اثر المشاعر تصطدم في بعضها=امس الفرح في خاطري صادم الضيق
حاولت افرق ركبهم واعترضها=بس الضمير يقول من غير تعليق
فرحان باحلام تحقق غرضها=زعلان لفراق الرجال المطاليق
الي على الطاعات ربي حفظها=امثال ابو تركي معد الشواهيق
اللي يمينه لو هلك ما قبضها=فيه الكرم وهبة وفطرة وتوفيق
وان ثقلت حمولي ووقتي فرضها=يشتالها لو كانت اثقل من طويق
من دون ما اطلب فزعته لي عرضها=واليا فزع يروي ضماء ناشف الريق
واليا استشرته بالخطط قال: خضها=وانا معك من دون كل المخاليق
وفي مجلسه ماني بلاقي عوضها=سوالف طرفه ومزح وطواريق
اسمه رفع روس الربع ما خفضها=لا مر ذكره قيل يحتاج تصفيق
مار اقفت اقدامي ونفسي غمضها=بعد الرفيق مفرق الهم تفريق

صح لسانكــ يابو سلطان ..
جزله منك ولاهيب غريبه ...
مدحت ابو تركي وانشهد انه يستاهل ..
..