بعد العشاء يوم الأحد ليل الأثنيـن=قابلت مـن بهـذل حياتـي كذيـاّ
يا لايمين القلب شيء(ن) على الدين=فوق الخيال إتطـول فيـه الحكيـا
الزين يوصف لكن ازين من الزيـن=ما شفت احد زيّـه ولا لـه حليّـا
قلت السـلام ورد برماشـة العيـن=ياويل عينـي مـن عيونـه عليّـا
حين التقينا مـع طريـق الثلاثيـن=لين افترقنـا مـع طريـق العليـا
طلبت منه العطف واللطف والّليـن=واعطيه لو يطلـب حياتـي وعيّـا
واقفى وانا ماحـب طـرد المقفيـن=ولا كنت أحسب لنكبة(ن) هالسويّـا
ماراح فكري غير لحسـاب ثنتيـن=جرح الكلام .. وفرحة اهل الزريـا
بس اشهد انه صاب قلبي بسهميـن=لاميـت(ن) منهـن ولانيـب حيّـا
خلّي جرحني مادرى من هكا الحين=ساعة مشى مـاراح قصـده جفيّـا
المشيه اللي عقبها خاطـري شيـن=والقصة اللي ذقـت منهـا القصيـا
وجدي عليها وجد مالـه براهيـن=ولا له جدى حتى المنـاوي تهيـا
ياليت من يدري بعنوانهـا ويـن ؟=وألاّ.. اسمها ؟ وألاّ..عربها من أيّا
اليوم .. ولاّ من عرف شيء بعدين=واللي يمرّ اهناك .. واللـي هنيّـا
وما دامكم صرتوا عن الوضع دارين=لاتنصحـون القلـب يـزداد غيّـا
ابا اتمسك بالأمـل والرجـاء ليـن=يطـوا علـيّ بداخـل القبـر طيـاّ

يقول من هاضه قصيد المغنين=وإنقاد له بدع البيوت وتهيا
والتج فكره وين مبداه ومنين=وبغى يرده عن مرامه وعيا
وجهز له اجموسٍ جديدة وجيبين=لبو طلال افزوع مابه كنيا
لوسط البلد واللي حواليه جمسين=وجيبين لدروب الوعر والعثيا
ركابهن شروى العيال المسمين=كلٍ يزوم من السطر والحميا
فرقة جنوب إلشرقي الخرج ويمين=وفرقة إلغربي وجنوب العليا
وداجوا على نزلٍ بذيك الضلاعين=وسطي طويق وحول ذيك النحيا
وعادوا ولا جابوا خبر داعج العين=دورة بلا خيطٍ يدلك عميا
لو هو من اللوحة خذا بس رقمين=والا تبعهم لو تطول السريا
حتى يسنع وجهة ديارهم وين=ويبين له منزالهم باي حيا
ماكان رثعنا سواة المجانين=ولا كان كسرنا المواتر كذيا

سمعت لي مع غيبة الشمس صوتين=ورحب خفوقي للمنادي وحياّ
عزالله إني صرت مابين نارين=وردت عدٍ مال جمة بقياّ
مدري وش اللي حطني بين الاثنين=خطاي في التقدير والاّ الرهياّ
ابوطلال يقول ذاق الأمرين=ولاهوب للجرح الحقيقي مهياّ
وانا يضايقني ونين المصابين=ولافي يدي حتى أدرك الأمر شياّ
وابوعبيد أرسل فقط للتجاهين=وخلا اتجاهين الحراوي بلياّ
رسلٍ يردون الخبر لحمر العين=وعن ذاهبتم يكشفون الغبياّ
وان كان ماجابوا دليل وعناوين=يلقى الخبر عند العجوز العمياّ
عساة يلقى من خطف خافقه لين= حتى ايتذرى في الحشا ويتفياّ
ويمدله يمناه باللطف واللين=ويقول يا خطّافة القلب هياّ
للبيت على سنة الرسل ماشين=واللي بعد هذا مدور قضياّ
وان كان جاء مني خطا يالميامين=وانا احسب اني عنه بعد الثرياّ
انا تراني في وجيه الرباعين=وفي وجه اهل عمهوج وبن محياّ
اللي مطارد خيلهم للمعادين=يشبع بها الذيب العرج والحدياّ
لاعاد يشغلني كبير السياحين=اما جهم لي فجر والاّ مسياّ

عبدالله بن طلال

ناصر الهواوي

زيد البقمي


صحت ألسنتكم جميع إبداااااع فوق النجوم

لو هو من اللوحة خذا بس رقمين
والا تبعهم لـو تطـول السريـا
حتى يسنع وجهة ديارهـم ويـن
ويبين لـه منزالهـم بـاي حيـا
ماكان رثعنـا سـواة المجانيـن
ولا كان كسرنـا المواتـر كذيـا


********

انا ترانـي فـي وجيـه الرباعيـن
وفي وجه اهل عمهوج وبن محيـاّ
اللـي مطـارد خيلهـم للمعاديـن
يشبع بها الذيـب العـرج والحديـاّ
لاعاد يشغلنـي كبيـر السياحيـن
اما جهـم لـي فجـر والاّ مسيـاّ

********

صح بدنك ولاهنت يا الخيّال


تقبل تحياتي

صح بدنك يالغالي بن الغالي



تحياتي لك ولسمو .. ابو جميل

صح بدنك ياشاعرنا القدير/ حاكم الغنامي



ومشكور على تشريف متصفحي وعلى النجوم .. لاعدمناكـ



تقبل خالص تحياتي

\\//
لله درك ياعبدالله بن طلال"


""


\\//
ناصر الهواوي العتيبي "وقمة الجزاله "

"""



\\//

الله الله زيد بن راجح البقمي "وشيخة اخرى تضاف الى سابقاتها"




""
بيض الله وجيهكم على الصوت والصدى عزالله انكم توسعون الصدر يالثلاثه"

عبدالله بن طلال لازلت متابع لكل ما تسطر هنا "

صح بدنك يابو ناشي



أنرت متصفحي بمرورك الطيب يالقرم



تقبل خالص شكري المقرون بأزكى تحياتي

الراي السديد



صح بدنك ولاعدمنا وجودك وماعليك زود



تحياتي لسموكـ

صح بدنك يا بن صنهوت ولاهنت



وفعلا زيد البقمي دخل مدخالٍ مهب بسيط وماعاد احد يقدر يطالبه بشيء ههههه



تقبل تحياتي

شاعرنا القدير/ ابن سرحان الثبيتي


صح بدنك يا غالي ومشكور على الاطراء الراقي والمتابعه الجميلة


ولاعدمناك يالقرم


تقبل خالص تحياتي