((( القــلــوب خـضــر )))

[نايف ابن حديد]

غزلية آمل ان ترقى لذائقة الجميع





الهواوي تضيق ابه الفجوج الوسيعه=لين تاقف به الدنيـا بريـع الندامـه
وش جبرني على رجم الندامه وريعه=كود من تطرح الغره وتـرخ اللثامـه
بدعة الحسن ماوالله وراهـا بديعـه=درةٍ دونها تسعـه وتسعيـن قامه
كنها المهره السابق لجـت فالطليعـه=يفهق الخيل حافرها وهي فالزعامه
مع بلاوي محاسنها هضيـم وتليعـه=نابتٍ عودها في بيت عـز وكرامـه
يوم قفت تسابقها خطاهـا السريعـه=قام طير الحشا يصرخ ويكبر حطامـه
ذقت باسبابها مر الغبـن والفجيعـه=الله انـه يجازيهـا ليـوم القيـامـه
ضيعتني وضعت وزدت ضيعه وضيعه=ضيعت الطير في ليلٍ توشح ظلامـه
كيف اجيها وانا مالي عليها ذريعـهريم رامات ترتع بين رامـه ورامـه
واقفٍ دونها حد الخطـر والشريعـه=مايجيها يكود اللـي يبيـع السلامـه
احسبني عن الخفرات نفسي منيعـه=واثرني وارثٍ كاس الغـرام ومدامـه
والوحش لو تحرز فالجبـال الرفيعـه=كان وان قدر الله حولت بـه حمامـه
اتركوني ياعذالـي يمـال القطيعـه=ماحـدن يمكـم لاتكثـرون الملامـه
اتحدوني على شيٍ وانا مااستطيعـه=تحسبون المحبه مثل لبـس العمامـه
الهوى دم قلب..وورث جد..وطبيعـه=ماتشوفون في حالي لفعلـه علامـه
فاعلٍ بي فعل فيصل بحرب الوديعـه=وفعل سلطان في مكه ويوم الرغامه
اخضعت للهوى نفس الهواوي مطيعه=عظ كفه ندامه واعتـرف بانهزامـه
والهوى منه قد لحق الدجيما هزيعـه=والوضيحي وابو زيد الهلالي سلامه

[محمد العتيبي]

الله اكبر على الشموخ ..

ماشاء الله صح لسانك يابن حديد

على هذه الشامخه ولله درّك ..

نترقب المفاجأه القادمه :)

[عبدالله الجـــذع]

الله اكبر يانايف

شامخه فعلا يالشامخ

الف شكر لك يالجزل على امتاعنا بهذه الدره


ننتظر جديدك


محبك

.,

[بدر الكريزي]

""

الله الله ..

صـح لسانك يا نايف على هذه الدره ..

تجبرنا على إنتظار جديدك ..

فلا تبطـي ..


""

[فواز علي الروقي]

صح لسااااااااااااااااانك
والله لايهينك
تحياتي لك

[نايف ابن حديد]

الله اكبر على الشموخ ..

ماشاء الله صح لسانك يابن حديد

على هذه الشامخه ولله درّك ..

نترقب المفاجأه القادمه :)

صح بدنك يامحمد العتيبي

مرورك فخر يالسنافي

[/عبد العزيز الجذع/]

الله..


صح لسانك على هالرائعة..


ونترقب جديدكـ..

[السبيــــعي]

الهوى دم قلب..وورث جد..وطبيعه
ماتشوفون في حالي لفعله علامه


راعي الحب مفضووح
ههه.. رااائعه يا نايــــف

صـــح لسانـــكـ يالغالي

قصيدة ولا أجمل

الله عليك

[مرزوق حمدان العتيبي]

...
.
رائعه وتستحق الاشاده يانايف..
.. صح لسانك ....

[أبو نجر النفيعي]

..

الله الله يا نايف ..

صح لسانك على هالرائعه ..

وفي انتظار جديدك ..

:)

أخوك

[معجب العتيبي]

صح لسانك يانايف


مبدع وقصيده رائعه

استمتعنا بقراءتها

وننتظر الجدي

شكرا لك

[نايف ابن حديد]

الله اكبر على الشموخ ..

ماشاء الله صح لسانك يابن حديد

على هذه الشامخه ولله درّك ..

نترقب المفاجأه القادمه :)

صح بدنك يامحمد العتيبي


مشكور على الاطراء

وابشر بالمفاجئات الساره ان شاء الله

[نايف ابن حديد]

الله اكبر يانايف

شامخه فعلا يالشامخ

الف شكر لك يالجزل على امتاعنا بهذه الدره


ننتظر جديدك


محبك

.,


مرحبا بك ياعبدالله الجذع

ولاهنت على المرور الغالي

[كعام المعادين]

صح لسانك مدد بلاعدد

ولك كل التقدير والاحترام

[نايف ابن حديد]

""

الله الله ..

صـح لسانك يا نايف على هذه الدره ..

تجبرنا على إنتظار جديدك ..

فلا تبطـي ..


""



صح بدنك يابدر الكريزي ومشكور على المرور الغالي