من يوم غنت راعبي الحمامة=جاوبتها بالصوت لين اني ازريت
غنت طرب ماهوب هم وندامة = غنت طرب وانا من الوجد غنيت
واهنيها لامن لحقها ملامة= تكفخ ولا قالت من الهم ياليت
وانا ليا ضاقت بديت العدامه = وفي راس مزموم المراقيب عديت
لاجيت في راسه رميت العمامة=وفجرت في صخر القوافي دناميت
ماهو طرب لا والله الا سأمة= ماهو طرب يوم الحق البيت بالبيت
ياليت همي من حبيب و غرامه=يمكن ليا ابطت جيته عنه سجيت
لاكن انا رجال اعشق الكرامة=ومن شبتي على المراجل تربيت
واليوم يضحك بي سليل الرخامة= نسل الضعوف الحي منهم على الميت
لاياضعيف النفس مابك شهامة= انعم تحت حكمٍ بضله تتقيت
ولونها شلفى ورمح وجهامة= والله لتمسي يا الردي ما تعشيت
يمديك عشيت الثعل يا الهلامة= وعن درب ذربين اليماني تصاغيت
ما اخذت من دنياك درس وفهامة=بصيرتك عميا ورى ما تقديت
الطيب افرح لاكسبت احترامه= والاش عنه افرح ليا مني اقفيت
ولاضرني هرج الضعيف وكلامه= هرجت قفى جزفت عنها وصديت
قملت قفى والرجل يرفع مقامه= ولاتضرك دام عنها تعاليت
قد قالها اللي جعل ترحم عضامه= وفي جنت الفردوس يبنا له البيت
فيصل ولد منصور قوله علامة= قول الرياحي فادني واستدليت
تمت وقافي يالنشاما ختامه= على الذي عن سنته ما تنحيت
شفيعنا في هول يوم القيامة= صلو وانا من ضمن من قال صليت

المشاركة الأصلية كتبت بواسطة نايف المغيبي (المشاركة 1131507) شامان الروقي هذا هو الشعر الذي يستحق ان اسجل اعجابي به

المشاركة الأصلية كتبت بواسطة عناد الشيباني (المشاركة 1131513) لله درك صح الساااانك لحد رضاك وابيض وجه..

المشاركة الأصلية كتبت بواسطة ضاوي الشيباني (المشاركة 1131573) صح لسااااانك قصيده رائعه

ولاضرنـي هـرج الضعيـف وكـلامـه
هرجـت قفـى جزفـت عنهـا وصديـت
قمـلـت قـفـى والـرجـل يـرفـع مقـامـه
ولاتــضـــرك دام عـنــهــا تـعـالـيــت
قـد قالهـا اللـي جعـل ترحـم عضـامـه
وفـي جنـت الفـردوس يبنـا لـه البيـت
فيصـل ولــد منـصـور قـولـه عـلامـة
قــول الـريـاحـي فـادنــي واستـدلـيـت
تــمــت وقــافــي يالـنـشـامـا خـتـامــه
علـى الـذي عــن سنـتـه مــا تنحـيـت
شفيـعـنـا فـــي هـــول يـــوم القـيـامـة
صلو وانا من ضمن مـن قـال صليـت


الله الله

صح ألسااانك ياشامان

كــــــــــلامٌ يستحق الإحترام

لا فض فوك

سجل إعجابي بحق

وتقبل مودتي وحترامي ,,,

المشاركة الأصلية كتبت بواسطة محمد عويض الثبيتي (المشاركة 1134180) صح لسانك و أبيض وجه شاعر ومتمكن تقبل مروري

المشاركة الأصلية كتبت بواسطة فهد علي العازمي (المشاركة 1134205) شامان صح لسااااااانك نص شعري شااااامخ بشمووووخ كاتبه صح لسااااااانك مدد بلا عدد

المشاركة الأصلية كتبت بواسطة القلاع (المشاركة 1134338) شامان لله درك جزالة ف الفكر وجزالة ف الطرح سجل اعجابي 1000000

المشاركة الأصلية كتبت بواسطة راع العبيه (المشاركة 1134353) صح لسانك يا شا مان وبيض الله وجهك على هذه القصيدة

المشاركة الأصلية كتبت بواسطة محمد مذكر المغيبي (المشاركة 1134786) شامان الروقي تسلم تسلم ياجزل وش اختار وش اخلي كل بيت احسن من الثاني قصيدة تستحق الاهتمام والحفض لما يوجد بها من كلام ثمين وطرق وقافية جميلة وموضوع القصيدة حكاية ثانية والله انك مبدع وبعض الكلام انة اشد من وقع الرصاص وانا لااملك ياشامان الا ان اسجل متابعتي لماتكتب واقول بيض الله وجه مهندس وشاعر هاالدرة الجميلة اللي مايكتبها الا مبدع تقبل تحياتي

المشاركة الأصلية كتبت بواسطة الصويت الثبيتي العتيبي (المشاركة 1134934) صح لسانك يا شا مان وبيض الله وجهك