راعي الطيب دامت عاش والامات=يذكر بطــيب فـاولـها وتالـيها
صلـو وسلـمـو عـلى شفــيـع بات=يعـبـد الله وفـروضـه يصليها

ياسلامي على عتيبة هل الوقفات=لابة ٍ يمدحون النـاس طاريهـا
كل ماخذت ليّـه بالبلـد سجـات=شفت نور الحقيقه كيف ابا اخفيها

مرحبا جيتك في أسعـد الأوقـات=والرجـال البواسـل مانعاديهـا
هات ماعندك من علوم عجل هات=والجبال الله سبحانـه مرسيهـا

البقا والرجال اللي لهم عـادات=لو تشيـن الليالـي ماتخليهـا
كل رجل ٍ له افكار ومعه نظرات=لكن افكار بعض الناس وش فيها

العوارف تراهم فاالأصل سادات=سادت العرف لازم تعترف فيها
دايم أفكارنا تبني شتات الذات=أستفيد أنت منها وستمع فيهـا

والنعم في عتيبه تنطـح الهيـات=مـار الايـام لاتامـن تواليـهـا
لو تكبون حاجه من بعض حاجات=مطيب افكاركم واللـي يجاريهـا

وش قبيلتك دامك ترفع الرايـات=والقبايـل نحددهـا باساميـهـا
وشهي الحاجه أعلنها وهات أثبات=وأن عجزت أنت كاتبها وقاريهـا

من بني وايل اهل العز والطولات=وانت تدري بحاضرها وماضيها
كل واحد بنفسه شايف ٍ شوفات=هذي العله اللي كيـف اداويهـا

والنعـم فيـك ياالوايلـي هيـهـات=ســمــــعـت الـــوايـلـي كــل يطريـهـا
ماش أحد حاقر نفسه في بعض أوقات=الطبيعـه طبيعـه كيـف تمحيـهـا

ماعلى الناس زود ولابهم شكات=مايحوش المراجل غير راعيهـا
حاقر النفس ماهو واصل الغايات=لكن اهل الوفـا لابـد توفيهـا

راعي الطيب دامت عاش والامات=يذكـر بطيـب فاولهـا وتاليهـا
صلو وسلمو على شفيـع بـات=يعبـد الله وفروضـه يصليـهـا