من نصايح العريدي

[عبدالله نقاء العريدي]

أبي انصح اللي ضايعن في حـياتــــه = اكل وشراب ونوم في كل الايـام
حـتى الـبهــايـم مـاتـسـوي ســواتـــه= يدوج كل الوقت وان نام ماقــام
و لا هوب داري وش يجيه ابحيا تــه= ان مات بعد الشوي ولا بعد عام
امـضـيقــن ثـوبـه يـقــلــد خــواتــــه= ومشطن شعره وله ذيل قـــــدام
يـهـتـم بـا لمنظـرويـتـرك صـلاتــــه= ولايوم صلى فالمساجد ولاصـام
يز عل لا من طاش ماطاش فـــاتــــه= ويمدح لهافلامن ويشتمله افـــلام
من كان هاذي يا النشا ما صفـاتــــه= يحتاج للي ينــصحونه للاســــلام
قـــدام يدخــل فــا البويت وبــــــياته=فالمظلم اللي مايجي عشرة اقدام
بـيـتــن تـروع كــل مسلـم هـبـاتـــــه= اململمين الطين حــــوله تلمــلام
اما عـــذاب الشخـص ولاغـنـاتــــــه= هوالماردالاول اليا جــاك هــــدام
لا جـاك شالــك مـا تـفـيد الشماتــــه= لاسامعن قولك ولاهــوب يـــــلام
ولا ظـنـتـي تـقـدر عـلى الـلتـفاتــــه= ولاتقدرالرجعه ولوهي بلاحـــلام
خـوك عـبـد الـلـه تـسمع وصـاتــــه= قــدام لا تــا قــف ويقــفن الاقـلام
صل الـفروض وكـامـل الـليل بـاتــه= وخلك على ترك السهرحيل عزام
ولاحال حـول الـمال طـلع زكـا تـــه= طـلع زكـاته للـفـقـراء ولايـــــتام
وصوم الرمضان وقوم في واجباتـه= وخلك مع اللي لتراويح قــــيــا م
والـحـج عـجـل لا تـؤخـر قــضـاتــه= العمر يمشي والليالي لها احكــام
والـوالـديـنـك صـيـر سكر نـبـاتـــــه= وحف المطالبهم يدينك ولاقـــدام
والجار حاول في حيا تك ارضاتـــه= حتى تنال الخير من رب الانــــام
والـضيـف تد سيم الشوارب امناتــه= حتـى يـقـول الله يـكرمـك لاقــــام
الشاعر/عبدالله نقاء العريدي

[صنديد العصمه]

يابو نقاء ابداع و صح لسانك و عساك على القوه

[معجب العتيبي]

الله الله

ابداع منقطع النظير

ونصيحه رائعه

شكرا لك

[/عبد العزيز الجذع/]

نصائح رائعة...



صح لسانك..


ونترقب جديدك..

[رايدالجعيد]

الله أكبر

و الله نصيحة وافية من شاعر وافي

بيض الله وجهك

و الله يعطيك العافية