الهيـــــــــــــلا *** منتدى قبيلة عتيبة - كيف نصل الى مزاين عتيبة ؟؟؟

- ملتقى ومزاين قبيلة عتيبة 1428هـ (http://www.otaibah.net/m/forumdisplay.php?f=84)

- - كيف نصل الى مزاين عتيبة ؟؟؟ (http://www.otaibah.net/m/showthread.php?t=51029)

ياولد العم يالغنامي
هو رأي ابديته لك واذا شعرت اني اسأت لك انا اسحب كلامي
ولا يكون خاطرك الا طيب
ابن عمك

خلاااص ياولد العم ولا تزعل

الشمري ارحب تراحيب المطر والله يحييك في مخيم الغنانيم في وقت

وانت يالعصيمي اسف على الكلام اذا كان اخطيت بحقك والعذر منك

الله يحييك يالشمري بين اخوانك

وصح الله لسانك على هالمشاعر واللي ماهي غريبه

يا هلا والله ومسهلا من تمشي الى ما تلفي

اقتباس:

المشاركة الأصلية كتبت بواسطة ابن حزيم الجعيد الهيلا (المشاركة 453866)

خاويت بالعتبان شيوخ ورجاجيل فيهم خوي الدرب وفيهم هقاوي
فيهم رجال الجود فيهم مقابيـل فيهم خيار الناس فيهم نخـاوي
فيهم صنوف الطيب مثل المعاميل فيهم كبار القوم فيهـم حـراوي
فيهم صفات المدح فيهم أقاويـل فيهم جوار وفي حياهم عـزاوي

شكرا لمرورك يابن حزيم

اقتباس:

المشاركة الأصلية كتبت بواسطة الادعاصم@ (المشاركة 453927)

يالله حيك ياشمري في محل عتيبه
ياحاكم الغنامي رحب بترحيبة عتيبه ( ارحبوا ) مهيب لنا

شكرا ومقصرت يالغالي ولنا الشرف بزيارتكم ياطويل العمر

اقتباس:

المشاركة الأصلية كتبت بواسطة ابن مشيب (المشاركة 453946)

الله يحييك ياعبدالمجيد من ممشاك ليا ملفاك , والله يطول عمر الشيخ ماجد ابالعلا ويستاهل العلم الغانم , وماقصروا الاخوان وضحولك الطريق المؤدي لموقع مقر الملتقى , واسال الله ان يحفظك ويحفظ الجميع في ذهابكم ورجوعكم من ملتقى عتيبة

تحياتي

حضورك هنا فخر لي ويكفيني يابعدحيي وزيارتي لكم خصيصا لها واقع خاص في نفسي لاني والله اعزكم ياعتيبة

اقتباس:

المشاركة الأصلية كتبت بواسطة الرويس 999 (المشاركة 453990)

اخوي الشمري

حياك الله ومرحبا بك في ديار عتيبه
ودام معزبك ابا العلا فأنت في ضيافة شيخ والكلام يقصر عنه
ونعم الضيف ونعم المعزب

لكن مانسمح لك ماتزور باقي مخيمات عتيبه ويتشرفون بك
وترى لكم معزه وغلا عندنا زايد عيارها عن باقي الناس

وجواباً على سؤالك

عندك عدة طرق

الاول تفرق من الخط السريع من عند عفيف وهذا خطر وما انصحك به

الثاني تفرق له من جهة كبري الرويضة قبل القويعية
ومع الكبري تروح يسار
وتنزل على عروى ثم الشعراء ثم من عند المحطة تروح يمين متوجه للدوادمي
ثم تطلع على الدوار وتتوجه يمين للمحمدية

الثالث تفرق له يسار من عند مزعل قبل القويعية
وتطلع على الحفيره ثم يعترض عليك االخط السريع
وتروح يمين وتصير الدوادمي وراك وتتوجه للمحمدية

الرابع تتعدى القويعية ويجيك كبري لبخة وحويته
وتروح يسار مع الكبري وتصير النفود يسارك
واذا تعديت الطويله بيجيك خطين ( مثلث ) يمين لشقراء ويسار للدوادمي

اما تروح يمين وتطلع على الخط السريع قبل شقراء من عند مزارع فنجال الشيباني وتصير المحمدية يسارك

او تروح يسار وتطلع على مزارع الروسان ( مركز القرنه )
وبعد المسجد تدخل يمين على شارع سيدسن فيه نخل
وتصير المحطة يسارك وقصر الشيخ بن جامع ابو قبب يسارك

وتستمر لين تطلع على محطة العصيمي على الخط السريع ثم توجه يمين للمحمدية

وطريق لبخة وحويته مزحوم جدا وحاول ترفق وانا اخوك

واذا وصلت لموقع المزاين بتشوف لوحة السوق الشعبي

قبلها بتشوف على اليسار مخيم كبير وخلفه حوالي 500 خيمة للضيافة

هذا هو مخيم الشيخ ابا العلا

لكن وصيتي لك وانا اخوك انك تمشي في النهار
وهذي طلبه مني لك ووصاتي لك

بيض الله وجهك بيض الله وجهك بيض الله وجهك

اقتباس:

المشاركة الأصلية كتبت بواسطة زياد المغيري (المشاركة 453993)

صح لسانك

ياعبدالمجيد

وحياك الله نتشرف بحضورك انت ومن معـــــــك

وقبيله شمر قبيله عزيزه على قلوبنا

وياهلا ومرحبا فيك

صح بدنك وزيارتكم شرف لنا لأنكم قريبين لنا في أشياء كثيرة والدليل ياابن الهيلا اسأل أي شمري عندما تضيق فيه سود الليالي اذا مافيه أحد من عيال عمه شمر دور على أي عتيبي والله أننا نفتخر بكم ياعتيبه

صح لسانك

وبيض الله وجهك

وانشا الله الاخوان افادوك في الخط

تحياتي .... :)

اقتباس:

المشاركة الأصلية كتبت بواسطة حاكم الغنامي (المشاركة 454019)

كلكم عينان في رأس وعلى راسي من فوق والمقصد ترحيب وعلى نفسي مثل البرد عسى الله يطول بعماركم وهذي حبة لخشومكم بس لاتزعلون من بعض