| معجب العتيبي |
03-Jan-2008 09:15 PM |
ناصر المرشدي
سـلام رديـةٍ منّـي تـعـم الجمـيـع=ماهيب لحد اعن احد ماهيب لحد اعن احد
ياسارح البال ابا خذ معك قافـن سريـع=خلك معي مستعـد خلـك معـي مستعـد
سارح البال
يامرحبا قلتها والبال معكـم وسيـع=شوفتكا فيها سعد شوفتك فيها سعـد
السرعه تسبب الحادث ويصبح شنيع=هات الخبر ياولد هات الخبر ياولـد
ناصر المرشدي
ماكنت احسب الهقاوي في دقيقه تضيع=وانا حسب انك سند وانا احسبنك سنـد
في غيبتي كم واحد سل سيفـن بتيـع=وانته تشوف وتصد وانته تشوف وتصد
سارح البال
كلمتك هاذي تشيّب كل طفلٍ رضيـع=اثبت وجيب السند واثبت وجيب السند
لاغبت انا في مكانك سد حامي منيـع=احمي حدود البلد واحمي حدود البلـد
ناصر المرشدي
وداعةٍ ماتضيّعهـا يديـن الوديـع=معجب عليها شهد معجب عليها شهد
يوم اني اعاتبك خابرك قرم وشجيع=لكن ليتـه رقـد لكـن ليتـه رقـد
سارح البال
امنت باللي خلق ربٍ عليم وسميـع=ياللي تزود العقد ياللي تزود اعقـد
ياللي خلطت السوالف والاذاعه تذيع=ليته توضا وسجد ليته توضا وسجد
|
