الهيـــــــــــــلا *** منتدى قبيلة عتيبة - السلام عليكم ورحمة الله وبركاته........ معجب

ابراهيم الجـــــذع

الليله الملعبه فيها وما فيها كلامٍ كثير=لكن يا اللي تديرون السوالف لا تجون الحما
حنا رجال المواقف والمعارك فالنهار الكبير=مير ابلشتنا عجوزٍ بذت العالم بكثر النما

معجب العتيبي

الليله الملعبه فيها حسب علمي كلامٍ خطير=فيها كلامٍ يصك لسان راع الهرج بأعلا الجما
انتم وحنا . وسج الرجل يابراهيم حان المسير=لاتعتذر بالنما والا العجوز اللي لحقها العما

ابراهيم الجـــــذع

السالفه يا العتيبي كلها شيءٍ بوسط الضمير=لكن ما قول أنا يا كود دار الرمي يأهل اضرما
بعض الدعاوي على الرجال يا رجال علمٍ عسير=ابعد من اللي على وجه الثرا للي بدا فالسما

معجب العتيبي

سحابةٍ واقبلت من كبرها وسط السما تستدير=والظاهر ان السحابه لانشت فالصيف زاد الضما
اللي عطاه الله العقل السوي ماهوب مثل الغرير=والفرق بيّن مابين اللي يهاب القوم واللي رما

ابراهيم الجـــــذع

ما اظن من هو يشوف افعالنا فالحرب عقله صغير=واظن من فعلنا فالمعركه قامت تسيل الدما
يا زين وجه الغني يا صاحبي يا شين وجه الفقير=واللي تدور لها لا بد ما تمشي وتلقط كما

معجب العتيبي

مافيكم قصور والتاريخ يكتب والعرب تستنير=لكن في حاظر الايام بالعقل العدو يهزما
اختر لنفسك من الوجهين وجه ولابلشت استشير=وليا لقيت الثنينه قول اباخذ واحدٍ منكما

ابراهيم الجـــــذع

الشعر يا صاحبي ما هوب تمره فوق كسرة مضير=والبعض لا قلت جاك السيل قال السيل ما غير ما
ما عمر عنتر بلش بالثور لو الثور جاله مغير=يا جعل من لا تعرف العلم والله للعما والصما

معجب العتيبي

فالمدرسه كل شيٍ ماتوقع يالعتيبي يصير=والمستوا لا لقاله ماستوا زايد يهب ونما
من لايعرف الصقر قال الصقر ياصاحبي مايطير=بع السوالف والامثال القديمه تختلف ربما

ابراهيم الجـــــذع

ما جيتها غير حشمة ربعي عتيبه وسيفي شطير=والثانيه لعن ابو من لا وقف من دون عذب اللما
اقول يا الله عسى فالأمر يا رجال خيره وخير=والناس تدري بمن يطرح هدف واللي برميه زما

معجب العتيبي

تقولها والعرب من بينهم واعي ضمير وبصير=والثانيه من بغى للمجد ياصل حطله سلما
اختامها ياعميل الخير للدوله نحطك سفير=وياجعل ذاك البلد يسلم ومن عاداه مايسلما