عبد المجيد العطاوي ................. حياك الله.

[نوآف الغنامي]

عبد المجيد العطاوي .....

لي الشرف باللعب معك ...






الا يا صاحبي عبد المجيد الليل لا تسريه = انا ليلي وليلك سرمــــــدي والنار مشبوبه
وانا بنشدك يارجال ويش اللي تبا تسويه = عقب ما جابك الله في يدي والنار مشبوبه

..

[عبدالمجيد العطاوي]

ليا منّا ذبحنا اللعب وش اللّي نبا نحييه=اقول الدرب خلّه مقتدي .. والنار مشبوبة
ياويلك كان تدري ويش انا يالأجودي ناويه=لكنّ خلّك مع الناس اجودي .. والنار مشبوبة

[نوآف الغنامي]

الله الله



الا ياصحابنا هذا زمان(ن) خارب(ن) تاليه = زمان(ن) للاوادم يجهدي .. والنار مشبوبه

ترى ماطار فرح البوم يارجال لو ترميه = وما ياصل مواصـــيل الجدي .. والنار مشبوبه

[عبدالمجيد العطاوي]

هذا وقتٍ من الانعام والأسقام فيه وفيه=غدوا فيه المخاليق اطردي .. والنار مشبوبة
وانا اقوللك فرخ البوم والله ماكسب راميه=لو انّ البوم صار المعتدي .. والنار مشبوبة

[نوآف الغنامي]

الا ياللي تناضر فالعطاوي كم تبا تعطيه = اضـــنه ما عرف كيــــف يعدي .. والنار مشبوبه

وانا بنشدك وش تبغى بعود(ن) مات , من يرجيه = وانا والله ما قول انه ردي .. والنار مشبوبه

[عبدالمجيد العطاوي]

عطوه اجابةٍ لامنّه اوحاها ابى تشفيه=حتّى ما اجيب له كلّ جهدي .. والنار مشبوبة
ليا صابت ظنوني ..! شايبي ربّ الملا هاديه=ومن كبّه نصيبه مرتدي .. والنار مشبوبة

[نوآف الغنامي]

ولا ياصاحبي والعود كل (ن) خابر(ن) ماضيه = جنـــوده ما تقوم وتقعدي .. والنار مشبوبه

عسى الله يرحمه والسامعين تقول ما توحيه = واضن الظالم اللي مبتدي .. والنار مشبوبه

[عبدالمجيد العطاوي]

تهرّج ويش قصّة عودك اللّي عندنا تطريه=ترانا حشمتك ما نتحدي .. والنار مشبوبة
لو انه حيّ والله ياخوّي الصفر ماتفنيه=ولاحدٍ قايللك يابعدي .. والنار مشبوبة

[نوآف الغنامي]

هذا عود(ن) من الحكّام وانته منته بغاويه = يومن المـــزن جا فيه رعدي .. والنار مشبوبه
ومنهو بادي(ن) بالقاف يالشاعر يبا ينهيه = وعسى عين(ن) سهيره ترقدي .. والنار مشبوبه

[عبدالمجيد العطاوي]

اجل فضّ الكلام وذنب هرجك فات , لاتجنيه=بنات الفكر عندك شرّدي .. والنار مشبوبة
نحيّي بادع القيفان بالقيفان ونهنّيه=عسى عينه تذوق المرقدي .. والنار مشبوبة



بيّض الله وجهك ياخيال الصفرااااااا جزل وغير مستغرب منك الجزل

[نوآف الغنامي]

وجهك ابيض ياعبد المجيد

سعدت باللعب معك وشرفني ذلك ...