مالوم يوسف يوم ينخا ربعه=ويقول عد يارده كل ضامي
يقول ربعي هم عصابة راسي=قبيلتي هي مسندي وحزامي
والله ما أحلَي مثل فزعة ربعه=ألا إجتياح الموج في تسونامي

فاز العتيبي والعتيبي فايز=من منة الله ماسقط في الراحه
الله يبيض وجه من صوتله=لو ما اعلن اسمه في قناة الواحه
اللي حزامه فاللزوم عتيبه=أقرب عليه الفوز من مسباحه

ياربعي العتبان ماهي غريبة=أنتم تفكون القشر والنشايب
يوسف تأهل ياعتيبه غصيبة=غصبن على الحكام خايب وصايب
رفيقنا له مقدرية وهيبة=وعدونا نركز لقبره نصايب
يالجنة التعتيم حنا عتيبة=الله خلقنا للمصايب مصايب

يطول صبر ولاتطول المسافه=والوقت قاسي والليالي عصيبه
يوسف تحداهم بربعه وقافه=وحول على راس المريخي مصيبه
تحيزم بمن هم على الظالم افه=لاواهني اللي حزامه عتيبه

انا عزوتي ربعي هل السيف والماد=رجال الوفا والطيب واهل الشهامه
ولا ياولد مالك ترى فيـه مقعـاد=نبى ندفن الميت ونحـرق عظامـه

على الحق شدي واعدلي يايد الانصاف =ليا صارت ايدين التحامل على المكشوف
يايوسف تحيزم بالسعد ماعليك اخلاف=مدام الهنادي جرد والصافنات وقوف
وحنا هل الفزعات والفعل والميقاف=بوقت الرخى واللين والا بوقت الخوف
ورثنا الحميا والعوايد من الاسلاف=ولا للعرب منه علينا ولا معروف
وردنا وصدرنا يوم السنين اعجاف=وعفنا يوم شفنا الموارد حلال اضعوف
تبين النوايا السود والا الحمول اخفاف=هواين الليا صارت كذا والعيون اتشوف
هواين وكل اللي على حق شاف وعاف=وعين الحقيقه من صلاله لحد الجوف
قلوب ملونها الحسد والنفوس اضعاف=عطوهم قدر والا لا عارف ولا معروف

ووالله لنأخـذ حقـه بـكـل فــاروق=مـن طبعـنـا مانقـبـل الإنهـزامـه
كم رأس شيخ(ن) من على الكتف محلوق=من كثـر مافـي روسنـا مـن قرامـه
حنـا عتيبـة مجدنـا غيـر ملـحـوق=مـن غابـر الأزمـان ولنـا الزعامـه
حتى إسمنا من طيب الأفعـال مفـروق=والشعـر حنـا اللـي مسكنـا زمامـه
ومادامـنـا بـرقـا ومادامـنـا روق=فالعـز معـنـا لا نـهـار القيـامـه

• شاعر كويتي لم نعرف اسمه بعد قال هذه القصيدة :
أصبحت عتيبي لو ماني عتيبي=.فزعة مع الهيلا ولباسة الجوخ
من شانكم يامكرمين الصحيبي=ثورة غضب قامت علي شان مطنوخ
حلفت صادق خاطري مايطيبي=حتي نشوف مضيع الحق مصلوخ
الله يلومك يالخيال العجيبي=تكتب علي صدر الورق حرف مشروخ !!
مافيك طب ولايفيدك طبيبي=دامك عجزت تقارن التيـن بالخوخ !!
جيت متضامن وأستفز الطليبي=لقبيلةٍ في ناظري كلها شيوخ !!


الاخ الوليد الاسعدي صاحب ذا القصيدة الشاعر الكويتي طلب الرداد الظفيري

المشاركة الأصلية كتبت بواسطة أبو مرحبا (المشاركة 315327) • شاعر كويتي لم نعرف اسمه بعد قال هذه القصيدة : أصبحت عتيبي لو ماني عتيبي=.فزعة مع الهيلا ولباسة الجوخ من شانكم يامكرمين الصحيبي=ثورة غضب قامت علي شان مطنوخ حلفت صادق خاطري مايطيبي=حتي نشوف مضيع الحق مصلوخ الله يلومك يالخيال العجيبي=تكتب علي صدر الورق حرف مشروخ !! مافيك طب ولايفيدك طبيبي=دامك عجزت تقارن التيـن بالخوخ !! جيت متضامن وأستفز الطليبي=لقبيلةٍ في ناظري كلها شيوخ !! الاخ الوليد الاسعدي صاحب ذا القصيدة الشاعر الكويتي طلب الرداد الظفيري