سلام الله سلامن مثل ضلع النير ما ينهاز=على اهل الحله اللي حبها لا غبت يشعاني
طويل الدرب يبغى عزم ما ينفع معه معكاز=معان الشعر من فكري لحون الشعر بلساني

هلا يامرحبا ترحيب ثقل طويق ماينراز=من اهل الحله الترحيب للضيفان والعاني!!
معان الشعر فيها يابدرنوعاً من الالغاز=ولن طال الطريق احسب حسابك يالعضياني!!

والا يا علي ثوبن حايكه تسعة عشر طرّاز=اضنه باعتقادي ما ستر له جسم عرياني
حلاة الشعر فتل ونقض واللي ما عرف ما فاز=كلام الرجل مثل البرق والامطار برهاني

الا ياراعي التصنيف والامثال مايعتاز=وانا متعب على شانك ولاتتعب على شاني!!
نبا نرمي على الذرعان مايحتاج للمعناز=ولن راحت هروج ومزح؟ جايز بين الاخواني!!

لعبنا بالمعان الطيبه يا لاعب الجمباز=مواريث العرب ما هيب يا دانه ويا داني
عسى الله يرحمه مفقود والله شيخنا بن باز=تعيّن يا علي بعده بيوت بغير سيساني

ياسلام

صح لسانك يابن ثعلي وصح لسانك يابو فهد

متابعين

لقيت المشكله فالصوره اللي داخل البرواز=لكن اليا حداك الوقت دورني وتلقاني!!
يابدر الجيل بعده جيل ميز والنفوس عزاز= ممات العلم باقي والله انه يرحم الفاني!!

والا يا علي ماني من يشّوه صورت التلفاز=لا جت صورة عتيمه زدتها برواز والواني
علومن طيبه وانته موسوس صايبك هزّاز=وانا خابرك من ناسن كرام وقوم شجعاني

سدود يران حطوها تحجز الماء عن الاهواز= وهاذي فايدتها للمريكي والبريطاني!!
بغيتك يابعير عقيل تسري واثر فيك نحاز=وانا رجال اميز بين صدقاني وعدواني!!

تريّح يا الثبيتي نعرفك ما جبت شيء اعجاز=وسدّن مظهرك ما احلاه لو هو يرجعك ثاني
جملنا شلت حملك مير مال ولا لكم معناز=غرست الغرس لكن يا الثبيتي مات ظمياني

المشاركة الأصلية كتبت بواسطة علي الثبيتي (المشاركة 1278753) لقيت المشكله فالصوره اللي داخل البرواز=لكن اليا حداك الوقت دورني وتلقاني!! يابدر الجيل بعده جيل ميز والنفوس عزاز= ممات العلم باقي والله انه يرحم الفاني!!