نصيب معجب من اسمه !!!!

[علي فلاح العضياني]

معجب نصيبه من اسمه فالادآب و حسن الاخلاق=لكنّ في فتل بيت الشعر ما يعجب نصيبه
ان كان ما زال في غيبوبة الاوهام ما فاق=اصبح كما المذهب اللي ما عقل ربّي ذهيبه

[مرجح الميزان]

صح لسانك ياعلي وصح لسان معجب العجيب ..!! :)

[قادح شرار]

عطه القاز يا أبو فلاح ...........


صح لسانك ...

معجب صار مجرم ومتمرد تالي الوقت علاك أبه .


وأنا متابع ...

[معجب العتيبي]

ماقرّب الناس للمبعوث رحمه غير مالاق=من زين الاخلاق والاعمال ياشاعر عتيبه

ياللي قضيت الليالي في تعب وهموم وارهاق=لاتحسب ان المناوي ياعلي تدرك غصيبه

[معجب العتيبي]

مرجح الميزان

نورت المحاوره



والعجيب عجيب هههههههههههه



الله يساعدنا على علي

[معجب العتيبي]

يامرحبا ياقادح


القاز طيب هاليومين للبرد وشبة النار هههههههههههه

وص علي ترا يحتاج وصاه ههههه

[السيل-الحافي]

يااااسلام متابع فقط

[قادح شرار]

ههههههههههههههه .

ابتلش علي وأبلش نفسه ...

ألحين ما عاد يدري هو يرد هنا ولا هناك ...

[علي فلاح العضياني]

الله سبحانه المتكفّل بتقسيم الارزاق=كلٍ نصيبه يا بو سلطان فالدنيا يصيبه
انا قضيت الليالي في مجال الشعر عملاق=و انت الك سيره مع الايام يا معجب غريبه

[بدر الكريزي]

الله الله

صح لسانك يا علي ..


و صح لسانك يا معجب .. مبطي عنك يالشيخ ..



متااااااابع

[معجب العتيبي]

تؤمن وفعلك يناقض ماتكنه وسط الاعماق=ياليتهم ياعلي حطوا على الكلمه ضريبه
شهادةٍ فالهوا ماثبتت في صحف واوراق=ادخل على الله ما الحّقها مع الشكات ريبه

[معجب العتيبي]

يامرحبا يابدر


نورت المتصفح


شكرا لك ولك وحشه

[عبدالله بن طلال]

يالربع علامكم متحاشمين على علي

لكن قدها وقدود

ههههههههههه

صح لسانك يابو فلاح

وصح لسانك يابو سلطان

[معجب العتيبي]

والله يابو طلال ابو فلاح هو اللي طالبنا هههههههههههه



الله يستر منه


وشكرا على مرورك

[قادح شرار]

أعزائي أعضاء وزوار منتدى الهيــــلا ...

يعتذر شاعرنا الكبير علي العضياني عن إكمال المحاورة ... بسبب الأتصال السي والمتقطع لديه .


والجايات أكثر بأذن الله .


تحياتنا لكم .

[ذياب العصيمي]

تؤمن وفعلك يناقض ماتكنه وسط الاعماق=ياليتهم ياعلي حطوا على الكلمه ضريبه
شهادةٍ فالهوا ماثبتت في صحف واوراق=ادخل على الله ما الحّقها مع الشكات ريبه


,

,,

الله الله الله

شهادةٍ فالهوا ماثبتت في صحف واوراق=ادخل على الله ما الحّقها مع الشكات ريبه

صح السانك يامعجب حتى ترضا

مودتي

أخوك

,,

,

[معجب العتيبي]

ذياب العصيمي


شكرا لك


شهاده غاليه

وكلماتجميله


لكن ابو فلاح مافيه حيله

[سامي الدلبحي]

مافيك حيله يابوسلطان

[معجب العتيبي]

مشكور ياسامي

[معجب العتيبي]

علي فلاح العضياني

معجب نصيبه من اسمه فالادآب و حسن الاخلاق=لكنّ في فتل بيت الشعر ما يعجب نصيبه
ان كان ما زال في غيبوبة الاوهام ما فاق=اصبح كما المذهب اللي ما عقل ربّي ذهيبه


معجب العتيبي

ماقرّب الناس للمبعوث رحمه غير مالاق=من زين الاخلاق والاعمال ياشاعر عتيبه

ياللي قضيت الليالي في تعب وهموم وارهاق=لاتحسب ان المناوي ياعلي تدرك غصيبه


علي فلاح العضياني

الله سبحانه المتكفّل بتقسيم الارزاق=كلٍ نصيبه يا بو سلطان فالدنيا يصيبه
انا قضيت الليالي في مجال الشعر عملاق=و انت الك سيره مع الايام يا معجب غريبه


معجب العتيبي

تؤمن وفعلك يناقض ماتكنه وسط الاعماق=ياليتهم ياعلي حطوا على الكلمه ضريبه
شهادةٍ فالهوا ماثبتت في صحف واوراق=ادخل على الله ما الحّقها مع الشكات ريبه