يامل قلـب(ن) صـار للهم منـزال=قامت تداحم بـه همـوم(ن) جليلـه
اتعبت له رجلي على روس الاقـذال=واتعبتهـا بمرقـا الرجـوم الطويلـه
يافهيد عطني ما يشتـت غثـا البـال=فنجال بـن(ن) يقعـد الـراس هيلـه
واد الرمه يصفق من الجـال للجـال=ماهوب دعب(ن) يدوب يدرج مسيله
من عقب اخذ له سبعت اعوام ما سال=جاك يتلاطـم ينجـر القـاع سيلـه
هات القلم وانظـم تماثيـل وامثـال=نظم(ن) يشوق اهل المعان الجزيلـه
ثم نحّـره لمعـرب الجـدّ والخـال=زيـزوم قـرم(ن) للحمـول الثقيلـه
صقر(ن) تدلى من شماريخ ما طـال=صيده من الجـلّ الجـلال الجليلـه
سقم العدا غيث الندا وقت الامحـال=من صكتـه صكـات بقعـا يجيلـه
قلّه رفيقك يشتكي بعـض الاحـوال=شاهـد مـن الايـام عوجـا وميلـه
000000000000000000=0000000000000
000000000000000000=0000000000000
احد(ن) سوات طويق يشتال ما شـال=لـو حمّلـوه طويـق جاهـم يشيلـه
واحد(ن) كما ضلع القهر فيّ وظلال=وحصن(ن) حصين(ن) فالقسا تلتجيله
واحد(ن) كريم وفالكرم مالـه امثـال=حاتـم زمانـه فالسنيـن البخيـلـه
واحد(ن) ليا جيتـه سـلام وتبهـلال=وضحك وتحفوي مار مامن حصيلـه
واحد(ن) حياته كلهـا يجمـع المـال=مـا يعرفـه غيـر الولـد والحليلـه
لاخير فاللي صرّها قـرش وريـال=لا صـار ماهـو ملتجـا(ن) للقبيلـه
ان كـان ماهـو للمواجيـب فعّـال=الله عـن الدنيـا يعـجّـل رحيـلـه

المشاركة الأصلية كتبت بواسطة ابن شلواح الله الله الله صح لسانك أخوي شلاش على هذه الابيات الجزله ولاهنت يابن العم ويامرحبابك بين ربعك وعيال عمك واتمنى ان تتحفنا بجديدك أخوك ابن شلواح

المشاركة الأصلية كتبت بواسطة فيصل المسعودي ان كـان ماهـو للمواجيـب فعّـالالله عـن الدنيـا يعـجّـل رحيـلـه جزله من راسك الجزل ياغالي صح لسانك تحياتي لك ياغالي وهلابك بيننا اخ وابن عم كريم تحياتي

المشاركة الأصلية كتبت بواسطة عتيبي حيل صح لسانك اخوي ومرحبابك بين بني عمك

المشاركة الأصلية كتبت بواسطة نايف الحميدي

المشاركة الأصلية كتبت بواسطة مرزوق العتيبي ... صح لسانك ياشلاش نرحب فيك في منتدى بني عمّك والله يحييك ..

المشاركة الأصلية كتبت بواسطة safar صـــح لســــــــانــك ياشـــــلاش أبيات أكثر من رائعـــه مع تحياتي

المشاركة الأصلية كتبت بواسطة المسرّي صح لسانك يا شلاش وسجل اعجااااااابي قصيده رائعه

المشاركة الأصلية كتبت بواسطة الفراهيدي صح السانك وبيض الله وجهك تحيااااااااااااااتي

المشاركة الأصلية كتبت بواسطة (العــ{شــ}ــم) حياك الله أخوي شلاش بين إعيال عمك قصيدة فعلاً مؤ ثرة وصح لسانك تحياتي

المشاركة الأصلية كتبت بواسطة أبو زيد صح السانك وبيض الله وجهك وسجل اعجااااااابي قصيده رائعه تحيااااااااااااااتي