الطير ماهو مغيـــرً سنجنته ياللي تربيه=بكرة مصيره على راسك يحول بالحيايا
لكن عابن بعقلك واحفظ اللي تخسره فيه=قدام تغدي من اسبابه وترفع لك قضايا

طير السعد يالعتيبي ما يخيّب ظنّ راعيه=قال المثل لا توصّ الحر ما يبغى وصايا
يالعمده الجاهل اللي ما يعرف الصقر يشويه=هذا هو المحتمل و الله عليمٍ بالخفايا

يابن فلاح انت لا أم الطير وتضمه ولا ابيه=خله مركن يطالع صورته وسط المرايا
من كد صابرك تشريه له وتقطع له وتعطيه=لكن ما اخذت حذرك من ملوية النوايا

صحيح ماني وكيل آدم على باقي ذراريه=لكنّ علم الوفا ميزه من اهمّ المزايا
كلٍ على قدّ ما يعمل ترى ربّه يجازيه=الصدر للشيخ و اللي فالزوايا فالزوايا

يا علي ..مجنون رجــــــّــالً يسلح قوم تغزيه=الصبح والا العشية واصلينه بالسرايا
أما تصر المنيحــــــة والزمن تسلم بلاويه=والا تقبل جميع اللي يجيبه من هدايا

المشاركة الأصلية كتبت بواسطة علي فلاح العضياني (المشاركة 1010148) الله الله واصلك الرد

المشاركة الأصلية كتبت بواسطة حاكم الغنامي (المشاركة 1010151) صح لسانك يالعمده وصح السان ابو فلاح متابع

المشاركة الأصلية كتبت بواسطة محمد غازي النخيش (المشاركة 1010161) الله الله متاااااااااااابع

المشاركة الأصلية كتبت بواسطة ابو فايح (المشاركة 1010197) قاف يحتاج إلى عوده ومخمخه صحت الألسن مقدما

هذا المرض يالعتيبي طبّنا الشعبي يداويه=إمّا بالاعشاب و لاّ بالحجامه و الكوايا
ما دام ناوي تسكّر باب بيتك ليش تبنيه ؟=كرامة الضيف مهما كان ما فيها رزايا

يا معزب الضيف ضيفك ما يخالف لو تعشيه=لكن مافيه داعي تمنحه خيل ومطايا
مذخور بقعـــــا تبا تبلش ليا كبرت عــــلابيه=يحوس ويدوس فالصمان ويسوي سوايا

راع المحاني على عزّ و معزّه في محانيه=يمناه تندى على طول الزمان من العطايا
و المدفع إمزهّبه بارود بسّ إيريد توجيه=يروي حيام الاعادي موت من حوض المنايا

دعمك لصدام ما ينجيك لو تملى مخــــابيه=مجحود سعيك وبذلك واخرتك مع الضحايا
لا تشغل الغرب دام الذيخ ذيخك وانت غاذيه=اليا التفت فيك بالأنياب مدري بالثنايا

العمده

يا معزب الضيف ضيفك ما يخالف لو تعشيه ** لــكــن مـافـيــه داعــــي تـمـنـحـه خــيـــل ومـطــايــا

المستشااار

راع المحانـي علـى عـزّ و معـزّه فــي محانـيـه ** يمنـاه تنـدى علـى طـول الزمـان مـن العطـايـا

-----------------------------------------------------------------------------------------------------

كلام كلام ..

المِعْطِي كريم والمُعطَى يستاهل .. ;) ;) ;)

وعلى هونك يالعمده ..

صحت الالسن والقلوب ..

العمده

تصر المنيحة والزمن تسلم بلاويـه=والا تقبل جميع اللي يجيبه مـن هدايـا

علي فلاح

ما دام ناوي تسكّر باب بيتك ليش تبنيه ؟=كرامة الضيف مهما كان ما فيها رزايـا

هكذا النقض والفتل على أصوله


صح لسانك يالعمده ولا يهمونك سهود ومهود


وصح لسانك يابو فلاح مبدع في كل حالتك