فهيد مقعد الرويس
01-Jan-2009, 09:30 AM
اليكم بعد السلام عليكم قصيده وصلتني من نادر النمر ورديت عليها عسى ان تنال شي من الاستحسان
يافهيد لاتنشد عن الحال يافهيد = ناظر غيابي / كل ماله يزودي
كني أنا في حيد ,, والناس في حيد = بعدت حتى صرت بــ ( أقصى ) الحدودي
لو كنت لاراضي .. ولا محصل ٍ فيد = إلآ .. مشاريه ٍ بـ ( صدري ) قعودي
من جد ( ياكم لي ) .. وأنا أعيد وأزيد = علمت لين اليوم باحت سدودي
اللي ذبحني بالوله أتلع الجيد = اللي من عيونه إلين الخدودي
أغيب كلي وأخذ شوي وأعيد = وأرجع أغيب شوي وأصحى وأعودي
وإليا قرب مني وجاله تناهيد = ولديت عيني يم غض النهودي
أغيب أنا وياه ونرروح تأبيد = والعقل يفقدني ويفقد وجودي
هذي 3 سنين بالضبط تأكيد = على النقى حبه يذود ويجودي
هذي 3 سنين بالضبط تحديد = محبة ٍ بـ ( أسمي ) ورمزي وكودي
مصيونه ٍ ماشافها زيد وعبيد = بنت الشيوخ معربين الجدودي
واليوم من دون العلاقه مقاريد = مابين عذال وحقود وحسودي
ولن كان تبغى الصدق ياابن الاجاويد = أنا أختلف جوي / وشكلي / ومودي
يافهيد فيني جابت العيد يافهيد = اللي غلاها كل يوم ٍ يزودي
المردود
من يوم نادر سندا لعلم تسنيد=يمي فلالي عن جوابه صدودي
اختصني من دون كل الاواليد=وانا معه بابذل جميع الجهودي
ماحيدعن لازمك يالنمر ماحيد=وعقّب شنب من لاوفابالوعودي
وهجوس فكري حضّرت للمراديد=ومنّي حسب علمك تجيك الردودي
مال الشدايديالنمرغير صنديد=مثلك عليه الكايده ماتكودي
اصبر وتال الصبر قالوتحاميد=راح الكثير وبأذن ربي تعودي
تعودبعد انك تنول المقاصيد=يم السعوديه مرب السعودي
وشكيت لي من حب عليايابوزيد=والحب يانادر يفت الكبودي
حب الشرف ماينذكربه مناقيد=لكن اله ميثاق سلم وعهودي
كانه معك صادق ظبي الافاريد=لايشحنك راع الحسد والحقودي
ناسً على قولك يانادر مقاريد=لعلهم في مظلمات اللحودي
نبي نشرد حزب الاعوان تشريد=وتحل بامر الله جميع القيودي
لكن وين ديار منتوقت الجيد=ارسل عليه باقيات البنودي
ولاعاد ليه عقب علمك مقاعيد=حتى نفرح خاطرك بالعنودي
الي عليها غاديلك تناهيد=نجيبها بالجاه والاالنقودي
ان قاله الله رغم كل الحواسيد=وتعيش مع جو السعاده ركودي
هذا جواب فهيد واقبل من فهيد=ازكا تحيه من عبير الورودي
واسلم عدد ماغرد الطير تغريد=وماشيفت بروقً وسمعت رعودي
يافهيد لاتنشد عن الحال يافهيد = ناظر غيابي / كل ماله يزودي
كني أنا في حيد ,, والناس في حيد = بعدت حتى صرت بــ ( أقصى ) الحدودي
لو كنت لاراضي .. ولا محصل ٍ فيد = إلآ .. مشاريه ٍ بـ ( صدري ) قعودي
من جد ( ياكم لي ) .. وأنا أعيد وأزيد = علمت لين اليوم باحت سدودي
اللي ذبحني بالوله أتلع الجيد = اللي من عيونه إلين الخدودي
أغيب كلي وأخذ شوي وأعيد = وأرجع أغيب شوي وأصحى وأعودي
وإليا قرب مني وجاله تناهيد = ولديت عيني يم غض النهودي
أغيب أنا وياه ونرروح تأبيد = والعقل يفقدني ويفقد وجودي
هذي 3 سنين بالضبط تأكيد = على النقى حبه يذود ويجودي
هذي 3 سنين بالضبط تحديد = محبة ٍ بـ ( أسمي ) ورمزي وكودي
مصيونه ٍ ماشافها زيد وعبيد = بنت الشيوخ معربين الجدودي
واليوم من دون العلاقه مقاريد = مابين عذال وحقود وحسودي
ولن كان تبغى الصدق ياابن الاجاويد = أنا أختلف جوي / وشكلي / ومودي
يافهيد فيني جابت العيد يافهيد = اللي غلاها كل يوم ٍ يزودي
المردود
من يوم نادر سندا لعلم تسنيد=يمي فلالي عن جوابه صدودي
اختصني من دون كل الاواليد=وانا معه بابذل جميع الجهودي
ماحيدعن لازمك يالنمر ماحيد=وعقّب شنب من لاوفابالوعودي
وهجوس فكري حضّرت للمراديد=ومنّي حسب علمك تجيك الردودي
مال الشدايديالنمرغير صنديد=مثلك عليه الكايده ماتكودي
اصبر وتال الصبر قالوتحاميد=راح الكثير وبأذن ربي تعودي
تعودبعد انك تنول المقاصيد=يم السعوديه مرب السعودي
وشكيت لي من حب عليايابوزيد=والحب يانادر يفت الكبودي
حب الشرف ماينذكربه مناقيد=لكن اله ميثاق سلم وعهودي
كانه معك صادق ظبي الافاريد=لايشحنك راع الحسد والحقودي
ناسً على قولك يانادر مقاريد=لعلهم في مظلمات اللحودي
نبي نشرد حزب الاعوان تشريد=وتحل بامر الله جميع القيودي
لكن وين ديار منتوقت الجيد=ارسل عليه باقيات البنودي
ولاعاد ليه عقب علمك مقاعيد=حتى نفرح خاطرك بالعنودي
الي عليها غاديلك تناهيد=نجيبها بالجاه والاالنقودي
ان قاله الله رغم كل الحواسيد=وتعيش مع جو السعاده ركودي
هذا جواب فهيد واقبل من فهيد=ازكا تحيه من عبير الورودي
واسلم عدد ماغرد الطير تغريد=وماشيفت بروقً وسمعت رعودي