المساعد الشخصي الرقمي

مشاهدة النسخة كاملة : ماعندي حميه

النفيعي999
15-Jan-2009, 06:13 PM
سلامن عليكم


ماشي بموترك الصبح في امان الله وحفظه .وقفت عند اشاره مروريه .. مادريت الا بصوت القزاز الي يدق .. تلتفت على يسارك وتحصل حرمه عجوز .. الجوع والفقر اهلكها .. مدت يديها لك للحاجه .. ماتطلب الكثير .. راضيه بريال ولا ريالين .. يمكن لو عطيتها عشره تبكي من الفرحه
تناظر فيها انت منقرف .. ومنزعج من الريحه .. وتصك قزازة موترك وتهاوش وتقول ... الله يقلعهم ويفكنا من غثاهم شحادين نصابين

وش اقدر اقول عن هالرجال

رجعت لبيتك الظهر تغديت وصكيتها لبن لين اذان العصر عقب ماصليت فرضك .. جلست تقلب بالتلفزيون .. مآسآي ومجازر وقتلى بالكيلو
اخوان لك بالدين يقتلون ويغتصبون ويهانون وانت حتى دمعه مانزلتها .. عقب ماشفت كل المشاهد ذي .. نزل اعلان بنفس القناه عن التبرع لاخوانك في فلسطين .. تبرعو بماتجود به انفسكم
انت يوم طرو التبرع .. على طول غيرت القناه .. وقلت في نفسك ماعندي دراهم تكفيني خلو التجار يتبرعون لهم .. ولا تقول حنا وش دخلنا فيهم الدعاء الدعاء احسن واوفر


وذا بعد وش اقول عنه


جت حزة عصير تتقهوى انت واهلك في مجلسكم شوي والا جرس الباب يرن .. ويوم طلعت الا ذاك جاركم .. نفس قبيلتك بس من فخذ بعيد عنك .. مد لك يمناه وسلم عليك وعطاك كرت عرس ولده الليله .. انت اخذت الكرت بانزعاج .. دراهمك ماتكفي .. والرجال يبي عانيه عالاقل 500 ريال ..وانت مستكثرها وتردد في نفسك .. اللي دفع تكاليف عرس ماهوب مغنيته 500 ريال .. خلني احفظها لي اصرف
وحضرت وتعشيت مع الرياجيل ولامديت عانيتك



ولهالحين محتار فيك وش اقول عنك



اخر الليل عقب ماعبيت كرشك من الشحمان ولحقتها بكاس شاهي .. الريموت في يدك ويجي برنامج شعري انت عاد من متابعين الشعر ..جلست تناظر الا ذاك الرجال الي قصيده ماشاء الله .. يبيض الوجه .. واثره من ربعك وقبيلتك .. عقب ماخلص قالو صوتو وافزعو لبني عمك .. تكفون ياربعي لاتخلونه تكفون الرياجيل لاتفوز علينا .. تكفون فلان نخاكم ياعريبين الجدود فلان شرفنا ومثلنا ومانخلي اللجنه تضحك عليه

وانت صكتك الحميه لين نخاعك .. واستلمت جوالك تصويت تصويت .. وسرا ليلك وانت بجوالك تصوت وتصوت
ومن بكره سوو حفل دعم .. الا انت بينهم ودافع اللي موفره لاهلك وعيالك .. كله عشان فزعة ولد عمك

وش اقدر اقول عنه ساعدوني يالربع ؟


خلاصه السالفه



خابر ان هروجي واجد .. بس والله عيب ياريجيل علينا
وجيهنا مليانه شعر .. وروسنا حيه .. وحميتنا ماتميل .. وطيبنا متعدينا ..؟

كم عتيبيه استفزعت .. يافي ايجار بيت .. ولا في دين ولدها .. ولا في كسوه عيالها وثلاجة بيتها

والله عيب علينا .. يوم نرد الضعيف اللي يشحد عالاشاره .. ولا فكرنا في ربنا ولا استحينا من انفسنا

والله عيب علينا يوم يعزمونا عيال عمنا ونحضر ولا نعينهم
نتعشى معهم ولا نفزع لهم .. ونحطها في مخابي المصريه والزيدي

والله عيب علينا يوم ندفع ريال واحد وندري ان حنا مضحوك علينا


خابر ان الحميه فيكم زايده .. بس الغلط وين توظفها

خابر ان بعضكم بيقول ذا رخمه مافيه خير و انا احب الدراهم

اي بالله اني رخمه ماخليت احد يضحك علي

اي بالله انا رخمه يوم خفت من ربي وحفظت الدراهم الي بيسالني عنها ربي يوم القيامه

اي بالله رخمه يوم اني اشوف العتيبي مسجون في دين ولا عجز ولا عيال العتبان مايلقون عشاهم وانا وسيع وجه اهايط واصوت واتبرع


تحياتي
سلطان الشمال
15-Jan-2009, 07:06 PM
كلام عين العقل وفي محله جزاك الله الف خير
** أبو ندى **
15-Jan-2009, 07:14 PM
النفيعي

بيض الله وجهك

هذا الكلام السنع

انشهد انك كفيت ووفيت ...

وبعدين اللي يكتب بالمنتدى ويقول انا ابي اصوت لفلان

الظاهر انهم مايصووتون بس قول بدون فعل ..


وانت اكبر من الكلام ذا وكان بودي انك ترفعها ..

اي بالله رخمه يوم اني اشوف العتيبي مسجون في دين ولا عجز ولا عيال العتبان مايلقون عشاهم وانا وسيع وجه اهايط واصوت واتبرع


راسك مرفوع نفداك ..


وهذي الحمية يابن العم ...


اسجل اعجابي بشخصكم..
نزهان الروقي
15-Jan-2009, 07:53 PM
ذيبان يانفيعي انشهد إنك ترد البل




بيض الله وجهك



ارفع لك عقالى تعبيرا عن إعجابي الشديد
النفيعي999
15-Jan-2009, 08:31 PM
بيض الله وجيهكم ياراعين الاوله

ماهي غريبه عليكم والطيب انتم منبعه
ابو قطيم
15-Jan-2009, 08:48 PM
اتمنى انك تنقلها لمنتديات جميع القبائل لتعم الفائدة وانت ان شاء الله مأجور
أبو مصلح 511
15-Jan-2009, 09:09 PM
والله كفوا وانا اشهد انك جبت علوم الرجال




الله يبيض وجهك









تحياتي
مشاري
15-Jan-2009, 10:48 PM
كلااااااااااااااااااااااااااام في محله
\

تحيتي لشخصك
عارف الشلاحي
15-Jan-2009, 11:03 PM
بيض الله وجهك

على هالكلام الجميل المفيد يالنفيعي

نعم ارفع العقال تحية لشخصك الكريم

وان دل هذا على شيء فإنما يدل على حسن تربيتك

تقبل مروري حفظك الله
رمح برقاا
16-Jan-2009, 01:51 AM
الله يعافيك يا النفيعي على موضوعك

وبيض الله وجهك على كل كلمه قلتها
النفيعي999
16-Jan-2009, 09:00 AM
ناشد المواطن عبدالله بن غازي العتيبي أهل البر والإحسان مساعدته في علاج شقيقته ( 44عاماً) وأم لتسع بنات والتي ترقد في العناية المركزة بمستشفى الملك فيصل التخصصي بالرياض لأكثر من ثمانية أشهر دون حراك والتي تحتاج إلى العلاج بأحد المستشفيات الألمانية حيث يتوفر لدى مستشفى "كلينكوم باد هير سفيلد" علاجها ويقول المواطن عبدالله أدخلت اختي المستشفى يوم 29فبراير 2008م وهي تعاني من تصلب جانبي ضموري لأكثر من أربع سنوات وتم تنويمها بسبب ضعف متعمم متزايد كما أصيبت فيما بعد بقصور تنفسي حاد حسب التقرير الصادر من مستشفى الملك فيصل التخصصي والذي بسببه أدخلت وحدة العناية المركزة (تحتفظ جريدة الرياض بنسخة منه) وحيث إن علاجها غير متوفر بالمملكة وتحتاج إلى نقل لعلاجها بألمانيا حيث يتوفر علاجها هناك حسب التقرير الصادر من المستشفى المعالج بألمانيا مستشفى "كلينكوم باد هير شفيلد" كما أفاد المستشفى ان العلاج يتكلف أكثر من (900.000) تسعمائة ألف ريال، السيد عبدالله أخو المريضة الذي أكد عجزه وعجز عائلته عن توفير مبلغ العلاج يأمل من أهل الخير معالجتها لتعود إلى بناتها التسع وهي سليمة بإذن الله لترعاهم بعد شفائها، إما بتأمين المبلغ أو التكفل بتسديد رسوم العلاج للمستشفى وللتواصل الاتصال على أخ المريضة عبدالله جوال رقم: 0598506508.

http://www.alriyadh.com/2009/01/15/img/131696.jpg


http://www.alriyadh.com/2009/01/15/article402221.html


وينك ياعتيبي
وينك ياراعي الفزعه
وينك ياراعي الحميه
وينك يانسل الشيوخ
وينك ياطيب الفعل
وينك ياراعي الدراهم
وينك يامقتدر وفاهم


نبي نشوف منه راعي الحميه الي دفع 4000 بطاقه ولا دفع 100000 ريال عشان يحطها في جيب نشوى ولا في مخابي زيدون الزيدي


هنا تبان مواقيف الرجال
هنا تبان الحميه
رايد الهديبي
16-Jan-2009, 10:25 AM
بيض الله وجهك


ياذيبان


وتقبل مروري
عتيبي للابد
16-Jan-2009, 12:10 PM
بيض الله وجهك يا الذيب
الله يهدي الشباب اللي يصوتون للبرنامج المشبوه بدون داعي
و انشاءالله الشعار عارفين هذا الشي و لا يطلبون التصويت لجيوب نشوة و ربعها


ارفع عقالي لشخصك الكريم
وفقك الله
المـــرشدي
16-Jan-2009, 12:40 PM
جزٍآك اللـــــه خيــر وهذ1 الكلآم ولا بلآششش
.
.
.
.
واشكرٍك على نقـل مشكلــه ولد عمنـــا الموآطــن عبداللـه العتيبـــي..


لك جميـع الشـكر على هذ1 المـوٍضوٍع
ابن صنهوت
16-Jan-2009, 01:21 PM
بيض الله وجهك والله يثيبك على هالكلام الطيب

الزبده والله انك وافي
تقبل تحياتي وتقديري لك ياذيبان
مزيد العصيمي
16-Jan-2009, 01:52 PM
الله الله

على الكلام الصيحيح واللي يجمل راعيه


تسلم لا عدمناك

والله يشفي اخت عبدالله ان شاءالله

وياقفون معه مطانيخ عتابه ... والكل مانهم مقصرين ان شاءالله
النفيعي999
20-Jan-2009, 04:49 PM
لاغريب الطيب على عتيبه

بيض الله وجيهكم
عبدالله هادي ناشي الفليت.
20-Jan-2009, 07:02 PM
وينك ياعتيبي
وينك ياراعي الفزعه
وينك ياراعي الحميه
وينك يانسل الشيوخ
وينك ياطيب الفعل
وينك ياراعي الدراهم
وينك يامقتدر وفاهم


نبي نشوف منه راعي الحميه الي دفع 4000 بطاقه ولا دفع 100000 ريال عشان يحطها في جيب نشوى ولا في مخابي زيدون الزيدي


هنا تبان مواقيف الرجال
هنا تبان الحميه

جزاك الله ألف ألف ألف خيرررر
وانا اشهد انك شيخ وولد شيخ..
وباين من كلامك راعي حكمه وادب واخلاق و ماشاءالله عليك....


وانا اناشد الاداره

ارجو التثبيـــــــت الموضوع



تحياتي لك
عبدالله هادي ناشي الفليت.
فاهم بن العتيبي
20-May-2009, 08:01 PM
كلام في الصميم يالنفيعي
ابن طامي
20-May-2009, 08:17 PM
بيـض الله وجهـك .. يالنفيعي .. كلام فالصميم


قـلتها من شيء واقــع ولاجبت من خــيال



اي بالله غــبينه تشوف لك عتيبي عنده ديون ومسجون عشانها , وانت تقــوم تصوّت للقنوات الشعـريه .. وفالأخير تخسر فلـوسك والرجال اللي تصـوت له .. لا فـاز ماهو معـطيك منها شيء , لو انك مخليها في سبيل الله , ولاّ عطـيتها للمسجون والمحـتاج , احسن لك .. واجـرها عند الله كــبير


’’,,


والختـام أقـول , سامحنا على المداخـله .. والله يبـيض وجهـك

ولاهنـت ..

.
ابو محمد الدعجاني
20-May-2009, 08:25 PM
مشكور يالنفيعي وبيض الله وجهك .

واظيف نقطه ليكن شاعرنا في هذا المنتدى :

اذا التصويت حميه وفزعه ترانا مافينا حميه ولا فزعه في اي تصويت باي مسابقه شعريه .


شكرا لك