محمد المنصوري لاهنت ..!!!

[ناصر الجلاه]

..




ياسلام الله وانا شاعر واللي دستوري=لو يدور الوقت وظروفه نعيد الكره !!

إزهموا لي ياثبيت محمد المنصوري=يلبس الثوب المغولق والزرار يزره !!

[محمد شبيب السبيعي]

الله الله صح السانك ياناصر

ننتظر محمد المنصوري وصح لسانه مقدما

[ناصر الجلاه]

..

محمد السبيعي

..

صح بدنكـ يامحمد .. حضوركـ كريـــم

لاهنت

..

[محمد المنصوري]

..


مرحبابك لو دورك فالمواقف دوري = ومثل دور العازمي في ساحة المغترة
يامريضي فالعيادة ماتجي دكتوري = لاتخلينا نقص الذاهبه بالجرة

[بجّاد الثبيتي]

الله الله
صحت ألساااانكم

ومتابع معكم على الخط :)

[حاكم الغنامي]

الله الله

صحت الالسن والقلوب

متابع



وووين الغيبه ياناصر


لفت نظر وااخر انذار لك:)

[فايز بن سرحان الثبيتي]

ناصر الجلاه


بيض الله وجهك وصح لسانك


محمد المنصوري



كفو


رائع لابعد مدى

وسام النخبه اللي املكه تراه مقدم لك مني


بيض الله وجهك وصح لسانك


متابع للابداع

[ناصر الجلاه]

..




البقابك والحقيقه ماشهدت الزوري=من تعزوا دون ربعه قلت لله دره !!

لاتقول الشعر شعري والشعور شعوري=كان ضاري بالحلاوه ذوق طعم المره !!

[ناصر الجلاه]

..

بجاد الثبيتي

..

صح بدنكـ يالغاالي .. حضوركـ كريــم على الخط :)

لاهنت

..

[ناصر الجلاه]

..

حاكم الغنامي

..

صح بدنكـ ياحاكم .. حضوركـ كريـــم

هههه لاتهددني ظروف نغيب ونرجع وربك يعين يابوشنب ذكرتني بقول المثل

(جاء عقبه وعقبه ) :)


لاهنت

..

[ناصر الجلاه]

..

ابن سرحان

..

صح بدنكـ يالغااالي .. حضوركـ يشرفني

لاهنت

..

[محمد المنصوري]

...


يابحر تسعين مايخلفك مشي الهوري = وسايقة من تحت موجك مايجيب الدرة
بالقصيد يفوح صدري مثل فوح الغوري = وانت كلك مع بعض مااقول كبر الذرة

[محمد المنصوري]

بيض الله وجيهكم جميعاً على الحضور

وياابن سرحان انت كريم وانا استاهل :)

[ناصر الجلاه]

..



لوتجي فوق الثرى مافوقك ألا زوري=صر علمي وسط قلبك يامحمد صره !!

صيخوا صدر الثبيتي يوم قام يفوري=لاتطق عروق قلبه والسبب من حره !!

[معجب العتيبي]

ههههههههههههههه



الله الله عليكم مبدعين



الجلاه وين الغيبه ماعاد لك شوفه ولاحس



متااااااابع لابداعكم

[محمد المنصوري]

...


لاتقوله وانت قبرك فالثراا محفوري = في هضاب طحي مدري في عبال البره
ليتني مثلك تساوا غيبتي بحضوري = كان بالارسان مااقود الجمال الحرة

[ناصر الجلاه]

..



لو اجامل ضاقوا الحضار من جمهوري=وانت صاحب لو تحيمر عينك المحمره !!

انت خلك في حواري ثبيت تضرب بوري=ماكسبت لربعنا لاحسنه ولاضره !!



الختام عندكـ وصح لسانكـ !

(( سبحانكـ الله وبحمدك أشهد أن لا إله ألا الله أستغفركـ وأتوب إليكـ ))

[ناصر الجلاه]

..

معجب العتيبي

..


صح بدنكـ يابوسلطان الدنيا الله يعين حضوركـ شرفني

لاهنت

..

[عبدالله حبيٌب الزراقي]

الله الله قاف ولا اروع صحت اللسنتكم

وناصر الجلاه مايحتاج تعريف معروف في المنتدى

لكن لفت نظري محمد المنصوري من الاعضاء الجديدين وشفته كذا محاوره ماشاء الله تبارك الله يستاهل الكلام الي قاله عنه ابن سرحان وابن سرحان من الناس الي كلامه مثل الختم


صح لسانك ناصر الجلاه

صح لسانك محمد المنصوري

[معجب العتيبي]

ناصر الجلاه


ياسلام الله وانا شاعر واللي دستوري=لو يدور الوقت وظروفه نعيد الكره !!

إزهموا لي ياثبيت محمد المنصوري=يلبس الثوب المغولق والزرار يزره !!


محمد المنصوري

مرحبابك لو دورك فالمواقف دوري = ومثل دور العازمي في ساحة المغترة
يامريضي فالعيادة ماتجي دكتوري = لاتخلينا نقص الذاهبه بالجرة


ناصر الجلاه

البقابك والحقيقه ماشهدت الزوري=من تعزوا دون ربعه قلت لله دره !!

لاتقول الشعر شعري والشعور شعوري=كان ضاري بالحلاوه ذوق طعم المره !!


محمد المنصوري

يابحر تسعين مايخلفك مشي الهوري = وسايقة من تحت موجك مايجيب الدرة
بالقصيد يفوح صدري مثل فوح الغوري = وانت كلك مع بعض مااقول كبر الذرة


ناصر الجلاه

لوتجي فوق الثرى مافوقك ألا زوري=صر علمي وسط قلبك يامحمد صره !!

صيخوا صدر الثبيتي يوم قام يفوري=لاتطق عروق قلبه والسبب من حره !!



محمد المنصوري

لاتقوله وانت قبرك فالثراا محفوري = في هضاب طحي مدري في عبال البره
ليتني مثلك تساوا غيبتي بحضوري = كان بالارسان مااقود الجمال الحرة


ناصر الجلاه

لو اجامل ضاقوا الحضار من جمهوري=وانت صاحب لو تحيمر عينك المحمره !!

انت خلك في حواري ثبيت تضرب بوري=ماكسبت لربعنا لاحسنه ولاضره !!