شاعر الهيلا / زبن القاضي

هجوسي فالزوم الازمه ماتخلف الميعاد=ولاقط اخلفت ميعادها في ذمتي ذمه
اوردها على هداج تيماء ساعة الميراد=ولاتصدر من العد القراح الا على القمه
على قمة بطولات ومهابات وفخر وامجاد=وتاريخ الرجال اهل الكرم والعزم والهمه
عتيبه والفعول شهود للاجداد والاحفاد=وكلٍ وارث الامجاد من خاله ومن عمه
زحول الارض ستر العرض يبقى مجدهم ماباد=هل الامجاد بالامجاد والتاريخ مهتمه
كأن الله خلق هذا القبيله لديار اوتاد=رواسي ويتذرى في ذراها معظم الأمه
سلام الله على ربعي عتيبه والبيوت جداد=سلام ٍ من عتيبين يفوح الطيب من دمه
سلام الله على اللي ذودهم فازت على الاذواد=بجايزة المؤسس يوم كل الناس ملتمه
يذكرني عددهم رقم متميز من الاعداد=عدد من شاركو عبدالعزيز العود بمهمه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

الشاعر / علي العضياني

من أبسط حقوق العتيبي ليا فاز =يفوز و يعدّه من أبسط حقوقه
دامه من أهل العز ما عاد يعتاز =كسابة ألامجاد برقا و روقه
الفوز دايم مع هل الفوز ينحاز = كنه عتيبي في هوازن عروقه
مصادر التاريخ تعطيه الايعاز = لاهل المواقف و النوايا الصدوقه
الحصْن تطمر كل حاجز و تجتاز = كلٍ مع المضمار عمره يسوقه
و من حقنا نفخر بتحقيق الإنجاز = و الضلع نرفع راية النصر فوقه
اللي من عتيبه على الجايزه , حاز= يوم إن كلٍ ساق للعرض نوقه
فوق أربعين تهوز ماهيب تنهاز = كلٍ رجع بالفوز ذوده يسوقه
إتبثه الأقمار في كل تلفاز= بعيون راع الصنف تظهر فروقه
ما قطّ واحدهم عن الجايزه . جاز = ما في طريقه لا مشى ما يعوقه
الاوله نرهي عليها بالإحراز = و نسبق عليها كلٍ راعي سبوقه
نعتز بين الناس بنفوسٍ عزاز =من فعلنا كبد الحسود محروقه
عن واقع السيره تكلّمت بإيجاز = مالي على سرد التفاصيل طوقه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

الشاعر / ضيف الله العضياني

لولا المواقف والفخر والنواميس = ما كان رتبت القوافي وغنيت
في مدح منهم فالمواقيف فريس = عتيبه الهيلا هل المجد والصيت
فعولهم تطلق سراح المحابيس =وتنومس الحيين وتنومس الميت
فعول (ن) تدرس للأجيال تدريس=وإسم الكتاب أقروا فعول النعاتيت
وأتلى فعول مبعدين المراميس =ولا أقول قول ألا على القول تثبيت
الفوز بمزاين طوال النسانيس =فوق أربعين أعدادهم يوم عديت
فازوا وفرحتنا بهم مالها قيس = تجرح قلوب أهل الحسد والشماميت
فوز(ن) ماحاشنه يدين المفاليس = اللي تعيش العمر كله على ليت
وختامها كلي شموخ ونواميس = وأكتب بيوت الشعر بيتا ورى بيت
في مدح ربعي مبعدين المراميس =عتيبه الهيلا هل المجد والصيت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

تمركزي في سنام المجد ياعتيبه=في كل محفل تحوزين الفخر كله
مراكز العز والنوماس والهيبه=تزهى باسامي عتيبه طبع وجبله
مافيه شي جديد نروح ونجيبه!!=ماباقي الا مكان الجدي نحتله
يوم ان كل بما عنده نفض جيبه=فالموعد اللي يحول الحول في حله
ربعي بورث الجدود اللي تماريبه=هيلا على مركز التتويج منهله
البل لها عندنا فالروح تركيبه=شوي والا محبتها من المله!
يوصي بها الشايب, اللي ماضهر شيبه=من حبها كم يجوز الخل عن خله
نرعابها القفر قبل الناس تمشيبه =من دونها الرمح والبارود والسله
نرد غزايها قدام تدريبه=ونفتكها غصب ماتطري لنا الذله
كم فارس راسه يثولث عراقيبه=من حرنا تستجير القوم بالمله
قدام عبدالعزيز يعمنا طيبه=وقدام الايام تلبس للامن حله
اليوم علم السعد تاصل مناديبه=في ضل ابو خالد وفي ضل عبدالله
جينا المزاين بعد مازان ترتيبه=شي نجله واخذنا كلنا جله
ان قلت روقي يباصل مطاليبه=وان قلت برقاوي المطلوب ياصله
اكتب ياتاريخ لاشكه ولاريبه=واترك صحايفك طول الوقت منفله
مادام الاقلام كل الفعل تحكي به=والله لتبطي على الاوراق منصله
منزالنا فالزمان اعلى مراقيبه=وشعارنا فالحياه السيف والدله

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

الحمد لك والشكر ياخالق الكون = على ماحققته قبيلة عتيبه !
نصر ٍ تحقق والأوادم يشوفون = وكل ٍ على مرءآ ومسمع دريبه !
فزنا وحنّا فوزنا شي مضمون = والأوله ماهي علينا غريبه !
عوايد العتبان دايم يفوزون =ولاهي على ( الروقه وبرقا ) صعيبه !
قول وفعل ماهو ( وكالة يقولون )= (والمركز الأول ) نجيبه نجيبه !
بجهود قوم ٍ للمراجل يعشقون = ترضخ لهم بالطيب والاّ الغصيبه !
لاشاركوا / في كل لازم يسدون =والمجتهد منهم يحصّل نصيبه !
وفي كل محفل للجوايز يحصدون =حتى اعتلوا فوق النجوم الرقيبه !
اينافسون ابكلّ فئه وكل لون =ولايلحق العتبان شكّه وريبه !
وكم غيرها اذواد / أهلها يستعدون =تبا تنافس فالسنين القريبه !
مفرودها يسوى من المال مليون =وللي يسوم / أقيامها أصلاً تعيبه !
غالي ثمنها علّم اللي يسومون = ماراحت ألـ /سوق الجلايب جليبه !
من دونها كم طيّروا روس ومتون =يوم المغازي والسنين العصيبه !
حامينها اللي فالمواقيف يثنون = من شانها صفّة كتيبه كتيبه !
لاجاء نذير المعركه مايشدّون =وكم فرّقوا بين الصحيب وصحيبه !
( هيلا ً ) على حوض المنايا يهيلون =دون الدخيل اليا شكى من مصيبه !
قبيلة ٍ مع سلّم المجد يرقون =وألهم مقام / وقدر عالي / وهيبه !
وألنا الفخر بين العرب / يوم يطرون =اسم ٍ ينومس كل من يعتزيبه !
يشهد لنا التاريخ والناس يدرون =ولايجهلون اهل القلوب اللبيبه !
قلته ومتنومس وشاكر وممنون =واهني ( الهيلا ) شباب ٍ وشيبه !
واليوم (يوم الفوز ) والنصر مضمون =تباشروبه ياقبايل عتيبه !

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

ياهاجس الشعر وصّل لي تحياتي=و وصّل تحايا عتيبه وأبلغ الراوي
يأخذ بيوت الفخر والمجد من رأسي=ومن هاجسٍ في طواريق الفخر غاوي
بالخص لا جيت أقول الشعر فالهيلا=ما ودّي ألاّ أنّي أطرب كل هيلاوي
ديمومة ً سبّلت من صدر شاعرها=وسيولها جات لا ترحم ولا تاوي
منقيّة ً من بيوت الشعر ناقيها=الندّر اللّي بصدري ذيبها عاوي
أسوقها سوق من حشمة بني عمّي=اليا أستوت لي وصار الدرب متساوي
معطره والحميّا عطرها الفاخر=قدام لا أنثر عليها المسك والجاوي
طلبتني ياولد عمّي وقلت أبشر=وأنا قبل تتصل بي خاطري ناوي
وهذي قصيده من لساني عن السانك=والله ما أردّك ..وتبشربي يابن ضاوي
بأسم عتيبه من العارض ليا الحرّه=وجميع من فالوطى روقي وبرقاوي
اهنّي اللّي تشرفنا مواقفها=يوم المزاين كما المطرود والحاوي
من كل صنف املكوا مايبهر الناظر=ولاهي غريبه عليهم مالهم قاوي
والنوق ماهي رخيصه عند راعيها=يتعب لها لو طواه من الزمن طاوي
فيما مضى الدّم الأحمر لجلها ينثر=لا صيّحت وأنتخت فالعطفه مضاوي
واليوم في جايزة عبدالعزيز اللّي=حرر بلادي ومدّن كل بدّاوي
وفأم الرقيبه حضر ربعً تشرّفنا=وحضورهم يجرح الأكباد ويداوي
أذوادهم تسحر الجمهور من داني=يحكي بها السارح ويحكي بها الضاوي
وأهل الملايين ساقوها لهم طمعه=واللّي ما منهم شرى وا نجمه الهاوي
وفي ساعة الجايزة ما اكثر من أسماهم=ولا فالقبايل قصور وبلّغ الرواي
أنّا عتيبه هل الطالات من مبطي=نهوى المراجل وهي لعتيبه تهاوي
وللعز والمجد يابرقا ويالرّوقه=وياحظ من عزوته روقي وبرقاوي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

الشاعر / مشاري النثري

ماهي غريبه كثرة العتبان والفوز الكبير=حنا لنا تاثير واضح في جميع اعوامها
لاجات منقياتنا معها المواكب والجموع=لكازز ٍ تبرالها ولكازز ٍ قدّامها
تاثيرها بقلب العدو تاثير بوش بقندهار=ارجال تكسر عزها وارجال تحني هامها
حنا قبيله عزها معروف من ماض الزمان=حتى هوازن عز للاسلام عام اسلامها
ماهزنا جور الزمان ولا تزعزعنا الضروف=هذي عتيبه في سما العليا ترف اعلامها
عصورنا بافعالنا فاقت على كل العصور=امّيزين اليالها وامّزين ايامها
نعشق مطاليع العلا ونشيد صروح الفخر=ونصارع الدنيا ونضربها بحد حسامها
انفوسنا تتعب معها اجسامها لجل الطلوع=كأنها متكابره عن السكن باجسامها

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــ

فازت عتيبه ورب الكون ساعدها=دايم نهار المزاحم حظها عالي
قبيلتن هي سند جنبي وساندها=احبها مثل حب العم والخالي
من شانها اجزل ابيوت الشعر نقصدها=ونصوغها كالذهب لعيون الابطالي
اجمل بيوت القصيد اللي نوردها=نسوقها يمها رجلي وخيالي
عاشت عتيبه وهاذي من عوايدها=الاوله حظها ماتاخذ التالي
عان الجوايز لها كم عام تحصدها=ليننها عودت مضرب للامثالي
كمن منصات عزن دوم نصعدها=ولاناخذ الا السيوف ونكسب الغالي
من يد ولد حاكم الدوله وقايدها=مشعل حبيب القلوب وذرب الافعالي
فوق اربعين الجوايز يامقيدها=في وسط لوحة شرف تعرض للاجيالي
قولت نعم حظنا دايم وناجدها=يومنها كايده في بعض الاحوالي
اكرر التهنئه دايم وجددها=للعزوه اللي تعلت روس الاقذالي
فيها التباريك مانقدر نعددها=قامت علانا سوات السيل تنهالي

رجـالـنــا لا طــــب فـالـمـعـركـه فـــــاز=مافيـه عــن فـعـل المـراجـل تشـايـز
وحناهـل البـل دونهـا ناقـف اعـزاز=لا صــد عــن ماجوبـهـا كـــل بـايــز
نملـك سـلالات لهـا الـزيـن ينـحـاز=شــــم الـبــكــار الــنـــادرات الـغــزايــز

ســلام الله عـلـى ربـعـي عتيـبـه والبـيـوت جــداد=سـلام ٍ مـن عتيبيـن يـفـوح الطـيـب مــن دمــه
سلام الله على اللي ذودهم فـازت علـى الاذواد=بـجـايــزة الـمـؤســس يــــوم كــــل الــنــاس مـلـتـمـه

فـوق أربعيـن تهـوز ماهـيـب تنـهـاز=كــــلٍ رجـــــع بـالــفــوز ذوده يـســوقــه
إتـبــثــه الأقــمـــار فـــــي كـــــل تـلــفــاز=بعـيـون راع الصـنـف تظـهـر فـروقـه

لـــولا الـمـواقـف والـفـخـر والنـوامـيـس=مـــا كـــان رتــبــت الـقـوافــي وغـنـيــت
فــي مــدح منـهـم فالمواقـيـف فـريـس=عتيبـه الهـيـلا هــل المـجـد والصـيـت

ان قـــلـــت روقـــــــي يــبــاصـــل مـطـالـيــبــه=وان قــلــت بــرقـــاوي الـمـطـلــوب يـاصــلــه
اكــــتــــب يــاتـــاريـــخ لاشــــكــــه ولاريــــبــــه=واتـــرك صحـايـفـك طـــول الـوقــت مـنـفـلـه

فزنا وحنّا فوزنا شي مضمون=والأوله ماهي علينا غريبه !
عوايد العتبان دايم يفوزون=ولاهي على ( الروقه وبرقا ) صعيبه !

بـأسـم عتيـبـه مــن الـعـارض لـيــا الـحــرّه=وجمـيـع مـــن فـالـوطـى روقـــي وبـرقــاوي
اهــــنّـــــي الــــلّـــــي تــشــرفــنـــا مــواقــفـــهـــا=يـــوم الـمـزايـن كـمــا الـمـطـرود والــحــاوي

حنا قبيله عزها معروف من ماض الزمان=حتـى هـوازن عـز لـلاسـلام عــام اسلامـهـا
ماهزنا جور الزمان ولا تزعزعنا الضروف=هذي عتيبه في سما العليا تـرف اعلامهـا

عاشـت عتيبـه وهــاذي مــن عوايـدهـا=الاولــــه حـظــهــا مـاتــاخــذ الـتــالــي
عـان الجوايـز لهـا كـم عـام تحصـدهـا=لينـنـهـا عـــودت مـضــرب لـلامـثـالـي