يا نايف الهمه ماهو الحق والواجب تحذف مشاركتي وتكمل على الابيات اللي بعدها
تحياتي لك
أخوك ـــ مهنا الدلبحي

سلاام يا عتاااابه ...... سامحوني على الغياب ....

اللي بعدي حاول تكتب في الفزعه
ولاهنتوواااا جميعا

لاهنت على هالموضوع ياولد ذايب..
ونريد ان تخرج القصيده بقدر مانستطيع في اجمل صوره..

ملاحظه
البيوت اللي عليها
اللون الاحمر على من قالها ان يعيد النظر في وزنها
ويقوم بالتصحيح ... ولا ستحذف من المشاركه
مع محبتي وتقديري واحترامي للجميع..
تحياتي


حنا عتيبة مصدر الطيـب منـا = تعرف جميع القوم منهم عتيبـة
اهل الفعول ان كان قلنـا فعلنـا = حنا سوات الموت سلطة وهيبـة
نبطش بحد المرهفـات المسنـا = ونغير فوق المكرمـات الاديبـة
وندق زير الحرب والجموع اقبلنا = عدونـا نسقيـه مـر الغليـبـة
حنا عتيبـة انشدواالقـوم عنـا = الورع منا معروفـة مضاريبـة
ذباحة الحايـل سعـوط المجنـا = اهل السيوف المرهفات العطيبـة
كم شيخ قومـا فالملاقـا زبنـا = نحميه لو كبرت عليه المصيبـة
ما يـوم لابقنـا ولايـوم خنـا = وخوينا يلقا الصـدور الرحيبـة
والضيف لن ميل فلاحـاد عنـا = يعـرف دروب فيهـا معازيبـة
مال الفخر لو ينتخي غار حنـا = تاج الفخر حنا ولاهـي غريبـة
دون الخوي نشيل هم المعنا = ولجل الكرم نفعل فعول عجيبه
الطيب عادتنا من اجله بذلنا= نجيب شي ٍ غيرنا ما يجيبه

لاهنت على هالموضوع ياولد ذايب..
ونريد ان تخرج القصيده بقدر مانستطيع في اجمل صوره..

ملاحظه
البيوت اللي عليها
اللون الاحمر على من قالها ان يعيد النظر في وزنها
ويقوم بالتصحيح ... ولا ستحذف من المشاركه
مع محبتي وتقديري واحترامي للجميع..
تحياتي
منقول من مشاركة مرزوق العتيبي

حتى يتم تعديل الابيات وهذا هو المطلوب
ودي احد البيتين يامرزوق يتغير برضه
ذباحة الحايل كررت مرتين احدكما يعدل عن الاخر

ياقشر حظ اللي طمع في ظعنا.... وياطيب حظ اللي يصيح ونجيبه

لاهنت يانياف على التنبيه
وتم التعديل ...

ابد غيرو بيتي بما يروق لكم ..

تراني ابتليت الشعر بنفسي ..

بس ماتشوفون القصيده راحت كلها مدح .. وبعضه مكرر تروح القصيده وترجع ..


تحيتي

الله لايهينكم جميعاً ولا نختلف في كلامك يامرزوق
بما اني راعي الموضوع (واحد شايف نفسه ههههه)
انا اللي راح اعدل لو سمحتوا والله يخلي لي اصحاب البيوت اللي فيها خلل لايزعلون علي
(شكلك يامرزوق تبي توهقنا ههههههه)

القصيدة هي
حنـا عتيبـة مصـدر الطيـب منـا = تعرف جميـع القـوم منهـم عتيبـة
اهـل الفعـول ان كـان قلنـا فعلنـا = حنا سوات المـوت سلطـة وهيبـة
نبطـش بحـد المرهفـات المسـنـا = ونغيـر فـوق المكرمـات الاديـبـة
(لادق زير الحرب صفٍ كملنا )) = عدونـا نسقـيـه مــر الغليـبـة
حنـا عتيبـة انشدواالـقـوم عـنـا = ((الورع منا ينذكر لاجل طيبه ))
ذباحـة الحايـل سـعـوط المجـنـا = اهل السيـوف المرهفـات العطيبـة
كـم شيـخ قومـا فالملاقـا زبـنـا = نحميه لـو كبـرت عليـه المصيبـة
مـا يـوم لابقنـا ولايــوم خـنـا = وخوينـا يلقـا الصـدور الرحيـبـة
والضيـف لـن ميـل فلاحـاد عنـا = ((يعرف دروب العز من غير ريبة))
مال الفخر لـو ينتخـي غـار حنـا = تـاج الفخـر حنـا ولاهـي غريبـة
دون الخـوي نشيـل هـم المعـنـا = ولجل الكـرم نفعـل فعـول عجيبـه
الطيب عادة لاجلها كم بذلنا = نجيـب شـي ٍ غيرنـا مـا يجيبـه
ياقشر حظ اللـي طمـع فـي ظعنـا = وياطيب حظ اللـي يصيـح ونجيبـه
عقـال لـكـن لازعلـنـا جهلـنـا = عدونـا يـوم الطرادانعـثـي بــه
راح ابدا ببيت مرزوق بما انه صاحب فكرة التعديل
البيت كان
الطيب عادتنا من اجله بذلنا = نجيب شي غيرنا مايجيبه
التعديل هو
الطيب عادة لاجلها كم بذلنا = نجيب شي غيرنا مايجيبه

والقصيدة عدلتها واللي عنده اضافة يتفضل
ومرة اخرى اقول الله لايجيب الزعل
وشكراً على مروركم