طاروق تحدي للجميع.....والوعد قااااام

[ابراهيم الزراقي]

ياعتيبه لايروح الذيب من صيد الذيابه= افزعوا يااهل الحميه كلن بحاله وماله
اجمعوا كل السرايا والفصايل للحرابه=والوعد قدام والرجال مايترك مجاله

[مرجح الميزان]

ما يهاب الذيب يبراهيم دام الناب نابه=ولا يبا منا وصيه حيلته من دون حاله
وان سلم من مكرة الثعلب يبا يحمل كتابه=باليمين .. ولا تطير قوة العجه عقاله

[ابراهيم الزراقي]

حياك الله يامرجح الميزان....واستلم



ياحليلك ياحليلك فالقرايه والكتابه=مادريت ان العرب كلن على الجمه حباله
انت وينك يوم كان البرق يبرق في سحابه=والله ان الحمل يارجال معروفه جماله

[مرجح الميزان]

أحمد الله وأشكره بيت الجهل مقفول بابه=يوم بعض ناس ساكن فالجهل غرفه وصاله..!!
والحكيم اللي يميز فالطريق اللي مشى به=والغشيم اليا نشدته قال أنا عمه.. وخاله,,

[بدر الكريزي]

""

الله الله..

صحت ألسنتكم ..

والصف صف ولدالعم ..

ولا يهـون الزراقي ..

واصلوا و متابعين ..

""

[مرجح الميزان]

مرحبا ومسهلا يالبدر





صح بدنك والصف يتنومس بوجودك ..





,,

[ابراهيم الزراقي]

آسف على التأخير ...واستلم


ليت بعض الناس ماعود بعد طول غيابه=وش يجيله عقب ضيع مكسبه مع راس ماله
الغشيم الي يصلي في صلاته بالجنابه=عند خلق الله يمينه كنها قيمة شماله

[ابراهيم الزراقي]

حياك الله يابدر الكريزي وشرفتنا

[مرجح الميزان]

:(



واعذاب اللي يجادله جنوبي واعذابه=ان فهم طول جداله ..وان جهل طول جداله..!!
من يصلي بالجنابه ..ليش ما تغسل ثيابه..؟!=دام وانك يا نسل زراق عالم في حواله

[ابراهيم الزراقي]

الله الله يامرجح الميزان دوب زان الليل



الشمالي من وسع صدره كلامك مادرابه=والجنوبي لو يغر الدرب ابا احصل بداله
ويش ابابه بعد ماشانت علومه ويش ابابه=مير فال الله ولا فاله بعد ماجاه فاله

[مرجح الميزان]

ههههه



المرجح مايبا من فوقكم يضحك عتابه=كيف يسطى فيك وأنته فاللقا حسبة عياله..؟ !
دوك كلمه عن رياجيل المعرفه بالنيابه=الجمل لا من برك للحمل يبراهيم شاله

[بدر الكريزي]

ابراهيم الزراقي


ياعتيبه لايروح الذيب من صيد الذيابه= افزعوا يااهل الحميه كلن بحاله وماله
اجمعوا كل السرايا والفصايل للحرابه=والوعد قدام والرجال مايترك مجاله


مرجح الميزان


ما يهاب الذيب يبراهيم دام الناب نابه=ولا يبا منا وصيه حيلته من دون حاله
وان سلم من مكرة الثعلب يبا يحمل كتابه=باليمين .. ولا تطير قوة العجه عقاله


ابراهيم الزراقي


ياحليلك ياحليلك فالقرايه والكتابه=مادريت ان العرب كلن على الجمه حباله
انت وينك يوم كان البرق يبرق في سحابه=والله ان الحمل يارجال معروفه جماله


مرجح الميزان


أحمد الله وأشكره بيت الجهل مقفول بابه=يوم بعض ناس ساكن فالجهل غرفه وصاله..!!
والحكيم اللي يميز فالطريق اللي مشى به=والغشيم اليا نشدته قال أنا عمه.. وخاله,,


ابراهيم الزراقي


ليت بعض الناس ماعود بعد طول غيابه=وش يجيله عقب ضيع مكسبه مع راس ماله
الغشيم الي يصلي في صلاته بالجنابه=عند خلق الله يمينه كنها قيمة شماله


مرجح الميزان


واعذاب اللي يجادله جنوبي واعذابه=ان فهم طول جداله ..وان جهل طول جداله..!!
من يصلي بالجنابه ..ليش ما تغسل ثيابه..؟!=دام وانك يا نسل زراق عالم في حواله


ابراهيم الزراقي ..


الشمالي من وسع صدره كلامك مادرابه=والجنوبي لو يغر الدرب ابا احصل بداله
ويش ابابه بعد ماشانت علومه ويش ابابه=مير فال الله ولا فاله بعد ماجاه فاله


مرجح الميزان


المرجح مايبا من فوقكم يضحك عتابه=كيف يسطى فيك وأنته فاللقا حسبة عياله..؟ !
دوك كلمه عن رياجيل المعرفه بالنيابه=الجمل لا من برك للحمل يبراهيم شاله

[ابراهيم الزراقي]

سرى الليل يامرجح الموازين ...واستلم




انت والد يالمرجح كلنا نحسب حسابه=نحشمه ونقدره ويمون ونكرم سباله
الجمل وش كثر باقيله على عد اللهابه=هو معه جمال والا راح في دربه لحاله

[مرجح الميزان]

والمحل اللي تجونه ياولد يكثر ذبابه=فسروها يارجال ما تحبون الجهاله..!!
السوالف مبتداها.. منتهاها.. بالطلابه=والنتيجه ما يسوق الكيف من قلب دلاله

[مرجح الميزان]

ابراهيم الزراقي صح لسانك



تشرفت بمجاراتك









والأخير عندك

:)


تحياتي

[مرجح الميزان]

بدر الكريزي


أولا : الله لا يهينك على الجهد المبذول



وثانيا : مبرووووووووووك وصولك للرقم 511.... أقترح على مرزوق يوقف العداد .!!




:)


تحياتي



,,

[بدر الكريزي]

^
^

والله إقتراح ما مثله لكن المشكلة إني شاركت و راح الرقم المميز .. ههههه

ولا هـان رأسك ..

[ابراهيم الزراقي]

الله الله....استلم


احسب انك تفهم المعنى وأثر بيتك خرابه=مير تلقى فالمكان الي تقوله لك بياله
يالمرجح لاتهور خل سيفك في قرابه=واحسب حسابك ترى بعض الحكي مالك وماله

[ابراهيم الزراقي]

والله انا الي تشرفت بمجاراتك يامرجح الميزان
وبيض الله وجهك وشكراً على سعة صدرك وعلى الود نلتقي

[محمد النخيش]

انت والد يالمرجح كلنا نحسب حسابـه
نحشمه ونقدره ويمون ونكـرم سبالـه



يادافع البلا منك ياإبراهيم ههههههههههههه

والمحل اللي تجونه ياولد يكثـر ذبابـه
فسروها يارجال ما تحبون الجهاله..!!


ههههههههههه مبدع يامرجح
على العموم صح لسانك يابراهيم وصح لسانك يامرجح الميزان


لاهنتو جميعا

[قادح شرار]

طيب طيب .

صح لسانك يا ابراهيم , وصح لسانك يالمرجح .

وتقبلوا مروري .........

[ابراهيم الزراقي]

ابو مناسيب

قادح شرار

الله يعطيكم العافيه على المرور وصحت ابدانكم