سلام مني للرجال الي لهم قدر كبير = سلام حسب الشرع والملعب لها فرسانها
الي يبا يلعب معي يامرحبابه من يصير = يقلط وقدامه ملاعب زايه ميدانها

يا مرحبا ترحيبةٍ تاصلك في وقتٍ قصير=والملعبة يا صاحبي ما يختلف ميزانها
أنا وقفت بماقفي والسيف فاليمنى شطير=وانته ياولد الزلفي إحذر والمقابر عانها

دام البقى يالعازمي والعلم من سلك الحرير = والطيبه تكسب بها واحرص على نيشانها
قم رد سيفك في غمادك كان تبغى له جفير = الذل مايدخل قلوب(ن) مرجهن ايمانها

هات السوالف هاتها فالدرب واشوف المسير=واعطيك وزنة هرجتك فالسوق من دكانها
إن كان إبه عندك جفير أطيع شوري واستخير=والكلمة اللي قلتها محتاجٍ لبرهانها

السالفه ناس تخطط والعرب تشخر شخير = ياطول سبات الرجال الي تصم اذانها
الحشو يرغي مضطهد والرحل تسمع له هدير= والبندقيه يوم شيلت ماقدح صوانها

الله يسترنا بستره وأنت رجلٍ فيك خير=مثلك ليا منه وقف ضد العداء واهانها
تلقى لها تال الليالي من يلف ويستدير=الذمة الذمة تراها فرقبة رعيانها

اكرب حزامك يابن عاصي والرحى لك تستدير = اما طحنت الحب قلنا لك عليك اوزانها
الجيل قدامه تحدي كيف تحديد المصير = يوم الشريعه تنتخي بالفارس الي صانها

لوهي على كربة حزامي كان قلت أمرٍ صغير=يبغى لها نارٍ يوصّل للسماء دخانها
الجيل ناعم مايبي غير البطاطس والعصير=والفارس اللي تنتخي به ظني إنه خانها

المسئلة ذمة وكل يتقي حر السعير = وبعض المطايا من جهلها يستدير ابطانها
كل وجهده والحمول الكايده حمل البعير = والباخره في ذمة القبطان مع ربانها

المشاركة الأصلية كتبت بواسطة ابن _عاصي (المشاركة 1035926) خلووووووووها صح لسانك ولا هنت وبيض الله وجهك على الطاروق وتشرفت بالعب معك ولنا لقاء بإذن الله