يالمعتصم بالله شاب القاف يارجال شاب=من يعتصم بالله ماهمه بروز ولاظهور
من لايقـدم خـير يارجـال لايرجـي ثواب= يامكثر العميان تال الوقت تحسبهم صقور

سلام ياهل الحله اللي ذكرها فوق السحاب=حلة عتيبه هم هل الهيبه على مر العصور
أبا بدع المحراف مع ربعي وحاسب للحساب=واللي يبا يوغي معي يلقا الوفا بلاقصور

يا مرحبا بك بالنيابه عن عزيزين الجناب=فالحله اللي جمّعت سرحان مع سبعٍ هصور
يالزايدي هات السؤال وعندنا تلقى الجواب=واللي يقدم طيبه اله الوفا منـا محصـور

دام البقا بالشاعر اللي لايذل ولا يهـاب=والسبع سبع اله مواقف لاتلف ولاتـدور
أمنيت العتبان ياشاعر بديت أنت الخطاب=المعرفه بين الرجال اللي لها قدر وحضور

القافيه يالزايدي غيرتهـا يابـو الشبـاب=لكن ابا اسايرك وامشي وانت مانته بمعذور
انا عتيبيٍ من الهيلا على الجانـي عـذاب=ويالزايدي للصاحب الوافي نزيد النور نور

القافيه يارجل مافيها عدال ولاخـراب=لاتعتذر بعذار يارجال قـدام الحضـور
والنعم بك لكن زودني بعنوان الكتـاب=أنا ترى ياالاجودي ماحب تعقيد الامور

اجل تعال اعلمك يا صاحبي درب الصـواب=وابا انشدك يالزايدي انته من ايات الطيـور
هو انت حرٍ ماكره يا صاحبي روس الهضاب=والا كمـا هـذاك دايـم ينعتونـه زور زور

الفارس اللي فالمعارك يـدرج فـوق الركـاب=والسيف الاملح في يده وبحوزته رخصة عبور
هو حر يدمي مخلبه لاتحسبـه مثـل الغـراب=والا لبدك تحسبه مثـل العجـل دايـم يخـور

ملامح الفارس تبين ونعرفه بيـن الحـراب=والزايدي ما همني يزعل ويرضى ثم يثـور
اخذ النصيحه يا ولد ثم شيل عفشك والزهاب=ان طعتني يالزايدي اهديت لك باقة زهـور

يالمعتصم بالله شاب القاف يارجال شاب=من يعتصم بالله ماهمه بروز ولاظهـور
من لايقدم خير يارجال لايرجـي ثـواب=يامكثر العميان تال الوقت تحسبهم صقور