خاويت بالعتبان شيوخ ورجاجيل = فيهم خوي الدرب وفيهم هقاوي
فيهــم رجـال الجـود فيهم مقابيل = فيهـم خيـار الناس فيهم نخاوي
فيهم صنوف الطيب مثل المعاميل = فيهم كبــار القوم فيهم حراوي
فيهم صفــات المـدح فيهـم أقاويل = فيهم جـوار وفي حياهم عزاوي
فيهم شجــاعة كيفهم مــع فناجيل = فيهم كـرم شجعان عطره نداوي
فيهم كفوف ومـع رياحــه مواويل = فيهـم ربيع القلب كيف المداوي
فيهم حـجــاج العــز مـاهـي تماثيل = فيهم حسام الوقت وكف البلاوي
فيهم اصالــة كــارهـا بـه محاصيل = فيهم حماة الديـن سباع الجلاوي
فيهــم عزاز النفس ميزه مع الجيل = فيهــم صقــور وكسبها للتداوي
هــذي حـقيـقـة وكلهـا لــه تفاصيل = من جـاور العتبـان ماهو خلاوي

مــر الـزمـان اللي به الناس تذكار = ومــر الــحيـا يـنـبـت مـع الطيبه بشوق
يفــز مــن دار ابـالـعـلا كنـه أقطار = مــن ســـاس جــدانـه للـطـيـب مـخلوق
فيــه الكــرم آيـة وعلى بابه شعار = زعيـــم جيــــل ولــو مـــدحـنـاه بفروق
جــزيـل كــار ولابتــه كلـهـا خـيـار = طيب أصـــل حــبـه مـن القلب وعروق
يحتــار مـد الحـرف ولوزدت انهار = امــيـر فــي طبــع النشــامــا ولـه ذوق
ماجــد زمــانـه مـن شيوخ لهم كار = مـن معــدن الشجعــان وللكيف منطوق
ماهي مـجامـل وبالحقيقة من كبار = سيف صقل طيبـه علـى الساري بطوق
في مجلس مفتوح ومع البن وبهار = يسوق فنـجالـه وعلـى المجلس يلوق
مده وفاء ياصـل على حد الاعصار = وافــي طـــويـل البــاع بــابـه لنـا سوق
ابي امــدح الطـيب وبـالـكف أشبار = وأبــي أتـــخـيــر فــي بنا البيت واروق
لأبن الكــرام اللـي كسـا مجده ديار = مـاهــو غــريب الطيب عتيبة لها بروق
خيال يمطــر فـي طنـا شمــر وسار = يــــم الشمــــال وللسنــاعيـس معشوق
من دار أبو مانع على كف الأبصار = يحيــي شـــذا مــجـد لــه الطاري يفوق
يحـــوم فـي داخـــل مـعاليقي وطار = أبـشهــد بـجـــاهـــي ولانـــي بـمـطفوق
باللي خذا طيبه مــع الكـيف معيـار = حــر ولـــد حـــــر لـــه الـسـاس فـاروق
سنام فــي جيـل بـه العـــز مـشـوار = وختامهــا مـن مطلع الشـمس وشروق
أطيب تحيــة لأبيض الـوجـه أختـار = أبــو الفــزاعي ومـــن جـنـا طيبه يروق

المشاركة الأصلية كتبت بواسطة راس القوم (المشاركة 453780) صح لسااانك على القصيدة والله ثم والله ان لكم مكانة خاااصة عند عتيبة اما بخصوص اقرب طريق ان شااء الله الباقين يفيدونك انا ما لي علم بالطاايف وشكرااا

المشاركة الأصلية كتبت بواسطة مدون (المشاركة 453782) هلا يالشمري وقرب قرب خشمك عند الشاشه اموووووه على الخشم (بوسه من خلف الشاشه ياريحة اجا وسلمى والديار الحاتميه والكرم الطائي الطريق المناسب من الطائف اقضب طريق الرياض السريع يامن الغنيمه وهناك طريقين مناسبين الاول قبل القويقية بحوالي عشرة كم مع مفرق مزعلة والثاني بعد القويقية مع مفرق لبخة وحويته وتحصل اللوحات وبيض الله وجهك على القصيدة الشكر لك ويستاهل الممدوووووووح في القصيدة

المشاركة الأصلية كتبت بواسطة على الحد (المشاركة 453786) صح لسانك يا عبد المجيد الشمري وانت تعرف مكانت شمر من بين القبائل مكانتها عند عتيبه الهيلا واقول وصف الطريق السهل هو طريق الطائف الرياض السريع على حسب ما فهمت منك بتجي من الطائف فيه طريقين الطريق الاول هو اذا وصلت لظلم باتجاه الشرق اسلك الطريق المؤدي الى ظلم عفيف ومن عفيف للدوادمي ومن الدوادمي لمركز المحمدية وبعد المحمدية يأتي موقع المزاين واذا خفت تضيع اذهب للقويعيه وبعدالقويعيه يجيك النفود بعد النفود يجي اول كبري هو كبري دلقان لبخه حويته اطلع معه حوالي 90 كلم واذا وصلت لمركز الطويله انحرف يسارا وتذهب لمركز الروسان واذا جاك مركز الروسان انحرف لليمين وتقريبا 10 كلم باتجاه الشمال لمركز القرنه ويعترض امامك طريق شقرا الدودمي انحرف نحو اليمين 10 كلم تقريبا يجيك موقع المزاين والله يحييك وانا خوك بين ابناء عتيبه

المشاركة الأصلية كتبت بواسطة عبدالمجيدالشمري (المشاركة 453813) وصفك بأذن الله عدل بيض الله وجهك ياذيبان ومشكور ياطويل العمر