الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعر المحاورة (http://www.otaibah.net/m/forumdisplay.php?f=52)
-   -   ابن منور لو سمحت اقرب جاي (http://www.otaibah.net/m/showthread.php?t=107103)

سعد حميد الثبيتي 23-Mar-2010 06:43 PM
ابن منور لو سمحت اقرب جاي
 
يابن منور قوم والمعنى على خمسة حروف= يبقى ثلاثه لو تشيل اثنين والمعنى سليم
فوق الثنيه والرباع اليوم حديت السيوف= قلبي حجر ماهمني لو يذرف الدمع اليتيم

ماجد العصيمي 23-Mar-2010 06:48 PM
يا شيخ حرام عليك ايش الكلام هذا هههههه



صح لسانك وبانتظار ابن منور

سعد حميد الثبيتي 23-Mar-2010 06:57 PM
حياك الله يالغالي ومافيه الا كل علم زين وهذا الشعر وطروقه ههههههههههههه عموما لك مني كل تقدير

علي الشهراني 23-Mar-2010 07:03 PM
صح لسااااااااانك يا بو حميد




و صح لسااان ابن منور مقدما




و اكيد متاااااااااااااااااااابع

سعد حميد الثبيتي 23-Mar-2010 07:06 PM
متابعتك مدعاة للفخر وانا يشرفني ويسعدني متابعة شاعر متمكن مثلك عموما حياك الله يالشهراني مليون لك مني ومن ابن منور كل تقدير واحترام

خالد الثبيتي 23-Mar-2010 07:28 PM
ياربي انك ترزق العميان لو ساعه يشوف = كلٍ حسب النوايا يا سعد دربك سليم
انا سمعت اللي يدقون الطبول مع الدفوف = يالله يا غفار تغفر لي ذنوبي يا كريم





العجله ما فيها خير ههههه

تم التعديل

سعد حميد الثبيتي 23-Mar-2010 07:47 PM
اللي يباري للجمل ماهو كما اللي فالردوف= واللي بلا حجه ليا حك الزند ماهو خصيم
ام الكباير ماجداها غير تصفق بالكفوف= من حر ماتونس غلا في بطنها مثل الجحيم

خالد الثبيتي 23-Mar-2010 07:59 PM
يا ذيب ياللي واقفٍ فوق الجبل ما منك خوف = ان كان لك نية غزو روّح و دوّر لك غشيم
اللي توفت ما عليها لا غبون و لا حسوف = اللي بكاها واحدٍ لاهو شجاع و لا حكيم

نيااااف 23-Mar-2010 08:00 PM
مبدعين ومعنى كايف تسلمون

خالد الثبيتي 23-Mar-2010 08:12 PM
صحت الابدان و لا هنتوا على المرور

سعد حميد الثبيتي 23-Mar-2010 08:17 PM
صحيح ماقلته ولا هو ذيب حتى انه يحوف= واللي غشيم يطيح في وسط الخباره والهشيم
الله لو شفت العزا ناس(ن) على السكه وقوف= اثر الفقيده غاليه في وصفها وصف(ن) عديم

خالد الثبيتي 23-Mar-2010 08:36 PM
مادام راسي حي يا رجال من بين الكتوف = ابنظر لوضع العرب و اعالج الوقت السقيم
ما اخذوا على الميت ديه حتى ولو راس الخروف = الله يعوض ورعها بالخير ويعيش بنعيم

سعد حميد الثبيتي 23-Mar-2010 08:54 PM
خل العلوم بظرفها يالين تحتاج الظروف= واليا حصل وحده من الثنتين لاتافر شريم
الله يعوض عاقبتها خير في موت الهنوف= ونقدر نقول الطيبه ياالشيخ ماماتت عقيم

خالد الثبيتي 23-Mar-2010 09:19 PM
انا احسب انه من عيال الشرق ساكن فالهفوف = آثر خويك يا سعد ساكن وسط حوطة تميم
يبغى له امٍ تشبهه يا رجل حتى بالوصوف = جابوا له أمٍ زيها لكنها عيت تريم

*النجـــــم* 23-Mar-2010 09:22 PM
صحت السنتكم ما فيكم حيله


يا عقم أم ضعيف يحول بينكم


الله يعطيكم العافية


واصلوا الابداع


لكم تحيتي

سعد حميد الثبيتي 23-Mar-2010 09:29 PM
ترى كروف الضان يطلق فوقهم جمعا كروف= ماهم بزيك يافتى بين العليا والنسيم
اللي يسوف توبته ماتنفعه ياالذيب سوف= واللي سكن روضة خريم يموت في روضة خريم

فواز السعيدي 23-Mar-2010 09:35 PM
الله الله


بيوت رائعه وقاف عال العال


صح لسانك يابو فواز


وصح لسانك يابن منور


متابع

رعد الروقي 23-Mar-2010 10:43 PM
سعد // ابن منور



صحت قلوبكم

سعد حميد الثبيتي 24-Mar-2010 09:08 AM
الاستاذ/ فواز السعيدي

الاستاذ/ العمده



اصالة عن نفسي ونيابة عن زميلي ابن منو ر نشكر مروركم واشادتكم الهادفه وليست غريبه من اساتذه في النقد والشعر لكم منا تحية عاطره بالورد والمسك والريحان دمتم بود


الساعة الآن »08:49 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd