شاعر المليون ياشعار

[عقاب بن سقيان العتيبي]

سلام الله سلام ماندور عنه تجنيبه=نزفه للكرام مع المعزه والرياحيني
عسى الحافي يفوز وياخذ المليون ويجيبه=ولا ينساك يالهيلا وانا ماهوب ناسيني

[علي خيران العتيبي]

الله الله


هلا يا مرحبا بك بالنيابه عن هل الطيبه= و نبا نلعب على معناك و ابشر فيه هالحيني
ترا الحافي يبا يجيب اللقب و يفرح عتيبه=و ماحد(ن) ناسي الحافي و هو نسل المياميني

[عقاب بن سقيان العتيبي]

حواسيد العوارف يالعتيبي فالها الخيبه=وانا لو لا عتيبه يالعتيبي وش معنيني
يقولون المشاعر غرب مدري غرب عن طيبه=وانا اقول المشاعر في حرمها يالمساكيني

[علي خيران العتيبي]

الله الله
السموحه توني شفت الرد ما كنت بالمنتدى :)


حواسيد العوارف كل علم(ن) هزل تحري به = و عتيبه حقهم يعْنييك و انا اكيد يعْنيني
يقولون و يقولون و لكن في قولهم ريبه = و الحر يكفخ فالسماء و طاير فالجناحيني

[عقاب بن سقيان العتيبي]

صحيح السوق راعي المال يربح به ويشريبه=ولكن تجارة الغشاش تربح بالملايني
هدا الله شايب مايستحي وجهه على شيبه=سلامه مع كلامه جارح صدري وموذيني

[علي خيران العتيبي]

ترا للسوق شرايا و بياعا و توحي به = لكن الغش للشين و عسى الله يعقل الشيني
ترا الشايب هذا علومه تجيب العار و العيبه = و لا هو جارحك و انته من رجال(ن) سلاطيني

[عقاب بن سقيان العتيبي]

شغايا الوادي الواجد تضك السيل بشعيبه=وانا ماودي ان الشعر يوخذ بالمشاعيبي
انا بعطيك علم خلنا نسري ونسريبه=اكيد ان الرجال رجال ستر للرعابيبي

[علي خيران العتيبي]

الا يا صاحبي ضيعت قافك دون تدري به = تقوله ايبي لكن اللعب ايبه مع الايني
عطني العلم يا عقاب و نبا نسولف و نحكي به = و اكيد ان الرجِل ستر المره فالشرع و الديني

[علي خيران العتيبي]

و صح الله لسانك يا عقاب و والله اني استمتعت و استفدت من اللعب معك :)

[عقاب بن سقيان العتيبي]

صحيح الحق معك وصار في شاعرك تغريبه=سهيت ولا غديت وهاك يالشرقي عناويني
وانا مثلك هنيا ضيف في حكمة معازيبه=مخالطني هوا الهيلا يبعدني ويدنيني

[عقاب بن سقيان العتيبي]

شكرا لك ياعلي بن خيران العتيبي

وصح لسانك انت

[علي خيران العتيبي]

الله الله

صح لسانك و والله اني استمتعت معك و استفدت منك :)

[علي خيران العتيبي]

صح بدنك و لنا لقاء اخر انشالله :)