تعودت أقول الصدق مانطق شهادة زور=وأنا شاعر افكاري على الصدق مبنيه
أبين حدود القول وأبعد عن المحظور=ولن قمت في دعوى ماضيع دعاويه
مع الاولين أقلط ولاني من اهل السور=وعارف مكاني واخلص الفعل والنيه
يادكتور لاتشرح وماتكتبه مخبور=وانا جايبن فالدرس ميه على ميه
أبويه مدرسني وأنا عبده المامور=ولو ان خلق الله ماموره ومنهيه
سلامي على شيخٍ خذا في زمانه دور=أبوي أفتخر به كل ماحل طاريّه
سلامي سلام أغلى من الدر والبلور=سلامي على كل الصفاة البطوليه
سلامي على الشجعان في كل دار ودور=على ذكرهم والشعر تصهل قوافيّه
سلامي على الفرسان حماية المظهور=هل الراي واهل الكسب لن كبرت الهيه
سلامي على التاريخ ياكاتبه بسطور=تواريخ أهلنا بالسجلات محميه
هذا ورثنا ماهو مسلسل لميس ونور=وحنا بدو مانعرف أفلام تركيه
وش اللي حصل ماودنا نكشف المستور=وأظن الزمن مافيه حاجات مخفيه
يقولون ماتكتب وأقول الخبر منشور=يقولون ماتنصح وأقول اسأل الهيه
يادكتور خوجه وين تصريحك المشهور=تقول الثقافه كلها بالسعوديه
وأنا أشوف عكس اللي يقولون يامنصور=لكن الهدف واضح تصاريح وهميه
ياناس الثقافه تندثر والتراث يبور=ولانعرف الحاصل والاسباب مبنيه
والا ياهل الشورى متى تحكمون الشور=على الضال نبغا نلحق الكيه الكيه
ياعالم حرام تقلدون العمي والعور=تقولون حريه وأقول أيش حريه!!!
ثقافة كفر وارهاب ومظاهرات وجور=ورشوه وكذب وعشق لدروب ملويه
ليا جيت راقي قلت نص البلد مسحور= هذا غير للي عند دكتور نفسيه
وأنا ماتشمت مير من قلبي المقهور=على المسلم اسأل ليش ضيع مباديّه
يانايف وزير الداخليه مافيك قصور=مدامك وزير الأمن قل للحراميه
يكفون أذاهم عن وطنا هذا المعمور=كبير الوطن بعيون شعب السعوديه
يانايف وأشوف الشعب دمه من أمس يفور=تسوق المره بعد أنتخابات شرعيه
وش اللي بقا ياساتر أستر على المستور=أشوف الزمن قامت تزايد بلاويّه
يانايف وأنا خابرك صقر وريث صقور=تصرف ترانا في حروب صليبيه
تراك الامل في نظرة الشعب والعب دور=وحنا معك بالفعل والعقل والنيه

والا ياهل الشورى متى تحكمون الشور=على الضال نبغا نلحق الكيه الكيه

ياليت الرساله تاصله قبل صباح النور=ويفز و ينتخي ويشوت كل الخشقجيه

المشاركة الأصلية كتبت بواسطة أبن حشيان (المشاركة 1224877) محمد الذيابي ـــــــــــــــــــــــ صح لسانك ملايين ابدعت واوصلت الفكره وكلامك في محله الي جوا يسمعون اكثر من الي براء على قول القايل اشكرك على الابداع والايضاح والقلم والشاعر ندان ::

المشاركة الأصلية كتبت بواسطة سعد المسـعودي (المشاركة 1224966) الجزل : محمد الذيابي ... لأقول غير إن الله يبطي بك حي يابعد رأسي جزل للثماله لله درك من شاعر متألق ... فصح لسانك ... ولاهان رأسك .. إذا هناك أوسمة .... فالذيابي ... ممن يستحق التتويج بذلك .. أسوة بشعراء الموقع المتألقون .. أحترااامي

المشاركة الأصلية كتبت بواسطة سنان الرمح (المشاركة 1225025) لـيـا جـيـت راقــي قـلـت نــص الـبـلـد مـسـحـور هـــــذا غــيـــر لــلـــي عــنـــد دكـــتـــور نـفـســيــه صدقت يالذيابي كفو يابن ذايب على هالشامخه

المشاركة الأصلية كتبت بواسطة فهد العازمي العتيبي (المشاركة 1225048) .. صح الله لسانك يا ابوعساف ولاهنت ،،،