعه
ليته سكت يوم فالميقاف ما هاش=يمو انّ دارت رحى حرب الوديعه

ماعنده الا مسلسل طاش وقماش = والكون ماضاق وارض الله وسيعه
من لاجلب طيبه للطيب ماحاش = وانته وانا ديننا دين الشريعه

اللي عظامه ضعيفة حيل وهشاش= لا يشمت اللي يسدّون الذريعه
الظاهر انّه غريب لحاف و فراش=الله خلق فالبشر سنّه وشيعه

الخرش راعيه راسه جوفه خراش = لكن نعصاه والله مانطيعه
مجروح لونضمده بدواه والشاش = ان ماوصل صبح ياصلكم تبيعه