أبو وافي لا عدمنا هالراس !!!!
 

الله يحييك
يا أبو وافي

مرحبا من صادق اشعوري تراحيب(ن) تزيدي
من هجوس(ن) ناشرة وسط المعارك مجدها

لو نكرر في العلوم وفي السوالف ثم نعيدي
بعض العرب لها منصب وهي ماهي قدها

هلااااااااااا يا بن عوجان
الله يبقيك
دام لك البقا يا لجذع يا عسى رايك سديدي
من هجوس (ن) يالعتيبي ما يقصر مدها
لو نكرر فالعلوم وفالسوالف ما تفيدي
قالو الكلمه اللي تستحي منها بدها

فيه ناس(ن) لها رتبة المقدٌم والعقيدي
لكن أوامر بعضهم على حاله يرددها

افهم اعلومنا والمقصد والله ماهو بعيدي
وأنت ضمن القافلة اللي أظنه مجندها

يا مرحبا يا داهية اعتيبة
حضورك شرف

الغالي أبووافي
اسمحلي على التأخير
رحت وجيت من مشوار مسافته ستين كيلو
وشكرا

هلاااااااااااا بمشرفنا الغالي
داهية عتيبه

مسموح يالغالي

استلم
الاد مفلح ما فيهم لا ضعيف ولا بليدي
الرجال اللي لها عزم الجبال اتهدها
لو يبا ينقص رصيد الناس ما ينقص رصيدي
انكيل للناس بالصاع وتكيل ابمدها

ما حكينا في الرجال اللي لها مجد(ن) تليدي
يا العتيبي جنبت عن اعلومكم ردها

ما ذكر لك من رصيد يا الله عسى انه يزيدي
مير خل اعلومنا تمشي وتضرب حدها

من قلدهم بالمراتب رايد(ن) ولاعميدي
ويتومر جيب هذيه وهذي ودها
والحرار احرار ما ظني تبا ترجع عبيدي
مدها من يدها وعزها من جدها

نبارك للمجند اللي خذا اسم(ن) جديدي
ياعسى بعض الطرق من يمنا ماسدها

لو إن بعض العساكر تترك اعلوم الرديدي
كان قلت اعيوننا لعيونها نلدها

بعض العرب ياولد عوجان يمشي كالهريدي
ويتعين فالجزار وفالسكين ايحدها
لا يغرك الجندي لو شفت في يدينه حديدي
ترى اللي قي يده مشط لشوشته بيكدها

قال المثل لو خلت منها تراها تستبيدي
خشيمك يا أبوافي ترا مايلمس خدها

أغلب الموجود عنك وضعها وضع المعيدي
ولا طرالك سية(ن) يا ولد عمي عدها

عندك بدال عنك
في البيت الثاني

انريد وتريد لكن الله يفعل ما يريدي
والعرب ما عاد يعرف هزلها من جدها
مار خلك يبن عمي للخصم خصم(ن) عنيدي
والرجال اللي تدور ودك اشتر ودها


تشرفت يا ولد العم بالمحاوره معك واعذرنا على التقصير



والى لقاء قريب ان شاء الله



تحياتي

ونحن كذلك يا أبا وافي
حياك الله
عزيز وغالي
ونلتقي على خيرر