إذا عندك مقف طريف او غريب سجله
 

اسمع
 

مساكم الله بالخير..
على طاري الأبكم
واحد من الجماعة فالدوادمي...
يموت فالضبان..
وفيه ضب مصيبة وراء خيمة بدوي شايب بكيلو..
ولازم يمر على ذا الشايب لاراح للضب..والشايب عنده تغريز..
ودايماً يمر من عند الشايب يمشي طابلون الموتر علشان ما يغرز..
وييغبر على الشايب..ويجفل البل والغنم..
والشايب يلعن ويطالب..
وكل يوم على ذي الحاله..وأزرى يصيد الضب..
ومره جاء وغرز عند الشايب..
وماصدق الشايب أنه يمسكه..
وجاك الشايب بالمشعاب..ومعه صبيه السوداني..
يقول جابك الله ياالحصني...:eek:
خوينا قال..
أأأأ مأ أأأو أي...( سوى نفسه أطرم )
قال السوداني: ياعمي الزول أبكم..
قال الشايب جعلك بالذهاب اللي يذهبك..دبلت تسبودنا...ويطالب..:mad:
خوينا قام يرفع يدينه للسماء يدعي..أأأأمممأ...
المهم قام الصبي والشايب..يحفرون للموتر..;)
وخوينا متكي تحت طلحه يطالع فيهم..وشوي يأشر بيدينه..!!:cool:
يبى ماء..وجابله الزول ماء..
ثم وقف على روسهم ويشر أحفر منا وبرح منا بيدينه..
وكل ماقاله الشايب أحفر..رفع خوينا يدينه للسماء يدعي..:rolleyes:
المهم..
ويحفرون الشايب والزول ويحفرون لين أظهروا الموتر..
ويجيك خوينا ويركب موتره..
وشغل.. ثم قال((( بيض الله وجهيكم ماقصرتوا..أتعبانكم معنا ))):D
ويحط رجله..
والشايب..:confused: :confused: :confused:
والزول..::confused: :confused: :confused:
وسلامتكم..
طولنا عليكم..
تقبلوا مروري..:
أخوكم..:
عتـــ بلجيك ـــيبة

السلام عليكم
من المواقف المحرجه التي حصلت لي وانا في الثانوية احد الزملاء سحب الكرسي من تحتي وطحت قلت له مردودة لك انشاء الله والله ما اخليها تروح

وفي يوم من الآيام وانا ماشي علي رجلي في سوق الطائف ولا اشوف الا هذا خويي ابو الزمل

يمشي قدامي وبشويش اختل الين قربت منه واعطيه ذاك الكف علي العلبا:mad: ويوم التفت والاماهو خويي:confused:

دورني في ذيك اللحظة ما تلقاني وامسك الرجال وهو يطالع فيّ منبهر:eek: واعلّمه القصة واعتذر منه

قال والله يا خوي اني شفت الشرار تطاير من عيوني لكن روح الله يسامحك:D

يازينها من سوالف
والله ان كني جالس معكم واسمع سوالفكم

اخا هوازن ترا المنتيات مثل مجالس الرجال وخاصة اذا كان منتدي قبيلتك وكل اللي فيه ربعك

صدقت يابو راكان

انا سبق وشاركت في بعض المنتديات

مثل هالمنتدى مالقيت

وهذي ماهي عنصرية

يمكن شعور الواحد ان كل اللي فيه مثل ما قلت من ربعك

يخليه يشعر ان هالمنتدى احسن منتدى

موقف طريف اخا هوازن وتصرف جيد اهنيك على سرعت البديهه

حلوه يالبلجيك صرفها

مشكور يارفيق الدرب
اتحفنا بموقف
اكيد عندك موقف طريف او غريب او محرج
حتى لو لغيرك

سلام عليكم
من المواقف الطريفه ايام الدراسه كان عندنا وكيل اسمه طه وشديد جداً وين ماتروح تجده امامك .
في احد الايام كان غايب الوكيل عن المدرسه وقررت انا واحد الزملا الهروب في ذلك اليوم :) وكان سور المدرسة عبارة عن شبك وساقط جزءَ منه وعند مرورنا فوق الشبك الساقط لمحت :eek: الوكيل جاي للمدرسه بسيارته ورجعت بسرعه للمدرسة وبقي رفيقي وكأنه يبحث عن شيء فقدة فوق الشبك :confused: حتى وقف عنده الوكيل بسيارته فسألة تبحث عن ماذا فقال وهو مرتبك ابحث عن طه :D اللي هو الوكيل ..
فقال تبحث عن طه هنا يافاشل . فاكل علقه ساخنه ذلك اليوم

الأخ خيال حر
اكيد ان خويك سمين
لأنه ذكرني بفهد الحيان في طاش ما طاش
يوم يتعلق فوق الجدار
اشكرك على المشاركة

مشكو الأخ
ابن الدلوح على مرورك
تحياتي

من المواقف اللي دايم اتذكرها واضحك منها ..... وصارت على واحد بدوي
والحكاية كان البدوي قبل اكثر من 25 سنه كان يجيب اكياس الشعير ويردمها فوق بعضها بالقرب من حلاله ولا يحط حولها شبك لانه ببساطه ماكان فيه احد يسوي شبوك في ذلك الوقت يعني مافي شي يحميها من الحيوانات وكانت الحمير تتجول قريبه من مراح البدوي ودائما ما تاكل من أكياس الشعير وتعبث بالشعير ،،،،،،،، البدوي طبعاً تضايق كثيراً وفكر في حل،،،،،، وبسرعة توجه للقرية المجاورة وطلب من الحداد ان يلحم سيخ سميك طويل في مقدمة موترة الدادسن وجا لهله ,,, وعند رؤيته لقطيع الحمير سارع بالحاق بها ونغزها بها السيخ الغليظ في مؤخرتها والحمير تركض بأقصى سرعتها وهي تصدر اصوات أعزكم الله ولك ان تتخيل شكلها وأفواهها ومناخيرها مفتوحة للآخر ،،،،، ومن سرعتها قطعت الشعبان كلها وابتعدت كثيراً واصبحت لا تتجرأ ان تتقرب من هذا البدوي الماكر ’’’ فنام البدوي قرير العين.